(ಆ) ಶ್ರೀ ಲಕ್ಷ್ಮೀಸ್ತುತಿಗಳು
ಅಂಗನೆ ನಿನ್ನ ಮುಖದಿರುವಿಂತು ನೆರೆ
ದಿಂಗಳ ಸೋಲಿಸುವಂತೆ ತೋರುತಿದೆ ಪ
ಮಿಸುಪ ಕೆಂಪಿನೊಳಸಿತಗಳೇನೇ ಯೀ
ಎಸೆವಚ್ಚಬಿಳಿದರೊಳು ರಾಗವೇಕೇ
ಮಿಸುನಿವೋಲೆಯ ಮೇಲೆ ಮುಸುಳಿತೇ ಯೀಗ
ಪೊಸತಾವರೆಯ ಮೇಲೆ ಮಳೆ ಸೂಸಿತೇ 1
ಅಂಬರ ಅಳಿದಿಹುದೇನೆ ಮರಿ
ದುಂಬಿಯ ಹಂಬಲು ಪೊಸತಾಗಿದೆ
ತಂಬೆಲರಳತೆಗೆ ಪೇರ್ಚಿದೆಯೇನು
ಪೊಂಬಟ್ಟೆ ಸೋಂಕಲು ಮುನ್ನ ಕಿರಿದಾದುದೇ 2
ಬಾಲೆ ನೀಕರೆಯ ಹೋಗಿ ನೆರದೆಯೇ ಈಗ
ಮೂಲೋಕ ಮೋಹನ ಸುರಪುರವ
ಪಾಲಿಸುವ ಮಹಾಲಕ್ಷ್ಮೀಪತಿ ಬಂದು ಯೆನ್ನ
ಮೇಲಿಕ್ಕಿ ನೆರದುದಾ ಯೇನೆಂಬೆನೇ 3

ಕೊಡು ಕೃಷ್ಣನೇ ಎನ್ನ ಸಾಲವ ಬೇಗ
ಕೊಡದಿದ್ದರೆ ಬಿಡೆನೊ ಪ.
ತಡ ಮಾಡಿದೊಡೆ ನಿನ್ನಾಟದ ಬೆಡಗನು
ಪೊಡವಿಗೆ ತಿಳಿಸುವೆನು ಜೋಕೆ ಅ.ಪ.
ನೀರ ಪೊಕ್ಕರು ಬಿಡೆ ನಿನ್ನ ಭವ
ವಾರಿಧಿ ದಾಟಿಸುವೆಂಬೆ
ಭಾರ ಪೊತ್ತರೆ ನೀನೇ ಎನ್ನ ಸಂಸಾರ
ಭಾರಕೆಂಬೇ ದೇವ
ಕೋರೆ ತೋರಲು ಅಂಜುವೆನೆ ಭೂಮಿಯ
ಮೇರೆ ಸಿಲಿಕದೋಡಿದರೂ ದೃಢವನು
ಕೊಡದಿದ್ದರೂ ಬಿಡೆ ನಾ 1
ಕಂಬದೊಳಡಗಲು ಬಿಡೆನು ನಿನ್ನ
ಡಿಂಬ ಭಜಿಪೆ ನರಹರಿಯೆ
ಸಂಭ್ರಮದೊಳು ಬ್ರಹ್ಮಚಾರಿಯಾಗಲು
ನಿನ್ನ ಹಂಬಲು ಬಿಡೆ
ಕೊಡಲಿಯನು ತೋರಲು ಕದಂಬ
ಬಾಹು ಛೇದಿಸಲು ರಾಮ
ಕೊಡದಿದ್ದರೆ ದೃಢನಾ ದೇವ 2
ಒಂದು ಸ್ಥಳದಿ ಪುಟ್ಟಿ ತಿಳಿಸದೆ ಇ
ನ್ನೊಂದು ಸ್ಥಳಕೆ ಪೋಗೆ ಕೃಷ್ಣಾ
ಅಂದದ್ವಸನ ಬಿಟ್ಟು ಸುಂದರಿಯರ ವ್ರತ
ಛಂದದಿ ಕಳೆದುನೀ ತೇಜೀಯೇರಲು
ಸುಂದರ ಶ್ರೀ ಶ್ರೀನಿವಾಸ ನಿನ್ನಡಿ
ದೃಢ ಕೊಡದಿದ್ದರೆ ಬಿಡೆನಾ 3