ಸಕಲವೆಲ್ಲವು ಶಿವನ ಲಿಂಗದೊಳಗಡಗಿದುದು
ಲಿಂಗವೆ ಮಾಲಿಂಗವಾಗಿ ತೋರುವುದು ಪ
ಭಕುತಿಕರು ಮಮತೆಯೊಳು ಸ್ಥಾಪಿಸಿಯೆ ಅರ್ಚಿಸಲು
ಸುಕೃತಫಲವನು ಅಳೆವ ಕೊಳಗವನು ಕಾಣೆ ಅ.ಪ
ಆ ಮಹಾ ಸಹಸ್ರನಾಮದೊಳಗತ್ಯದಿಕ
ಸೊಮೇಶನೆಂದೆಂಬ ಸ್ವಾಮಿಯನು ಕಂಡು
ಸೋಮವಾರದ ದಿವಸ ಸಾಮರುದ್ರವ ಜಪಿಸಿ
ನೇಮದಿಂ ಪೂಜಿಸಲು ಕಾಮಿತದ ಫಲವು 1
ಇನ್ನೇನ ವರ್ಣಿಸುವೆ ಈಶ ನಿನ್ನಯ ಮಹಿಮೆ
ಉನ್ನಂತವಾಗಿ ಜಗದೊಳು ಚರಿಸಿತು
ಪನ್ನಗೇಶನ ಬಲದ ಪಶ್ಚಿಮದ ದೆಸೆಯೊಳ್ ಪ್ರ-
ಸನ್ನವಾದನು ಸೋಮನಾಥನೆಂದೆನುತ2
ಪಾದ ಪ್ರತ್ಯಕ್ಷವಾಗಿಯೆ
ಸೋಮೇಶನೆಂದೀಗ ತಾ ಮೆರೆದುದು
ಭುಕ್ತಿ ಮುಕ್ತಿಯನಿತ್ತು
ಪ್ರೇಮದಿಂ ಸಲಹುತ್ತ ಕಾಮಿತಾರ್ಥವನೀವ 3
ಲೋಕೋಪಕಾರಕ್ಕೆ ಸೋಮೇಶ ನೀ ಬಂದೆ
ಗೋಕರ್ಣ ಶ್ರೀಶೈಲ ಕಾಶಿ ರಾಮೇಶ್ವರವು
ಬೇಕೆಂಬುದಿಲ್ಲಿನ್ನು ಎನ್ನ ಭೀತಿಯ ಗಿರಿಯ
ಕುಲಿಶ ನೀನು ಜಗದೀಶ 4
ಜೋಕೆಯೊಳು ಮನದೊಳಗೆ ಅಡಗಿಸಿಯೆ ಭಜಿಸಿದರೆ
ಯಾಕೆ ಮನದೊಳು ಬಿಡುವೆ ಶಿವನಾಮವನು ನೀನು
ಏಕೆ ಕಡೆಯಲಿ ಕೆಡುವೆ ಮರುಳು ಜೀವನವೆ 5
ಸಡಗರದಿ ಸರ್ವವೂ ನಿನ್ನಲ್ಲಿ ಅಡಗಿದುದು
ಜಡೆಯೊಳಗೆ ಅಡಗಿದುದು ಪೊಡವಿಗುತ್ತಮ ನದಿಯು
ಉಡುಪತಿಯು ಅಡಗಿದನು ಊಧ್ರ್ವ ಫಣೆಯೊಳಗೆ
ಪಿಡಿಯೊಳಗೆ ಅಡಗಿದುದು ವೇದ ಮೃಗರೂಪಾಗಿ 6
ಕಿಚ್ಚು ಅಡಗಿತು ಅವನ ಅಚ್ಚ ಹಣೆಗಣ್ಣಿನೊಳು
ಮುಚ್ಚಿ ತೆರೆವಕ್ಷಿಯೊಳು ಮೂಜಗದ ಬೆಳಕು
ಬಿಚ್ಚಿಟ್ಟಿ ವಿಷಕಂಠದೊಳು ಲೋಕವನು
ಎಚ್ಚರಿಪ ಮಂತ್ರಗಳು ಬಾಯೊಳಗಡಗಿದುದು 7
