ಸಾವಧಾನವಾಗಿ ನೋಡೋ ಸ್ವಾಮಿ ಸದ್ಗುರು ಶ್ರೀಪಾದ
ಬೋಧ ಧ್ರುವ
ತಿರುಗಿ ನೋಡೋ ನಿನ್ನ ನೀನು ಅರಿತು ಸ್ವಾನುಭವದಿಂದ
ಕರಗಿ ಮನ ನೋಡಿ ನಿಜದೋರುತದೆ ಬ್ರಹ್ಮಾನಂದ
ಸೆರಗವಿಡಿದು ಸೇರು ಬ್ಯಾಗೆ ಗುರುಕರುಣ ಕೃಪೆಯಿಂದ
ಪರಮ ಸುಪಥವಿದೆ ವರಮುನಿಗಳಾನಂದ 1
ಹಚ್ಚಿ ನಿಜಧ್ಯಾಸವಂದು ಕಚ್ಚಿಕೊಂಡಿರೋ ಸುಹಾಸ
ಮುಚ್ಚಿಕೊಂಡು ಮುಕ್ತಿ ಮಾರ್ಗ ನೆಚ್ಚಿರೋ ನಿಜಪ್ರಕಾಶ
ಹುಚ್ಚುಗೊಂಡು ಹರಿಯ ರೂಪ ಅಚ್ಚರಿಸೋ ನಿರಾಶ
ಎಚ್ಚತ್ತು ನಿನ್ನೊಳಗೆ ಬೆರೆಯೋ ಘನಸಮರಸ 2
ಸಾವಧಾನವೆಂದು ಶ್ರುತಿ ಸಾರುತದೆ ತಾ ಪೂರ್ಣ
ಸುವಿದ್ಯ ಸುಖವಿದು ಸಾಧಿಸು ಅನುದಿನ
ಪಾವನ್ನಗೈಸುದಿದೆ ಮಹಿಪತಿ ಜೀವಪ್ರಾಣ
ಭಾವ ಬಲಿದು ನೋಡಲಿಕೆ ದೋರುತದೊ ನಿಧಾನ 3

ಹೊಂದಿ ಬದುಕಿರೋ ಮನವೆ ಇಂದಿರೇಶನ
ಎಂದೆಂದಗಲದೆ ದ್ವಂದ್ವ ಶ್ರೀಪಾದವ ಹೊಂದಿ
ಸುಖಿಯಾಗೋ ತಂದೆ ಸರ್ವೇಶನ ಧ್ರುವ
ಮುಚ್ಚಿಕೊಂಡು ಮುಕುತಿ ಸಾಧನ
ಹುಚ್ಚುಗೊಂಡು ಸಚ್ಚಿದಾನಂದನ
ಬಚ್ಚಿಟ್ಟುಕೊಂಡು ನಿಜ
ನೆಚ್ಚಿಕೊಂಡಿರೋ ನೀ ಅಚ್ಯುತಾನಂತನ 1
ಹರಿಚರಣ ಕಮಲವ ಕಂಡು
ಹರಿನಿಜಧ್ಯಾನ ನೆಲೆಗೊಂಡು
ಹರಿಕರುಣವ ಪಡಕೊಂಡು
ಹರಿನಾಮಾಮೃತ ಸವಿದುಂಡು 2
ಶ್ರೀಹರಿಸೇವೆ ಮಾಡಿಕೊಂಡು
ಇಹಪರ ಸುಖ ಸೂರೆಗೊಂಡು
ಬಾಹ್ಯಾಂತ್ರಪೂರ್ಣ ಮನಗಂಡು
ಮಹಿಪತಿ ಸ್ವಾಮಿ ವಾಲ್ವೈಸಿಕೊಂಡು 3