ಇಂದು ನೋಡುವ ಇಂದಿರಾಪತಿ ಶ್ರೀಪಾದವ
ಎಂದೆಂದು ಬಿಡದೆ ಮನದಲಿ
ತಂದೆ ಮುಕುಂದನ ಹೊಂದಿ ಭಜಿಸುವ ಧ್ರುವ
ಭಾವಭಕುತಿಗಳ ವಿಡಿವ
ಭವಬಂಧನದ ಪಾಶ ಕಡಿವ
ದಿವಾರಾತ್ರಿಯಲಿ ಹರುಷಬಡುವ
ಕಾವಕರುಣನ ಕೃಪೆಯ ಪಡೆವ 1
ಮನಕರಗಿ ಮೈಯ್ಯಮರೆವ
ಘನಸುಖದ ಸುಸ್ಮರಣಿಯಲಿರುವ
ಆನಂದಮಯಸ್ವರೂಪದಿ ಬೆರೆಯುವ
ತನುಮನವು ಶ್ರೀಹರಿ ಗೊಪ್ಪಿಸುವ 2
ಎರಗಿ ಏಕವಾಗಿ ನೊಡುವ
ಹರಿಚರಣದಿ ಬೆರೆದು ಕೊಡುವ
ಪರಮಗತಿ ಸಾಯೋಜ್ಯಪಡುವ
ಧರೆಯೊಳು ನಲಿ ನಲಿದಾಡುವ 3

ವಿಷ್ಣುವೆಂಬುದು ಕೊಂಡಾಡಿ ಧ್ರುವ
ಜಿಹ್ವೆಗೊಂಡಿತು ಸುಸ್ವಾದ ದಿವ್ಯನಾಮ ಸುರಸ್ವಾದ
ಭವನಾಶಗೈಸಿತು ಗುರುಬೋಧ ಸವಿದೋರಿತು ಗುರುಪ್ರಸಾದ 1
ಸ್ವಾನುಭವದ ಸವಿಸುಖ ಏನೆಂದ್ಹೇಳಲಿ ಕೌತುಕ
ಮನಕಾಯಿತು ಹರುಷ ಅನೇಕ ಧನ್ಯ ಧನ್ಯಗೈಯಿತು ಜಿಹ್ವೆಮುಖ 2
ಸುಸ್ಮರಣಿಯ ಮಾಡಿ
ನಿತ್ಯ ಮಾಡಿ3