ಶುದ್ಧ ಸ್ಫಟಿಕ ಥರದ ಕಾಯಕಾಂತಿಗಳುಳ್ಳ
ಬದ್ಧುಗೆಯ ದಾರದಂದದಿ ಉರಗನೊಪ್ಪುಗಳು
ಉದ್ದಿಶ್ಯವಾಗಿ ಭಜಿಸಿದ ಭಕ್ತರುಂಡಗಳು
ತಿದ್ದಿಟ್ಟಿ ಆಭರಣ ತಿರಿಶೂಲಧರಣ 8
ಪುಲಿಕರಿಯ ಪೊಳವುಗಳು ನಳನಳಿಪ ವಸನಗಳು
ಹೊಳೆವ ಮುಖತೇಜಗಳು ನಳಿನನೇತ್ರಗಳು
ನಲಿವಗಣ ಕೋಟಿಗಳ ಮಧ್ಯದೊಳು ಕೈಲಾಸ
ಇಳಿದು ಬಂದನು ನಮ್ಮ ಬಳಿಗೆ ಸೋಮೇಶ 9
ನಾಸಿಕದಿ ಕೌಮಾರಿಗವಧಿಯಾಗಿಹ ಸ್ಥಳ ವಿ-
ಶೇಷವಾಗಿಹ ಶುದ್ಧ ರೌಪ್ಯಪುರದೊಳಗೆ
ಭೂಸುರೋತ್ತಮಗೊಲಿದು ಭೂರಿಭಾಗ್ಯವನಳೆದು
ವಾಸವಾದೆಯೊ ಜಗದೀಶ ಸೋಮೇಶ 10
ಭಾಳನೇತ್ರನೆ ನೀಲಕಂಠ ಶೂಲಾಸ್ಥಿಧರ
ಕಾಲರುದ್ರ ವ್ಯಾಳಭೂಷ ಸರ್ವೇಶ
ಲಾಲಿಸೈ ಬಿನ್ನಪವ ಪಾಲಿಸೆನ್ನನು ಬೇಗ
ಬಾಲಕನು ಅಲ್ಲವೇ ಭಕ್ತಸುರಧೇನು 11
ಸಾರಿ ನೋಡಿರೊ ಮೂರು ಲಿಂಗವನು ನೀವೀಗ
ಧಾರುಣಿಯಳೊಂದು ಶಿವಲಿಂಗವನು ಬೇಗ
ಮೇರುವಿಗೆ ಸಮವಾದ ಹೇಮವನು ವಿಪ್ರರಿಗೆ
ಧಾರೆಪೂರ್ವಕವಾಗಿ ಇತ್ತ ಫಲ ಒದಗುವುದು 12
ಶಿವನ ಪೂಜೆಯೆ ಭಕ್ತಿ ಶಿವನ ಪೂಜೆಯೆ ಮುಕ್ತಿ
ಶಿವಮಂತ್ರವೆ ಶಕ್ತಿ ಶಿವನೆ ಪರಶಕ್ತಿ
ಶಿವನಾಮವನು ಭಜಿಸಿ ಸಿರಿಯ ಪಡೆದನು ಹರಿಯು
ಶಿವನ ಮರೆಯದೆ ಭಜಿಸು ಇಹಪರವ ಸೃಜಿಸು13
ನಿನ್ನನೇ ನಂಬಿದೆನು ಉನ್ನತಾನಂತೇಶ
ಮನ್ನಿಸಿ ದಯದೋರು ಚಂದ್ರಮೌಳೀಶ
ಇನ್ನು ಭಯವಿಲ್ಲೆನೆಗೆ ಹರಸೆನ್ನ ಸೋಮೇಶ
ಎನ್ನೊಡೆಯ ಶ್ರೀಕೃಷ್ಣ ವರಾಹತಿಮ್ಮಪ್ಪ 14

ಪ್ರಸನ್ನ ರಾಮಾಯಣ ಸುಂದರಕಾಂಡ
ಜಯ ಜಯ ಜಯ ರಾಮಚಂದ್ರ
ಜಯ ರಾಮಭದ್ರ ಸರ್ವೇಶ
ಜಯ ಜಯ ಜಯ ರಾಮ ಸ್ವರತ ಆಹ
