ಅಗಲಿರಲಾರೆನೊ ಹರಿಯೆ ನಿನ್ನನು ಪ
ಹಗಲು ಇರಳು ಸಮ್ಮೊಗದಲಿರುತಿಹ
ಮಿಗೆ ಭಾಗ್ಯವ ಕೊಡೊ ನಗೆಮೊಗದರಸನೆ ಅ.ಪ.
ಅನುದಿನ ನಿನ್ನಯ ಚರಣ ವನಜಕೆ
ಮಣಿಯುವುದೆನಗಾಭರಣ
ಅನಿಮಿಷರೊಡೆಯನೆ ಅನಿಮಿತ್ತ ಬಂಧುವೆ
ಪ್ರಣತ ಜನ ಮಂದಾರ ಮುಕುಂದನೇ 1
ಮಾರ ಜನಕ ಎನ್ನ ಕರುಣದ
ಪಾರ ಪ್ರಭುವರೇಣ್ಯ
ಸಾರಸನಯನ ಉದಾರ ಹೃದಯ ಗಂ
ಭೀರ ಗುಣಾಂಬುಧಿ ಸಾರಸನಾಭನೇ 2
ಮಂಗಳಾಂಗ ಹರಿಯೇ- ತವಪದ
ಭೃಂಗನೆನಿಸೊ ದೊರೆಯೆ
ರಥಾಂಗ ಪಾಣಿ ಭವ
ಭಂಗ ಕರಿಗಿರಿ ನೃಸಿಂಗ ಶುಭಾಂಗನೆ 3

ಪರಮ ಪುರುಷ ಬಾರೋ-ಪಾವನ-
ಚರಣಯುಗವ ತೋರೋ ಪ
ನಿರುತವು ನಿನ್ನನೆ ನೆರೆನಂಬಿದೆ ಹರಿ ಅ.ಪ.
ದಿಕ್ಕು ನೀನೆ ಎಂದು-ನಂಬಿದನಕ್ಕರಿಂದ ಬಂದು
ಘನ ರಕ್ಕಸ ವೈರಿಯೆ 1
ಇಷ್ಟದೇವನಾರೋ-ಮನಸಾಭೀಷ್ಟವ ಕೊಡುಬಾರೋ
ನೀಂದೃಷ್ಟಿಸು ನಮ್ಮನು2
ಕೇಣವ್ಯಾಕೋಹರಿಯೇ-ಕಣ್ಣಿಲಿ-ಕಾಣ ಬಾರೋ ಧೊರೆಯೇ
ಸರಿ ಜಾಣತನದಿಹರಿ3
ವಾರಿಧಿಕೃತಶಯನ-ವಿಕಸಿತ-ವಾರಿಜದಳನಯನ
ಕಂಸಾರಿ ಸಾರಿದೆ ನರಹರಿ4
ಧರೆಯೊಳಧಿಕವಾದ-ಶ್ರೀ ಪುಲಿಗಿರಿಯೊಳು ನೆಲೆಯಾದ
ವರದವಿಠಲಧೊರೆ ವರದ ದಯಾನಿಧೆ 5