ಮಾತಿನ ಸುಖವೇನೋ ಸುಖವೇನೋ |
ರೀತಿಯನರಿಯದೆ ತಾನು ಪ
ಸಂತರ ವೇಷವ ಹಿಡಿವೀ | ಮನದಲಿ |
ಶಾಂತಿಯ ಮನಗುಣ ಬಿಡುವೀ 1
ಪಡಿಯದೆ ಆತ್ಮ ವಿಚಾರಾ | ದೋರುವಿ |
ನುಡಿಯಂಗಡಿಯ ಪಸಾರಾ 2
ಇಂದು | ಹೇಳುವಿ |
ಸರ್ವಂ ವಾಸುದೇವೆಂದು ಮ 3
ತರಂಗವಿಲ್ಲದ ಶರಧಿಯಂತೆ |
ಇರುವುದು ಪರಮ ಸಮಾಧಿ 4
ತಂದೆ ಮಹಿಪತಿ ಬೋಧಾ | ಮನನಕೆ |
ತಂದವನೇ ಸುಖಿಯಾದಾ 5

ಹರಿ ಹರಿ ಹರಿ ಹರಿಯಂದು ನೆನೆದವನೆ ಧನ್ಯ |
ಹರಿಯ ಮರದವನೇ ಮೂರು ಲೋಕದೋಳಾಮಾನ್ಯ ಪ
ಹರಿಯ ಬಲಗೊಂಡಾ ಪ್ರಹ್ಲಾದಾ ಸುಖಿಯಾದಾ |
ಹರಿಯ ಕೂಡ ಮರೆತು ಹಿರಣ್ಯಕನು ದುಃಖಿಯಾದಾ 1
ಹರಿಶರಣನಾಗಿ ವಿಭೀಷಣನು ನೆಲೆಗೊಂಡಾ |
ಹರಿಗೆ ಬಾಗದವೆ ದಶಾನನನು ಕಲುಷವುಂಡಾ 2
ಹರಿಯ ನಂಬಿದ ಪಾಂಡವರು ಕೀರ್ತಿ ಧರಿಸಿದರು |
ಹರಿಯನ್ನದೆ ವ್ಯರ್ಥ ಕೆಟ್ಟರು ನೋಡು ಕೌರವರು 3
ಗುರು ಮಹಿಪತಿ ಸ್ವಾಮಿ ಭಕ್ತ ಸಹಕಾರಿ |
ದುರುಳ ದುರ್ಮಾರ್ಗದಲಿ ನಡೆದ ದುಷ್ಟ ಜನವಿದಾರಿ 4