ಗುರುಭಕ್ತಿ ಮನವೆ ನೀ ಮಾಡು ಸ್ಥಿರ
ಗುರುತಿಟ್ಟು ಬಾಹುದು ಪರಾತ್ಪರ
ಸರಿಗಾಣೆನೊ ಪುಣ್ಯಕೆ ನೋಡಿದರ
ಕರಕೊಂಬುದಿದೆ ಸುಖ ಸಜ್ಜನರ 1
ಹಿಡಿಬೇಕು ಸದಾ ಗುರುಭಾವದೃಢ
ಉಪಾಧಿ ಜಡ
ಪಡಕೊಂಬುದು ಮಾಡಬಾರದು ತಡ
ಒಡಲ ಹೊಕ್ಕರ ಸದ್ಗುರು ಕೈಯಬಿಡ 2
ಗುರುನಾಮ ನಿಧಾನ ನೆನಿಯೊ ಸದ
ಸುರಲೋಕಕೆ ಪಾವನ ಮಾಡುವದ
ಪರತತ್ವಕೆ ಪಾರನೆದೋರುವದ
ಸ್ಮರಿಸಿನ್ನು ಮಹಿಪತಿ ಮುಖ್ಯವಿದ 3

ಮಾತು ಬಿಡಬೇಕು ನೀತಿ ಹಿಡಿಬೇಕು
ಪ್ರೀತಿಯಿಂದಧ್ಯಾತ್ಮ ನಿಜಸ್ಥಿತಿಗೂಡಬೇಕು ಧ್ರುವ
ಕೋಟಿ ಮಾತಾದೇನು ಕೋಟಿಲಿದ್ದಾವೇನು
ನೋಟ ನೆಲೆಗೊಳದ ಶಾಸ್ತ್ರಪಾಠ ಮಾಡಿನ್ನೇನು 1
ಸಂಜೀವ ಗಿಡಮೂಲವ್ಯಾತಕೆ ಸರ್ವ
ನಡಿಯು ಙÁ್ಞನವರಿಯದಿಹ ನುಡಿಯಾತಕೆ ಬೀರ್ವ 2
ನಡೆನುಡಿ ಒಂದೇ ಮಾಡಿ ದೃಢ ಭಾವನೆ ಕೂಡಿ
ಒಡನೆ ಬಾಹ್ವ ಮಹಿಪತಿ ಒಡಿಯ ಕೈಗೂಡಿ3