ಕಂಡೆನು ಗುರುರಾಯಾ ನಿನ್ನುದ್ದಂಡ ಪರಾಕ್ರಮವಾ
ಕಂಡೆನಾ ಮನಗಾಡೆ ಪಾಂಡುಪಕ್ಷನ ಭೃತ್ಯ
ಹಿಂಡು ಖಂಡಿಸಿದ್ಯೋ ಪ
ರಾಮನ ಸೇವೆಗೆಂದೂ ನೀನು ಕಾಮಿಸಿ ಜನಿಸಿದೆಯೋ
ನೇಮದಿಂದಲಿ ಸುರಸ್ತೋಮವ ನೀಗಿ
ಭೂಮಿಜೆಯ ತಂದು ರಾಮನಿಗೊಪ್ಪಿಸಿದ್ಯೋ 1
ಗೋವಳ ಭೃತ್ಯನಾಗಿ ನೀನು ಅವರಲ್ಲಿ ಪುಟ್ಟಿದ್ಯೋ
ಸಾವಿನ ಬಾಯಿಗೆ ಕುರುವಿಂಡು ಕಟ್ಟಿ ನೀ
ಭಾರ ಪೋಗಲಾಡಿಸಿದ್ಯೋ 2
ಹರಿಮತ ಏರುವುದಕೆ ನೀನೆ ಸರಿ
ಗುರುಮಧ್ವನೆನಿಸಿದೆಯೋ
ಏಕವಿಂಶತಿ ಮತ
ನರಸಿಂಹ ವಿಠಲನ ದಾಸನೆನಿಸಿದ್ಯೋ 3
ಗಂಧದ ಮರವೇನು ಗಂಧದ ಮರವೇ

ನಾಮಕೆಣೆ ಕಾಣೆ ಮುಕುಂದನ ಪ
ಶ್ರೀ ಮನೋರಮ ಸುರಸ್ತೋಮವಿನುತ ನಾಮ
ಕಾಮಿತಪ್ರದ ನಾಮ ಮುಕುಂದನ 1
ಕೆಟ್ಟ ಕಿರಾತನು ಮುಟ್ಟಿ ಭಜಿಸಿ ತಾನು ಉ-
ತ್ಕøಷ್ಟ ಮುನಿಯಾದನು ಮುಕುಂದನ 2
ಘೋರ ನಾರಕಿಗಳು ನಾರಾಯಣನೆಂದು
ಸೂರೆಗೊಂಡರು ಸ್ವರ್ಗವ ಮುಕುಂದನ 3
ನಾರಣ ಬಾರೆಂದು ಚೀರಲು ಅಜಾಮಿಳ
ಸೇರಿದನಾಪುವರ್ಗವ ಮುಕುಂದನ 4
ಲಕ್ಷ್ಮೀಕಾಂತನ ನಾಮೋಚ್ಚಾರದಿ ದ್ರೌಪದಿ
ರಕ್ಷಿತೆಯಾದಳಿಂದು ಮುಕುಂದನ 5