ಜಯ ಸೀತಾರಮಣ ನೀ ಭಯಬಂಧ ಮೋಚಕ
ಜಲ ಸಂಭವಮುಖ ಸುರಸೇವ್ಯ ನಮೋ ನಮೋ ಪ
ಶಾಶ್ವತ ಸುಗುಣಾಬ್ಧಿ ರಾಮ
ಸವೇಶ್ವರನೆ ಬಲವೀರ್ಯ
ಸಂಪೂರ್ಣಾರ್ಣವ ನಿನ್ನ ನಮಿಸಿ ಆಹ
ಶೀಘ್ರ ಆ ಗಿರಿಯೆತ್ತಿ ಹನುಮ ಹಾರಲು ಆಗ
ಸಾಗರ ಸರ್ವವು ಕಲಕಿ ಓಡಿತು ಕೂಡ 1
ಹಿಂದೆ ಪರ್ವತಗಳ ಪಕ್ಷ
ಹನನ ಕಾಲದಿ ವಾಯು ತನ್ನ
ಹಿತದಿ ರಕ್ಷಿಸಿದನು ಎಂದು ಆಹ
ಹಿಮಗಿರಿಸುತ ಮೈನಾಕನು ಮೇಲೆ ಬಂದಾಗ
ಹನುಮಗೆ ನಮಿಸಿ ವಿಶ್ರಮಿಸಿಕೊಳ್ಳೆಂದ2
ಶ್ರಮರಹಿತನು ಎಂದೂ ಹನುಮ
ಶ್ರಮ ನಿವಾರಣ ಅನಪೇಕ್ಷ
ಆಶ್ಲೇಷಿಸಿ ನಗವರನ ಆಹ
ನಿಸ್ಸೀಮ ಪೌರುಷ ಬಲಯುತ ಹನುಮನು
ನಿಲ್ಲದೆ ಮುಂದೆ ತಾ ಸುರಸೆಯೊಳ್ ಹೊಕ್ ಹೊರಟ 3
ಪರೀಕ್ಷಿಸೆ ಸುರಸೆಯ ಸುರರು
ಪ್ರೇರಿಸಿ ವರವನ್ನು ಕೊಡಲು ಆಹ
ಫಣಿಗಳ ತಾಯಿ ಅವಳು ಬಾಯಿ ತೆರೆಯಲು
ಪೊಕ್ಕು ಲೀಲೆಯಿಂ ಹನುಮ ಹೊರಹೊರಟ4
ಸುರರು ಆನಂದದಿ ಆಗ
ಸ್ತುತಿಸಿ ಹನುಮನ ಕೊಂಡಾಡಿ
ಸುರಿಯಲು ಪುಷ್ಪದ ಮಳೆಯ ಆಹ
ಶೀಘ್ರ ಪವನಜನು ಮುಂದೆ ತಾ ಹೋಗುತ್ತ
ಸಿಂಹಿಕಾ ರಾಕ್ಷಸಿ ಛಾಯಾಗ್ರಹವ ಕಂಡ 5
ಸರಸಿಜಾಸನ ವರಬಲದಿ
ಸಿಂಹಿಕಾ ಲಂಕಾ ಪೋಗುವರ
ಸೆಳೆದು ತಾ ನಿಗ್ರಹಿಸುವಳು ಆಹ
ಸೆಳೆಯೆ ಆ ರಾಕ್ಷಸಿ ಹನುಮನ ಛಾಯೆಯ
ಸೀಳಿದ ಹನುಮ ಅವಳ ಶರೀರದಿ ಪೊಕ್ಕು 6
ತನ್ನ ನಿಸ್ಸೀಮ ಬಲವನು
ತೋರಿಸಿ ಈ ರೀತಿ ಹನುಮ
ಧುಮುಕಿದ ಲಂಬ ಪರ್ವತದಿ ಆಹ
ತೋರ್ಪುದು ಲಂಕಾ ಪ್ರಕಾರದೊಲï ಈ ಗಿರಿ
ತನ್ನ ರೂಪವ ಸಣ್ಣ ಹನುಮ ಮಾಡಿದನಾಗ 7
ಆಗಿ ಬಿಡಾಲದೊಲ್ ಸಣ್ಣ
