ಅಚ್ಯುತ ಅಡಿಗಡಿ
ಗೆಚ್ಚರಿಕ್ಹೇಳುತಾನೋ ಪ
ಮೆಚ್ಚಿ ಬಿಡದೆ ಎನಗೆಚ್ಚರಿಕ್ಹೇಳುತಾನೋ
ಹುಚ್ಚರಾಗಿ ಇಹ್ಯಮೆಚ್ಚಲು ಮುಂದೆಮ
ಕಿಚ್ಚುಕಾಣೆನುತಾನೋಅ.ಪ
ನಿಂದೆ ಬಿಡೆನ್ನುತಾನೋ ಜಗವಿದು
ಕುಂದುವುದೆನುತಾನೋ ನಿನಗಿದು
ಒಂದು ಇಲ್ಲೆನುತಾನೋ ಬಂದದ್ದು ತಿಳೀದಿರೆ
ಮುಂದೆ ನಿನಗೆ ಭವಬಂಧ ಬಿಡದೆನುತಾನೋ 1
ನಿಶ್ಚಲಾಗೆನ್ನುತಾನೋ ಮನ ಬಹು
ಸ್ವಚ್ಛಮಾಡೆನ್ನುತಾನೋ ತನು
ಮುಚ್ಚಿ ಭಜಿಸೆನ್ನುತಾನೋ ಬಚ್ಚಿಟ್ಟು ಭಜಿಸಲು
ಇಚ್ಛೆಯಂತಿರ್ದು ನಿನ್ನ ಮೆಚ್ಚಿಕೊಂಬೆನ್ನುತಾನೋ 2
ಮರೆವು ತಾರೆನುತಾನೊ ನಿಚ್ಚವಾ
ದರಿವು ತಿಳಿಯೆನುತಾನೋ
ಅರಿವಿನ ಕುರಹು ಕಾಣೆನುತಾನೋ ಪರಮ ಶ್ರೀರಾಮನ
ತರಣಿ ಕಂಡು ಹರಷದ್ಹಾಡೆನುತಾನೋ 3

ಸಾಸಿರ ನಾಮವ ಹಾಡೆ | ತಂಗಿ ಪ
ದಾಸರು ಬಂದರೆ ಕೈ ಜೋಡಿಸಿ ವಂದಿಸೆ
ತೋಷದಿ ವರಗಳ ಸೀಡುವರಮ್ಮ ಅ.ಪ
ಪರಿಮಳ ಭರದಲಿ ಮೆರೆಯುವ ಹೂಗಳ
ಅರಸಿ ತಂದಿರುವಳು ನೀನಲ್ಲವೇ
ಪರಮ ಮಂಗಳಕರ ಸರಸಿಜಪಾದಕೆ
ಹರುಷದೊಳರ್ಪಿಸೆ ಮರೆಯದಿರಮ್ಮ 1
ಮಂದರಧರ ಗೋವಿಂದನು ಮನದಲಿ
ನಿಂದಿರುವನು ತಾನೆಂದೆಣಿಸಮ್ಮ
ಬಂಧಿಸಿ ಪಂಚೇಂದ್ರಿಯಗಳನೆಲ್ಲ
ವಂದಿಸಿ ಕೈಪಿಡಿ ಎಂದು ಬೇಡಮ್ಮ 2
ಅಂಗನೆಯರ ಭಾವಭಂಗಿಗೆ ನಲಿಯುವ
ಮಾಂಗಿರಿಯರಸನು ನಿಜವಮ್ಮ
ಇಂಗಿತವರಿತು ಗೋಪಾಂಗನೆಯರಿಗಾ-
ಲಿಂಗನವಿತ್ತವನಿವನಮ್ಮ 3
ಇವನಮ್ಮ ಮನದೈವ ಗೋಪಾಲನು
ಇವನಮ್ಮ ಪರದೈವ ನೀಲಾಂಗನು
ಭವದೂರ ಸುಕುಮಾರ ಸಿರಿಲೋಲನು
ನವನೀತ ದಧಿಚೋರ ಸುವಿಲಾಸನು 4
ಪರಮಾರ್ಥ ಚರಿತಾರ್ಥ ವರದಾತನು
ಪರತತ್ವ ಚಿರತತ್ವ ಗುರುವೀತನು
ದುರಿತಾರಿ ಉಪಕಾರಿ ಪರಮಾತ್ಮನು
ಸಿರಿರಂಗ ಮಾಂಗಿರಿಯ ದೊರೆಯೀತನು 5