ಇ) ಶ್ರೀಮನ್ಮಧ್ವಾಚಾರ್ಯರು
ಮರುದಂಶರ ಮತ ಪಿಡಿಯದೆ ಇಹ -ಪರದಲ್ಲಿ ಸುಖವಿಲ್ಲವಂತೆ ಪ
ಅರಿತು ವಿವೇಕದಿ ಮರೆಯದೆ ನಮ್ಮಗುರುರಾಯರ ನಂಬಿ ಬದುಕಿರೋ ಅ.ಪ.
ಕ್ಷೀರವ ಕರೆದಿಟ್ಟ ಮಾತ್ರದಿ ಸಂಸ್ಕಾರವಿಲ್ಲದೆ ಘೃತವಾಗದಂತೆಸೂರಿಜನರ ಸಂಗವಿಲ್ಲದೆ ಸಾರವೈರಾಗ್ಯ ಭಾಗ್ಯ ಪುಟ್ಟದಂತೆ 1
ಉಪದೇಶವಿಲ್ಲದ ಮಂತ್ರ ಏಸುಜಪಿಸಲು ಫಲಗಳ ಕೊಡದಂತೆಉಪವಾಸ ವ್ರತಗಳಿಲ್ಲದೆ ಜೀವತಪಸಿಯೆನಿಸಿಕೊಳ್ಳಲರಿಯನಂತೆ 2
ಸಾರಮಧ್ವಶಾಸ್ತ್ರವೋದದೆ ಗುರುತಾರತಮ್ಯ ಜ್ಞಾನ ಪುಟ್ಟದಂತೆಶ್ರೀರಂಗವಿಠಲನ ಭಜಿಸದೆ ಮುಂದೆಪರಮಗತಿ ದೊರಕೊಳ್ಳದಂತೆ 3

ತಪ್ಪುಗಳೆಣಿಸಾದೆನ್ನಪ್ಪ ಕಾಯಲಿಬೇಕು |ಸರ್ಪಶಯನನ ದೂತಾ ||ಇಪ್ಪತು ಒಂದು ಕುಭಾಷ್ಯ ಮುರಿದ | ರಾ ಮ |ತ ಪ್ರವರ್ತಕ ರಾಘವೇಂದ್ರ ಮುನಿಪ ಮಹಾ ಪ
ಪ್ರತಿ ವರುಷಕೆ ಬಂದು ಸನುತಿಸಿ ಪೋಗು ಎಂದು |ನತ ಸ್ವಪ್ನದಲಿ ನೀ ಬಂದೂ ||ಹಿತದಿಂದ ಪೇಳಲು ರತನಾಗಿ ಧನದಿ ಮ |ರತು ಬಿಟ್ಟೆ ನಿಮ್ಮನು ಯತಿಕುಲೋತ್ತಮ ಇಂಥಾ 1
ಸ್ನಾನ ಸಂಧ್ಯಾನ ಸುಜಪತಪ ವ್ರತಹೋಮ |ಮೌನ ಮಾರ್ಗಗಳರಿಯೆ ||ಜ್ಞಾನಿಗಳಾನು ಸಂಧಾನ ಪೂರ್ವಕ ಪೂಜೆ |ಯಾನು ಮಾಡದೆ ದುಷ್ಟ ಮಾನವರೊಳಗಿದ್ದೆ 2
ಏಸು ಜನ್ಮದಿ ಬಂದಾ ದೋಷವ ಕಳದು ವಿ |ಶೇಷ ಸುಖವ ಕೊಡುವಾ ||ಈ ಸುವಾರ್ತಿಯ ಕೇಳಿ ಮೊರೆಹೊಕ್ಕೆ ಗುರು ಪ್ರಾ ||ಣೇಶ ವಿಠಲನ ದೂತಾ ಮತಪ್ರೀತಾ 3

ದೇವಿ ನರ್ಮದೆ ಪಾಲಿಸಮ್ಮಾ ಪ
ಕಾವನಯ್ಯನ ಚರಣ ತೋರಿಕಾವುದೆಮ್ಮ ಪಾವನಾತ್ಮಕೆ ಅ.ಪ.
ಕಲುಷ ಹರಣವಮ್ಮ 1
ವರ ವಿಸ್ತಾರ ಪಾತ್ರವಮ್ಮ | ನರರಾಯಾಸ ಶಾಂತವಮ್ಮಅರುಣ ಉದಯದಿಂದ ನಿನ್ನ | ಸುರನರಾದಿ ಸೇವಿಸುವರು 2
ವರ ಸುಜಪದಮಾಲೆ ಕರದಿ |ದರವು ಪದುಮ ಗ್ರಂಥಪಾಣಿಗುರು ಗೋವಿಂದ ವಿಠಲ ಚರಣ |ನಿರತ ಧ್ಯಾನಾನಂದ ಮಗ್ನೆ3

ನೋಡಿ ಶ್ರೀ ಹರಿಪೂಜಿ ಮಾಡುದು
ಬಿಡಿ ಮನಕೃತ ವಾಜಿ ಧ್ರುವ
ಮಂಗಳಕರಸುಖ
ಕಂಗಳಗಿದಿರಿಡುತದನೇಕ
ಮುಂಸಗುಡಿಯಲಿ ಮೂಡಿ
ರಂಗದೋರುವ ಘನಕೌತುಕ 1
ತಾಳ ಮೃದಂಗ ಘನ ಭೇರಿ
ಫಳಗುಡುತದೆ ಪರೋಪರಿ
ತಿಳಿದವನಧಿಕಾರಿ
ಕೇಳಲ್ಹೋಗುದು ಭವಭಯ ಹಾರಿ 2
ಹೇಳಲೆನ್ನಳವಲ್ಲ
ಹೊಳೆವುತಿಹುದು ಮೂಜಗವೆಲ್ಲ
ಕೇಳಿ ಸವಿಯ ಸೊಲ್ಲ
ತಿಳಿದ ಮಹಿಮ ತಾನೆ ಬಲ್ಲ 3
ಅಜಪ ಸುಜಪ ಮಂತ್ರ
ರಾಜಿಸುತಿಹುದು ಬಾಹ್ಯಾಂತ್ರ
ತ್ರಿಜಗ ಮಾಡುವ ಪವಿತ್ರ
ಸುಜನ ನೋಡುವ ಸುಚರಿತ್ರ 4
ಸ್ವಹಿತ ಸುಖದ ಸಾರ
ಶ್ರೀಹರಿಪೂಜಿ ನಿರಂತರ
ಮಹಿಪತಿ ಮನೋಹರ
ಸಾಹ್ಯ ಸಕಲಕಿದೆ ಸಹಕಾರ 5