ಅಸಿತ ಕಾಲದಿ ಪೋಗೆ ಪುರಿಗೆ
ಅಲ್ಲಿದ್ದ ಲಂಕಿಣಿ ತಡೆಯೆ ಆಹ
ಅವಳ ಹನುಮ ಮುಷ್ಟಿಯಿಂದ ಕುಟ್ಟಿ ಜಯಿಸಿ
ಅನುಮತಿಯಿಂದಲ್ಲೆ ಲಂಕೆಯೊಳ್ ಪೋದ 8
ಶ್ರೀಘ್ರ ಅಶೋಕ ವನದಲಿ
ಶಿಂಶುಪಾವೃಕ್ಷ ಮೂಲದಲಿ
ಸೀತಾ ಅಕೃತಿಯನು ಕಂಡ ಆಹ
ಸೀತೆಗೆ ಏನೇನು ಭೂಷಣ ಉಂಟೋ
ಸೀತಾ ಆಕೃತಿಗೂ ಸಹ ಅದರವೊಲಿತ್ತು 9
ಅವನಿಯೋಳು ನಿನ್ನ ವಿಡಂಬ
ಅರಿತು ಅನುಸರಿಸಿ ಹನುಮ
ಅದರಂತೆ ಪರಿಪಂಥಾವಳಿಗೆ ಆಹ
ಅವಶ್ಯ ಮಾತುಗಳಾಡಿ ಅಂಗುಲೀಯಕವೀಯೆ
ಚೂಡಾಮಣಿ ನಿನಗೆಂದು ಕೊಟ್ಟಳು 10
ಅರಿಯರು ರಾಕ್ಷಸರಿದನು
ಅಮರರು ಕಲಿಮುಖರೆಲ್ಲ
ಅವಲೋಕಿಸಿದರು ಈ ಕಾರ್ಯ ಆಹ
ಅಮರರು ಲೋಕವಿಡಂಬವಿದೆಂದರಿಯೆ
ಅಧಮ ಕಲ್ಯಾದಿಗಳ್ ಮೋಹಿತರಾದರು 11
ಕೃತಕೃತ್ಯವಾಗಿ ತಾ ಹನುಮ
ಕೋವಿದೋತ್ತಮ ಬಲವಂತ
ಕಾಣಿಸಿಕೊಳ್ಳುವ ಮನದಿ
ಕಿಂಚಿತ್ತೂ ಭಯವೇನೂ ಇಲ್ಲದೆ ವನವನು
ಕಡಿದು ಧ್ವಂಸವ ಗೈದ ಆ ಶಿಂಶುಪವ ಬಿಟ್ಟು 12
ಕುಜನ ರಾಕ್ಷಸರನು ಕೊಲ್ಲೆ
ಕೂಗಿ ಆರ್ಭಟಮಾಡೆ ಹನುಮ
ಕೇಳಿ ಚೇಷ್ಟೆಗಳ ರಾವಣನು ಆಹ
ಕಪ್ಪು ಕಂಠನ ವರ ಆಯುಧಯುತರು
ಕೋಟಿ ಎಂಬತ್ತರ ಮೇಲ್ ಭೃತ್ಯರ ಕಳುಹಿದ 13
ಆರ್ಭಟದಿಂದ ಘೋಷಿಸುತ
ಅವರು ಆವರಿಸಿ ಹನುಮನ
ಆಯುಧಗಳ ಪ್ರಯೋಗಿಸಲು ಆಹ
ಪವನಜ ಮುಷ್ಟಿಪ್ರಹರದಿ
ಆ ವೀರರೆಲ್ಲರ ಹಿಟ್ಟು ಮಾಡಿದ ಬೇಗ 14
ಕಡುಕೋಪದಿಂದ ರಾವಣನು
ಕಳುಹಿದನು ಏಳು ಮಂತ್ರಿ
ಕುವರರ ವರ ಬಲಯುತರ ಆಹ
ಖಳರು ಈ ಏಳ್ವರ ಮೆಟ್ಟಿ ಷಿಷ್ಟವ ಮಾಡೆ
ಕುಮತಿ ರಾಕ್ಷಸ ಸೈನ್ಯ ತೃತೀಯ ಭಾಗವು ಹೋಯ್ತು 15
