ದಾರಿಯ ವಿಡಿರಣ್ಣ | ಸ್ವಹಿತದ ದಾರಿಯ ಹಿಡಿರಣ್ಣಾ ಪ
ದಾರಿಯ ವಿಡಿನಿಜ ಸಾರಿಹ ಶೃತಿಗಳ |
ಚಾರು ಭಕುತಿಯಾ ಅ.ಪ
ಬಲ್ಲವರಿಗೆ ಬೆಸಗೊಳ್ಳುತ ಮನಸಿನ |
ಖುಳ್ಳತನದ ಗುಣವೆಲ್ಲವು ಹೋಗಿ |
ಬಲ್ಲವರನು ಕಂಡು ಮೆಲ್ಲಡಿಗಳ ವಿಡಿ |
ದುಳ್ಳ ಸಿದ್ಧಾಂತದ ಸೊಲ್ಲವ ಕೇಳಿ |
ಉಲ್ಹಾಸದಿಂದಲಿ ಮೆಲ್ಲನ ಭ್ಯಾಸವ |
ಮೆಲ್ಲನೆ ಮಾಡುತ ಸುಲ್ಲಭ ತೆರದಾ 1
ಕಂಡ ಪಥಕ ಹರಿದಂಡಲೆಯದೆನೆರೆ |
ತಂಡಿಸುತಿಹ ಪಾಷಾಂಡ ಹೋಗಿ |
ಚಂಡ ಸುಜ್ಞಾನದ ಲುಂಡನು ಭವದೃಢ |
ಗಂಡು ಸದ್ಭೋಧದಿ ಪಂಡಿತನಾಗಿ |
ಹಿಂಡ ಭಾಗವತರ ಮಂಡಲದೊಳು ಕೂಡಿ |
ಪುಂಡರೀಕಾಕ್ಷನ ಕೊಂಡಾಡುತ ನಿಜ 2
ಹಿಂದಿನ ಸುಕೃತಗಳಿಂದ ನೃದೇಹದಿ |
ಬಂದೆನು ನಾನಿನ್ನು ಮುಂದಣ ಗತಿಯಾ |
ಹೊಂದುವೆ ನಾವದುಯಂದು ವಿಚಾರವಾ |
ತಂದು ಸದ್ಭಾವಲಿಂದೇ ನಿಷ್ಠೆಯಲಿ
ತಂದೆ ಮಹಿಪತಿ ಪ್ರಭುಪದ
ಭವ ಬಂಧನ ಹರಿವಾ 3

ನಿನ್ನನೀ ತಿಳಿದು ನೋಡು | ಯನ್ನ ಮನವೇ ಪ
ನಿನ್ನ ನೀ ತಿಳಿದು ನೋಡು |
ಎನ್ನ ಹಿತವು ದಾವುದೆಂದು |
ಮುನ್ನಿನವ ಗುಣ ಜರಿದು |
ಇನ್ನಾರೆ ನೀ ಮನವೇ 1
ಒಳ್ಳೆವರಾ ಕಂಡು ಬಾಗಿ |
ಬಡಿವಾರ ನೀಗಿ |
ಸೊಲ್ಲವ ನಾಲಿಸು ಅವರಾ |
ನಿಲ್ಲದೇ ನೀ ಮನವೇ 2
ತಂದೆ ಮಹಿಪತಿ ದಯಾ |
ದಿಂದ ಪಡೆಯೋ ವಿಜಯಾ |
ಮಂದ ನಾಗದಿರು ಬಂದಾ |
ಛಂದ ವಿಂದು ಮನವೇ 3