ಇಂದು ಧನ್ಯನಾ ಪ
ಇಂದು ಧನ್ಯನ ಇಂದಿರೇಶನಾ|
ಇಂದುವದನವ ಕಂಡೇನಾ|
ಕಂದರೊಳಗುದ್ಧಂಡನಾ|
ಬಂದು ಪಾಲ್ಬೆಣ್ಣೆ ಉಂಡನಾ 1
ಅರ್ನವೊಪಮ ವರ್ಣಕಾಯಸು|
ವಾಹನ ಕರುಣನಾ|
ನಿರ್ನಸುವರಣ ನಿಪುಣನಾ|
ಸ್ವರ್ಣವಸನಾ ವಿರ್ಣನಾ 2
ಮಹಿಯ ಭಾರವನಿಳುಹಲೋಸುಗ|ದಯ|
ಗೃಹದೊಳಗ ತಾಬೆಳೆದನಾ|
ಇಹಪರ ಜನ ಹೊರೆದನಾ|
ಮಹಿಪತಿಸುತ ವರದನಾ 3

ರಂಗನಾಥ ಪಾಲಿಸೆನ್ನ ಮಂಗಳಾಂಗ ಶ್ರೀಶ ಬೇಗ ಪ
ನಿನ್ನ ಭಜನೆಯನ್ನು ಗೈವೆ ಪನ್ನಗಾರಿವಾಹ ಹರೆ
ಸ್ವರ್ಣವಸನ ಭೂಷಿತಾಂಗ ಸನ್ನುತಾಂಗ ಧೀರಶೂರ 1
ದುಷ್ಟರನ್ನು ಶಿಕ್ಷಿಸುತ್ತ ಸೃಷ್ಟಿಗೊಡೆಯನೆನಿಸಿ ನೀನು
ಇಷ್ಟ ವರಗಳನ್ನು ಕೊಟ್ಟು ಶ್ರೇಷ್ಟನೆನಿಸು ನಂಬಿದೆನು 2
ಕಾಮಿತಾರ್ಥ ಫಲಗಳೀವ ಕಾಮ ಜನಕ ದೇವನೆ
ಧೇನುನಗರದಲ್ಲಿ ನೆಲಸಿ ನೇಮದಿಂದ ಪೂಜೆಗೊಂಬೆ 3