ಅನುಪಮ ಬಲಕಾರ್ಯಕೇಳಿ
ಅಧಮ ರಾವಣ ತನ್ನ ಸುತನ
ಅಕ್ಷನ ಕಳುಹಲು ಹನುಮ ಆಹ
ಅಕ್ಷನ ಚಕ್ರಾಕಾರದಿ ಎತ್ತಿ ಸುತ್ತಾಡಿ
ಅವನ ಅಪ್ಪಳಿಸಿ ನೆಲದಿ ಚೂರ್ಣ ಮಾಡಿದ 16
ಅತಿ ದುಃಖದಿಂದ ರಾವಣನು
ಅಕ್ಷನಗ್ರಜ ಇಂದ್ರಜಿತನ
ಒಡಂಪಟ್ಟ ಸ್ವೇಚ್ಛದಿ ಹನುಮ ಬ್ರಹ್ಮಾಸ್ತ್ರಕೆ 17
ರಾವಣನಲಿ ಕೊಂಡು ಪೋಗೆ
ರಾವಣ ಪ್ರಶ್ನೆಯ ಮಾಡೆ
ರಾಮಗೆ ನಮಿಸಿ ಹನುಮನು ಆಹ
ರಘುವರ ರಾಮ ದುರಂತ ವಿಕ್ರಮ ಹರಿ
ರಾಕ್ಷಸಾಂತಕ ದೂತ ಮಾರುತಿ ತಾನೆಂದ 18
ರಘುವರ ಪ್ರಿಯೆಯನು ಬೇಗ
ರಾಮಗರ್ಪಿಸಲೊಲ್ಲೆ ಎನ್ನೆ
ಹನುಮ ಪ್ರಕೋಪದಿ ಅವನ ಆಹ
ರಾಜ್ಯ ಮಿತ್ರ ಬಂಧು ಸರ್ವನಾಶ
ರಾಘವ ಮಾಡುವನೆಂದು ಪೇಳಿದನು 19
ಅಜ ಶಿವ ಮೊದಲಾದ ಸರ್ವ
ಅಮರೇಶ್ವರರು ತಾವು ತಡೆಯ
ಆಶಕ್ತರು ರಾಮಬಾಣವನು ಆಹ
ಅಂಥ ಬಾಣವ ಅಲ್ಪಶಕ್ತ ರಾವಣ ತಾಳೆ
ಅಸಮರ್ಥನೆಂದ ಪ್ರಭಂಜನ ಸುತನು 20
ಪ್ರಭಂಜನ 1 ಸುತ ಮಾತು ಕೇಳಿ
ಪ್ರಕುಪಿತನಾಗಿ ರಾವಣನು
ಪ್ರಯತ್ನಿಸೆ ಹನುಮನ ಕೊಲ್ಲೆ ಆಹ
ಪ್ರಕೃಷ್ಟ ಮನದಿ ವಿಭೀಷಣ ಬುದ್ಧಿ ಪೇಳಲು
ಪುಚ್ಛಕ್ಕೆ ಬೆಂಕಿ ಹಚ್ಚೆಂದ ರಾಕ್ಷಸರಾಜ21
ಆತಿಭಾರ ವಸ್ತ್ರ ಕಟ್ಟುಗಳಿಂ
ಅಧಮರು ಸುತ್ತಿ ಬಾಲವನು
ಅಗ್ನಿಯ ತೀವ್ರದಿ ಹಚ್ಚೆ ಆಹ
ಅಗ್ನಿಯ ಪರಸಖ ವಾಯು ಆದುದರಿಂದ
ಅಂಜನಾಸುತ ನಿರಾಮಯನ ಸುಡಲೇ ಇಲ್ಲ 22
ಅಧಮ ರಾಕ್ಷಸರ ಚೇಷ್ಟೆಗಳ
ಅಸಮ ಬಲಾಢ್ಯನು ಹನುಮ
ಅನುಭವಿಸಿ ಕುತೂಹಲದಿ ಆಹ
ಅಲ್ಲಲ್ಲಿ ಹಾರಿ ಆ ಲಂಕಾಪುರಿಯ ಸುಟ್ಟು
ಅತಿ ಮುದದಲಿ ಗರ್ಜಿಸಿದ ರಾಮದೂತ 23
