(ಶ್ರೀ ಜಯತೀರ್ಥರು)
ಜಯತೀರ್ಥರೇ ನಮ್ಮ ಸುಮತೋದ್ಧಾರಕರು
ಮಳಖೇಡ ನಿಲಯರು ಪ
ಪೂರ್ಣಪ್ರಜ್ಞರಲಿ ಪಶುರೂಪ ತಾಳಿ ಭಾಷ್ಯಗಳ ಪೇಳಿ
ಜೀರ್ಣಮಲಿನ ಮೂಢಮತಗಳಿಗೆ ದಾಳಿ ಈ ಗ್ರಂಥಗಳ್ಹೇಳಿ
ಪೂರ್ಣಬೋಧ ಗುರುಮತವಾರ್ವವ ಪೇಳಿ
ಸುಜ್ಞರಾದರು ಮುದ ತಾಳಿ 1
ಇದೇ ದೇಶಪಾಂಡೆರೊಳುದ್ಭವಿಸೆ ನರಜನ್ಮ ವಹಿಸಿ
ಪದಪಿನಿಂದ ಗೃಹಸ್ಥಾಶ್ರಮವನುಸರಿಸಿ ಸಂಸಾರದಿ ಬೆರಸಿ
ಕುದರಿ ಏರಿ ಪೊಳೆ ನೀರಿಗೆ ಬಾಯಿ ಸರಿಸಿ ಬಹು ನೀರಡಿಸಿ
ಸದಮಲಕ್ಷೋಭ್ಯರು ಪಶುವೆಂದುಚ್ಚರಿಸಿ ಪೂರ್ವ ಜನ್ಮ ಸ್ಮರಿಸಿ 2
ಕ್ಷಿಪ್ರದಿ ಯತ್ಯಾಶ್ರಮವೆ ತಾಳಿದರು ಟೀಕವ ಕೈಗೊಂಡರು
ಸುಪ್ರಸಿದ್ಧ ಹರಿಮತವನುದ್ಧರಿಸಿದರು ವ್ರತಗಳ ಪೇಳಿದರು
ವಿಪ್ರವರ್ಗಕೆ ಹರಿಮಾರ್ಗವ ತೋರಿದರು ಹರಿಮತ ತತ್ವಜ್ಞರು
ಸುಪ್ರಸಿದ್ಧ ನರಸಿಂಹವಿಠಲತರು ಶತಪತ್ರ ಶೇಷಾಲಂಕೃತರು 3

ವಾಯು ಕುಮಾರ ಸುಜನೋದ್ಧಾರ
ಮಾ ರಮಣ ಪ್ರಿಯ ಭಕುತವರ ಪ
ಪಾರಾವಾರದಂತಿಹ ಈ ಘೋರ ಸಂಸಾರದ
ಪಾರವಗಾಣಲುಪಾಯವ ತೋರೊಅ.ಪ
ಇನಕುಲ ತಿಲಕನ ಅನವರತದಿ ದರು
ಶನದಲಿ ಹಿಗ್ಗುವ ಅನುಭವವು
ಸನಕ ಸನಂದನ ಮುನಿಜನಗಳಿಗುಂಟೆ
ವಿನಯದಿ ಬೇಡುವೆ ಅನುಗ್ರಹವ 1
ಈ ಮಹಿಯೊಳು ಬಲ ಭೀಮನೆಂಬ ದಿವ್ಯ
ನಾಮದಿ ಪರಿಪರಿ ಸೇವಿಸುತ ಸತ್ಯ
ಭಾಮಾಕಾಂತನ ಪ್ರೇಮ ಪಾತ್ರನೆಂದು
ಕಾಮಿಸುವೆನು ನಿನ್ನ ವರ ದಯುವ 2
ವರ ಯತಿ ವೇಷದಿ ಹರಿಮತವನು ಬಲು
ಹರಡುತ ಧರೆಯೊಳು ಸುಜನರಿಗೆ ನರ
ಹರಿ ಲೋಕಕೆ ಮಾರ್ಗವರುಹಿದ ಗುರುಗಣ
ಗುರು ಮಧ್ವರಾಯ ಪ್ರಸನ್ನನಾಗೊ 3