(ಬಾಲಕೃಷ್ಣ ವರ್ಣನೆ)
ಕಂಸಾರಿ ಕೃಷ್ಣಾ ಕಾಡದಿರೆನ್ನನು ಪ
ಹಳ್ಳದ ತಡಿಯಲ್ಲಿ ಮಳಲು ತೋಡಿ ತೋಡಿ
ಗೊಲ್ಲಿತೆರೊಡÀನಾಡಿ ಕಲಿತ್ಯೋ ಬೆಡಗಾ
ಅಹಿನೇರಿ ಹುಡುಗಾ ಮಾಡಿದಿ ತುಡುಗಾ 1
ನೀರಿಗ್ಹೋಗುವಾಗ ದಾರಿಗಡ್ಡಕಟ್ಟಿ
ನಾರಿ ನೀನಾರೆಂದ್ವಿಚಾರಿಸುವೀ
ದೂರದಲ್ಲಿರುವಿ ಬದಿಯಲ್ಲಿ ಬರುವಿ
ಬೇರೆ ಕರೆವೆ ಈ ಬುದ್ಧಿ ತರವೆ 2
ವರ ಕದರುಂಡಲಗಿ ಹನುಮಯ್ಯನೊಡೆಯನೆ
ನಿನಗೆಣೆಯಿಲ್ಲವೊ ವನಜನಾಭಾ
ವನಿತೆಯರೆಲ್ಲಾ ಒಲಿಸಿದೆಯಲ್ಲಾ
ಮನುಜನಲ್ಲಾ ಮಾಯದ ಗೊಲ್ಲಾ 3

ಗುರುರಾಯ ಕರುಣಿಸೊ ಶರಣಾಗತರಂ ಪ
ಪರಮಪುರಷನ ದರ್ಶನವೀಯುತೆ ಅ.ಪ
ನಾನು ಎಂಬೊ ದುರಭಿಮಾನವ ಖಂಡಿಸು
ನೀನೇ ಸರ್ವತ್ರಯೆಂಬ ತತ್ವ ಬೋಧಿಸು 1
ಆರು ಮಂದಿಯ ಹುಡುಗಾಟವು ಹೋಗಲಿಯಿ-
ನ್ನಾರುಮಂದಿಯೊಳು ಸ್ನೇಹವು ಬೆಳಿಯಲಿ 2
ಗುರುರಾಮ ವಿಠ್ಠಲನೆ ಸರ್ವೋತ್ತಮನೆಂದು
ಇರುಳೂ ಹಗಲು ನೆನೆವ ಭಾಗ್ಯಕೊಡಿಸಿ 3

ಗೋಪಿ ನೋಡಮ್ಮಾ ಗೋಪೆಮ್ಮಾ ಪ.
ಗಡಿಗೆಯ ಒಡೆದಾನು
ಕೊಡಹಾಲು ಕುಡಿದಾನು
ಹುಡುಗರ ಬಡಿದು ಓಡಿ ಪೋದಾನು
ನಿಮ್ಮ ಹುಡುಗಾ ಸಿಕ್ಕಿದ ಮೇಲೆ
ಭಿಡಿಯಾವಿಲ್ಲದೆ ಗಿಡದಾ
ನೆರಳಿಗೆ ಕಟ್ಟುವೆನು ಬೆನ್ನಟ್ಟುವೆನು 1
ನೆಲವಿನಲ್ಲಿದ್ದ ಪಾಲುಮೊಸರು
ಬೆಣ್ಣೆ ಕದ್ದಾನು ಬಾಲಕರೊದ್ದನು
ಮುದ್ದು ಹೆಣ್ಣು ಬಾಲೆಯರಿಗೆ
ಕಣ್ಣುಸನ್ನೆ ಮಾಡಲಿ ಬಂದಾನು
ಭಂಡು ಮಾಡಿದಾನು ದುಂಡ ಕುಚವ
ಕರದಿ ಪಿಡಿದಾ ಓಡಿ ಪೋದಾ 2
ಹೆಡೆಯ ಸರ್ಪಾವ ಕರದೊಳು ಹಿಡಿದು
ಸಂಜೀಯ ಹೊತ್ತಿಲಿ ತಂದಾನು
ನಮ್ಮನ್ನಂಜಿಸಲು ಬಂದಾನು
ನಾಗಕನ್ನಿಕೆಯರಿಂದ ಸ್ತೋತ್ರ
ಮಾಡಿಸಿಕೊಂಡಾನು ಕಾಲಿಮರ್ಧನಕೃಷ್ಣಾನು 3