ಅಧಮ ಸಪುತ್ರ ರಾವಣನ
ಅಲ್ಪ ತೃಣೋಪಮ ಮಾಡಿ
ಅವರೆದುರಿಗೆ ಪುರಿ ಸುಟ್ಟು ಆಹ
ಅಬ್ಧಿಯ ದಾಟೆ ವಾನರರು ಪ್ರಪೂಜಿಸೆ
ಉತ್ತಮ ಮಧುವುಂಡು ಪ್ರಭುವೇ ನಿನ್ನಲಿ ಬಂದ 24
ಸಮಸ್ತ ವಾನರ ವರರೊಡನೆ
ಸಮರ್ಥ ಹನುಮ ಧೀರ ಬಂದು
ಶುಭಸೂಚಕ ಚೂಡಾಮಣಿಯ ಆಹ
ಶ್ರೀಶ ನಿನ್ನಯ ಪಾದದ್ವಂದ್ವದಿ ಇಟ್ಟು ತಾ
ಸನ್ನಮಿಸಿದ ಭಕ್ತಿಭರಿತ ಸವಾರ್ಂಗದಿ 25
ಭಕ್ತಿ ಸವೈರಾಗ್ಯ ಜ್ಞಾನ
ಪ್ರಜ್ಞಾ ಮೇಧಾ ಧೃತಿ ಸ್ಥಿತಿಯು
ಪ್ರಾಣ ಯೋಗ ಬಲ ಇಂಥಾ ಆಹ
ತುಂಬಿ ಇರುವುವು ಈ
ಪ್ರಭಂಜನ ವಾಯು ಹನುಮನಲಿ ಸರ್ವದಾ 26
ಸರ್ವೇಶ ರಾಮ ಅಗಾಧ
ಸದ್ಗುಣಾರ್ಣವ ನೀ ಹನುಮನ
ಸಂಪೂರ್ಣ ಭಕ್ತಿಗೆ ಮೆಚ್ಚಿ ಆಹ
ಸಮ ಯಾವುದೂ ಇಲ್ಲದೆ ನಿನ್ನನ್ನೇ ನೀ ಕೊಟ್ಟೆ
ಸುಪ್ರಮೋದದಿ ಹನುಮನ ಆಲಿಂಗನ ಮಾಡಿ27
ನೀ ನಿಂತು ನುಡಿಸಿದೀ ನುಡಿಯು
ನಿನ್ನಡಿಗಳಿಗೆ ಅರ್ಪಣೆಯು
ನಮ್ಯ ಮಾರುತಿ ಮನೋಗತನೆ ಆಹ
ನೀರಜಾಸನ ತಾತ ಪ್ರಸನ್ನ ಶ್ರೀನಿವಾಸ
ನಿನಗೆ ಪ್ರೀತಿಯಾಗಲೊ ಸುಹೃದ ಸಂತೃಪ್ತ 28

ಪೂರ್ಣ ಚಂದ್ರನ ನೋಡ್ವ ಬನ್ನಿರೊಪೌರ್ಣಮಿಯ ದಿನರಾತ್ರಿಯೊಳ್ಪಕಿರಣದಲಿ ರಾಹುಕೇತು ಕಲೆಯಿರೆಗ್ರಹಣವೆಂಬ ಪುಣ್ಯಕಾಲವೂಅ.ಪ|ಸೋಮನನು ಶಿಶುತನದಿ ರಘುಪತಿಕಾಮಿಸಿದ ಕೈಯಾಟಕೆಕಾಮಹರ ಶಿರದಲ್ಲಿ ಧರಿಸಿದಉಡುಗಣದಪತಿಚಂದ್ರನ1ದಕ್ಷಸುತೆಯರ ವರಿಸಿ ಚಂದ್ರನುಇಷ್ಟವಿಡೆ ರೋಹಿಣಿಯೊಳುದಕ್ಷಶಾಪದಿ ಕೃಷ್ಣಪಕ್ಷದಿಕ್ಷಯಿಸಿ ಕಾಣನಮವಾಸೆಯೊಳ್2ಏರುತೇರುತ ಕಳೆಯ ತೊರೆವಧಾರುಣಿಗೆ ಶುಕ್ಲಪಕ್ಷದೀವಾರಿಧಿಗೆ ಭರತಿಳಿತ ಚಂದ್ರನುತೋರೆ ಅಸ್ತಮ ಉದಯದೀ3ಬೃಹಸ್ಪತಿಯ ಸತಿಯಿಂದ ತನಯನಪಡೆದು ಹೆಸರಿಡೆ ಬುಧನೆಂದೂಶಶಿಯ ವಂಶಕೆ ಆದಿಯಾದನುನವಗ್ರಹಾದ್ಯರೊಳ್ ನಿಂದರೂ4ಧರೆಗೆ ದ್ವಯ ಲಕ್ಷ ಯೋಜನದೊಳಿರೆಎರಡು ಅಯನೊಂದು ಮಾಸಕೆಮರವು ಹುಲು ಗಿಡ ಬಳ್ಳಿ ಪ್ರಾಣಿಯಅಮೃತ ಕಿರಣದಿ ಬೆಳೆಸುವ5ಗ್ರಹಣ ಕಾಲದಿ ಸ್ನಾನಗೈಯುತದಾನ ಧರ್ಮವ ಮಾಡುತಮೌನದಲಿ ಗೋವಿಂದನಂಘ್ರಿಯಧ್ಯಾನಿಸಲು ಫಲವಕ್ಷಯ6

ಶ್ರೀ ಸೌಭಾಗ್ಯ ಪ್ರದ ಹನುಮಂತ(ಅಣು ಸುಂದರ ಕಾಂಡ)67ಶರಣು ಪಾಲಿಸೋ ಹನುಮ |ಕರುಣಾಳು ಅಂಜನಾಸೂನು ನಿನ್ನ ಮಹಿಮೆವರ್ಣಿಸಲು ನಾಬಲ್ಲೆನೆ ಹೇ ವಾಯು ಪುತ್ರನೇ ಅಸಮಬಲಜ್ಞಾನ ರೂಪನೆ ನಿನಗೆ ಇಷ್ಟ ಶ್ರೀರಾಮಜೀವರಲಿ ನೀ ಉತ್ತಮ |ಶರಣು ಫಲ್ಗುಣಸಖಪಿಂಗಾಕ್ಷನೇಶರಿಧಿ ದಾಟಿದಿಅಮಿತವಿಕ್ರಮವಾರ್ತೆ ಸೀತೆಗೆ ಪೇಳಿ ದಶಮುಖಸರ್ವತರದಿ ಸೌಮಿತ್ರಿ ಪ್ರಾಣ ಪ್ರ -ದಾತಹರಿವರಶರಣು ಶರಣು ಮಹಾತ್ಮ ಸಹೃದನೇಶರಣು ಪಾಲಿಸೋ ಹನುಮ ಪಪೂರ್ಣಪ್ರಜÕನೀನೆಂದು ಬಹು ಹರುಷ ತೋರಿದ |ರಾಘವನ ಕರೆತಂದು ರವಿಜನಿಗೆ ಸಖ್ಯ | ಮಾಡಿಸಿ ನೀಸಿಂಧು|ದಾಟುತ್ತ ಮೈನಾಕನ್ನೇ | ಶ್ಲೇಷಿಸಿನಿಂದುವಿಶ್ರಾಂತಿ ಕೊಳ್ಳದೆ ಮುಂದು |ಹಾರಿ ಸುರ ಸೆಯೊಳ್ ಲೀಲೆಯಿಂದಲಿ ಹೊಕ್ಕು ಹೊರಟು -ಸುರರುಪೂಮಳೆಕರಿಯೇ ಸಿಂಹಿಕಾ ಉದರ ಸೀಳಿ ದ್ವಾರ ಪಾಲಕೆಯನ್ನ ಜಯಿಸಿಪುರಿ ಪ್ರವೇಶವ ಮಾಡಿ ಸೀತಾಕೃತಿಯ ಕಂಡುಂಗರುವ ಕೊಟ್ಟುಕ್ರೂರ ರಾಕ್ಷಸ ಅಕ್ಷಾದಿಗಳ ಕೊಂದು ಲಂಕಾಪುರಿಯ ಸುಟ್ಟುಭರದಿ ತಿರುಗಿ ಬಂದು