ಕೃಪೆಯಿಟ್ಟು ಸಲಹೆನ್ನ ಹರಿಯೆ ನರಹರಿಯೆ
ದ್ವಿಪÀವರವರದನೇ ಬಾರಯ್ಯ ದೊರೆಯೆ ಪ
ದುರಿತಹರÀ ವರ ಚರಣಕಮಲನೆ
ಧರಣಿಧರವನು ಕರಸರೋಜದಿ
ಧರಿಸಿ ಸುಜನರ ಪೊರೆದ ಮುರಳೀ-
ಧರನೇ ಮೋದವಪಡಿಸಿದಂತೆ ಅ.ಪ
ನಂದನಂದನ ನಿನ್ನ ಚರಣ ಒಂದೇ ಶರಣ
ಎನಗೆಂದು ನಂಬಿರುವುದೇ ಒಳ್ಳೇ ಆಭರಣ
ಇಂದಿರೇಶನೆ ಮಾಡೋ ಕರುಣ ಸಿಂಧುಶಯನ
ಸುಂದರೀಮಣಿ ಸಹಿತದಲಿ ನೀ
ಬಂದು ಎನ್ನಯ ಮಂದಿರದಲಿ
ನಿಂದು ಎನ್ನವನೆಂದು ಭಾವಿಸಿ
ನಂದಪಡಿಸೈ ನಂದಬಾಲನೆ 1
ದೀನಪಾಲನೆ ಭೂಮಿಭಾರ ಹಾನಿಕಾರ ಪಂಚ
ಸೂನಶರನಪಿತ ವಿಗತವಿಕಾರ
ಶ್ರೀನಾಥ ಸುಜನಮಂದಾರ ಮೀನಾಕಾರ
ನಾನು ನಿನ್ನವನಯ್ಯ ಎನ್ನಯ
ಮಾನ ಮತ್ತಪಮಾನ ನಿನ್ನದು
ಹೀನಮತಿ ಇವನೆಂದು ತಿಳಿದುದಾ-
ಸೀನಮಾಡದೆ ಸಾನುರಾಗದಿ 2
ಸೋಮ ಕುಲಾಂಬುಧಿಸೋಮರಾರಾಮ
ಬಲರಾಮ ಸಹಜನೇ ಸುರರಿಪು ಭೀಮ
ವಾಮಲೋಚನೇರಿಗೆ ಕಾಮ ಪ್ರೇಮಧಾಮ
ಕಾಮಜನಕನೆ ಸಾಮಗಪ್ರಿಯ
ನಾಮಗಿರಿ ಶ್ರೀ ರಾಮ ನರಹರೆ
ಕಾಮಿತಾರ್ಥವನೀವ ಸುರತರುಕಾಮಧೇನು ಚಿಂತಾಮಣಿಯೆ ನೀ 3

ನಂಬಿದೆನೊ ರಂಗ
ಗೋವಿಂದ ರಂಗ ಪ.
ಇಳೆಸೃಷ್ಟಿಗಾಧಾರನೆಂಬ ಬಿರುದುಳ್ಳಡೆ ಜಗನ್ಮಯನೆ ಚಿನ್ಮಯರೂಪ ರಂಗ
ನೀನಾದ್ಯಯ್ಯ ರಂಗ 1
ಸುಜನಮಂದಾರ ಸರಸಿಜಭವಪಿತ ನಿನ್ನ ಪ್ರಜೆಗಳು ಪೊಗಳುತ್ತಿಹರೆ ರಂಗ
ಮುರಹರನೆ ರಂಗ 2
ಸುಜನರೊಳಗೆನ್ನ ಕುಹಕವ ಮಾಡದೆ ನಿನ್ನ ಭಜಕನೆಂದಿರಲಾಗಿ ರಂಗ
ಭುಜಗೇಂದ್ರಶಯನ ಶ್ರೀರಂಗ 3
ಧಾತ್ರಿಗಾಧಾರ ಅನಾಥರಕ್ಷಕನೆ ದಯವ್ಯಾತಕೆನ್ನೊಳಿಲ್ಲ ರಂಗ
ಕಡೆಹಾಯಿಸೊ ರಂಗ 4
ನೋಡೆ ಶ್ರೀ ಹರಿಯೆ ನೀನಲ್ಲದನ್ಯತ್ರ ದಾತ್ರರಿಲ್ಲವೊ ರಂಗ
ಮಹಿಮ ಶ್ರೀರಂಗ 5
ಕೋಪವನು ಬಿಡು ಎನ್ನ ಕುಂದನೆಣಿಸದಿರಯ್ಯ ಆಪತ್ಬಂಧು ಶ್ರೀರಂಗ
ಸಲಹಯ್ಯ ರಂಗ 6

ವಂದೇ ಗೋಪಾಲಂ ಕೃಷ್ಣಾನಂದ ಜಲಪಾಲಂ
ಮಂದಹಾಸ ಮುನಿವೃಂದ ವಿಶಾಲಂ
ಇಂದಿರೇಶ ಯದುನಂದನ ಬಾಲಂ ಪ
ಸಾರಿದನು ಸಾರಂ ಕೃಷ್ಣ
ಚಾರು ಮೋಹನಾ ಕಾರಂ
ಸಾರೋದ್ದಾರಂ ಸುಜನಮಂದಾರಂ
ಶ್ರೀರಮಣೀ ಮುಖ ಚಂದ್ರ ಚಕೋರಂ 1
ಕಾಂಚೀ ಮಣಿಹಾರಂ ಕೃಷ್ಣ
ವಾಂಛಿತದನುಸಾರಂ
ಪಂಚಭೂತ ಪಂಚಸ್ಯಾಕಾರಂ
ಪಾಂಚ ಜನ್ಯ ಭೃಗುಲಾಂಛನ ಧಾರಂ 2
ಚಾಪಲ ಗುಣಧಾಮಂ ಕೃಷ್ಣ
ಗೋಪೀಜನ ಕಾಮಂ
ನೀ ಪರಮಾತ್ಮ ಸ್ವರೂಪ ಸುನಾಮಂ
ಶ್ರೀಪತಿ ಯದು ಕುಲದೀಪ ನಿಸ್ಸೀಮಂ 3
ಪಾಂಡವ ಸಾಕಾರಂ ಕೃಷ್ಣ
ಪಂಡಿತನುಸಾರಂ
ಚಂಡ ಕಿರಣ ಮಣಿಕುಂಡಲ ಧಾರಂ
ಮಂಡಲದೊಡೆಯ ಉದ್ದಂಡತಿ ಶೂರಂ 4
ಶರಣರ ಭವದೂರಂ ಕೃಷ್ಣ
ಸುರಜನ ಸಾಕಾರಂ
ಹರಿಸೂನು ಕೋಣೆ ಲಕ್ಷ್ಮೀಶ ಶೃಂಗಾರಂ
ಪರಮಾತ್ಮಕ ಸದ್ಗುರು ಮಂದಾರಂ 5