ಪರಿ ಮೋಸ ವಚನಗಳು
ನಾಚಿಕೆಯಿಲ್ಲವೇನೊ ಕೃಷ್ಣ ಪ
ಯೋಚಿಸುತಿರೆ ನಿನ್ನ ಸತತ ಮನದಲಿ
ಯಾಚಿಸುತಿರುವೆಯೋ ಪರರನ್ನು ಅ.ಪ
ಚಂಚಲತನದಲಿ ನಿನ್ನ ಸೇವಕಳನು
ವಂಚಿಸುತಿರುವುದು ಸರಿಯೇನೊ
ಪಂಚಬಾಣನು ತನ್ನ ಜನಕನಾಗಿಹ ನಿನ್ನ
ಮಿಂಚಿ ನುಡಿಯುವುದು ಅಚ್ಚರಿಯು 1
ಸಾರಸಲೋಚನೆ ಬೇರೆ ಯೋಚಿಸದಿರು
ಮಾರನು ಎನ್ನಯ ಮೀರುವನೆ
ಜರನೆಂದರಿಯುವ ನಾರೇರಿಗೆನ್ನ ವಿ
ಚಾರವನರುಹಲು ಸೇರಿದೆನು 2
ಅಂಬುಜಮುಖಿಯರ ಸಂಭ್ರಮದಲಿ ನೀ
ಹಿಂಬಾಲಿಸುತಿರೆ ನಂಬುವೆನೆ
ರಂಭೆಯರವರು ನೀ ಹಿಂಬಾಲಿಸುವೆ
ಡಂಭದ ವಚನವ ನಿಲ್ಲಿಸೆಲೊ3
ಪೋತ ನಾನಾಗಿರೆ ಪ್ರೀತಿಯ ನಟಿಸಿದ
ಪೂತನಿಯನುಭವವೆನಗಿಹುದೇ
ಘಾತಕರವರೊ ನೀತಿವಂತರೊ
ಮಾತಿನಂದರಿಯೆ ಹಿಂಬಾಲಿಸಿದೆ 4
ಲಲನೆಮಣಿಯರ ಜಲವಿಹಾರದ
ಸ್ಥಳಕೆ ನೀನೇತಕೆ ತೆರಳಿದೆಯೊ
ತಿಳಿದು ಇದನು ನಿನ್ನ ಸುಳಿವನು ಅರಿಯಲು
ಸುಲಭವೇನೆಲೊ ಶ್ರೀ ಕೃಷ್ಣ 5
ಹೊರಗಿನ ರೂಪದಿ ನರರನು ಸುಲಭದಿ
ಮರುಳು ಮಾಡುತಿಹ ತರಳೆಯರು
ಸರಳರೊ ಈ ಜನ ದುರುಳರೊ ಇವರ ಅಂ
ತರಗಳನರಿಯಲು ತೆರಳಿದೆನು 6
ಅಂತರಂಗಗಳನರಿಯಲು ನಿನ್ನಯ
ತಂತ್ರಗಳೆಲ್ಲವು ನಟನೆಗಳು
ಚಿಂತೆಯ ಪಡದೆ ಸ್ವತಂತ್ರನಾಗಿರುವೆ
ಸಂತಸದಲಿ ಪ್ರಸನ್ನನಾಗೆಲೊ 7

ಸೇವಕಗೆ ದಯಮಾಡಲೊ ಹರಿ ದೇವ ನಿಮ್ಮ
ಪಾವನಪಾದ ಭಾವದಿಂ ನಮಿಸಿ ಪಾವನನಾಗ್ವೆ ಪ
ಕಲ್ಲನು ನಲ್ಲೆಯ ಮಾಡಿದ ಪಾದ
ಕಳ್ಳನ ರಿಸಿಯೆಂದೆನಿಸಿದ ಪಾದ
ನಲ್ಲೆಯ ಬೆಂಬಲ ನಿಂತಿರ್ದ ಪಾದ
ಖುಲ್ಲ ಪೂತನಿಯ ಮೆಟ್ಟಿದ ಪಾದ1
ಮಂಕು ಕಾಳಿಂಗನ ತುಳಿದ ಪಾದ
ಶಂಖಾಸುರನ ಒದೆದ ಪಾದ
ಜಿಂಕೆಯನು ಹಿಂಬಾಲಿಸಿದ ಪಾದ
ಪಾದ 2
ಭೂಮಿ ಓರಡಿ ಮಾಡಿದ ಪಾದ
ಭಾಮೆ ದೃಢದಿ ಪೂಜಿಸಿದ ಪಾದ
ಪ್ರೇಮದಿಂ ಭಕುತರನುದ್ಧರಿಪ ಪಾದ
ಸ್ವಾಮಿ ಶ್ರೀರಾಮ ತವ ಕೋಮಲಪಾದ 3