ರಾಘವನಂಘ್ರಿಯಲಿ ಸನ್ನಮಿಸಿ ಸೀತೆಯಚೂಡಾರತ್ನವನಿಟ್ಟು ರಾಮಾಲಿಂಗನ ನೀಕೊಂಡಿಯೋ ಸೌಭಾಗ್ಯ ನಿಧಿಯೇಶರಣು ಪಾಲಿಸೋ ಹನುಮ 1ಜಯತು ಶರಣು ಶ್ರೀರಾಮ | ಶರಣೆಂದವಿಭೀಷಣನನ್ನ | ಅತಿ ಪ್ರೇಮದಿಂದ ನೀ ಸ್ವೀಕರ್ಯನೆನಲು ಶ್ರೀರಾಮ |ಬಂದು ಅಭಯವ ನಿತ್ತ ಪೂರ್ಣಕಾಯ |ಅಮಿತ ಸುಗುಣ ಸುಧಾಮ|ಮಾರ್ಜಗಾರಿ ಸಸೈನ್ಯ ರಾವಣ ನನ್ನ ಜಹಿಯಲು | ಸೇತು ಕಟ್ಟಿಸಿ |ಸುಜನರಕ್ಷಕ ಉರುಪರಾಕ್ರಮ ಅಜಿತರಾಮನು ಪೋಗೆ ಲಂಕೆಗೆ |ಜಾಂಬವಾನ್ ಸುಗ್ರೀವ ಸಹ ನೀ ಜಾನಕೀಶಗೆ ಸೇವೆ ಸಲ್ಲಿಸಿ |ಸಂಜೀವಿನಿಗಳ ತಂದು ರಾಮಾನುಜಗೆ ಪ್ರಾಣವನಿತ್ತು ರಾವಣಭಂಜನವ ರಘುರಾಮ ಮಾಡಿ ಅಯೋಧ್ಯೆಬರುವುದು ಪೇಳಿ ಭರತಗೆ |ನಿಜ ಸಂತೋಷದಿ ಸೀತಾರಾಮಗೆ ರಾಜ್ಯ ಪಟ್ಟಾಭಿಷೇಕ ಗೈಸಿದಿ -ಶುಭಸುಚರಿತನೆ ಶರಣು ಪಾಲಿಸೋ ಹನುಮ2ರಾಮಭದ್ರನು ನಿನ್ನ | ಅನುಪಮೋತ್ತಮ ಸೇವೆ ಮೆಚ್ಚಿ ಏನನ್ನ |ನೀನಗೀವುದು ನಿನ್ನ ಸೇವೆ ಸಮ ಬಹುಮಾನ |ಮೋಕ್ಷ ಸಾಲದು ಪೇಳು ಬೇಕಾದ್ದನ್ನ | ಎನಲು ನೀ ರಾಮನ್ನ |ನಮಿಸಿ ಪ್ರೇಮದಿ ರಾಮಚಂದ್ರನೆ ನಿನಗೆ ಇಷ್ಟ ಸರ್ವಜೀವರುರಾಮನಲ್ಲಿ ಮಾಳ್ಪ ಭಕ್ತಿಗೆ ಅಧಿಕನಿತ್ಯಪ್ರವೃದ್ಧವಾದಪರಮಭಕ್ತಿವೊಂದನ್ನೇ ಈವುದು ಎಂದು ನೀ ಕೇಳೆ ವಿನಯದಿಪ್ರೇಮದಿಂದ ತಥಾಸ್ತು ಎನ್ನುತ ಬ್ರಹ್ಮಪದ ಸಹಭೋಗ ಸಾಂಪ್ರತಸಮಸ್ತವಾದ ಸೌಭಾಗ್ಯ ಸಮೃದ್ಧಿಯ ಇತ್ತು ಒಲಿದನು ಅಜನಪಿತ ಶ್ರೀರಮೆಯ ಅರಸ ಪ್ರಸನ್ನ ಶ್ರೀನಿವಾಸ ಭೂಮ ಏಕಾತ್ಮ ರಾಮಪ್ರಮೋದಿ ವಿಭುವು _ ಶರಣು ಪಾಲಿಸೋ ಹನುಮ 3