ದಾಸನೆನಿಸಿಕೊ ಎನ್ನನು ದಾಸನೆನಿಸಿಕೊ ಹರಿ ಪ
ದಾಸನೆನಿಸಿಕೊ ಶ್ರೀಶ ನಿ
ಮ್ಮ ಶ್ರೀಪಾದಕಮಲದಾಸನೆನಿಸಿಕೊ ಅ.ಪ
ದೇಶ ದೇಶ ತಿರುಗಿ ನಾನು
ಆಶಬದ್ಧನಾಗಿ ಇನ್ನು
ಏಸುಕಾಲ ಕಳೆಯಲ್ಹೀಗೆ
ಭಾಸುರಾಂಗ ದಯವನಿತ್ತು 1
ಏಸು ಜನ್ಮ ಸುಕೃತವಡೆದು
ವಾಸನ್ಹಿಡಿದು ನಿನ್ನ ಪಾದ
ಆಸೆಯಿಂದ ಬೇಡ್ವೆ ನೆನ್ನ
ಧ್ಯಾಸದಲ್ಲಿ ವಾಸಮಾಡಿ2
ಭಕ್ತರಿಷ್ಟಪೂರ್ಣನೆಂದು
ನಿತ್ಯ ಬಿಡದೆ ಕೂಗುವಂಥ
ಸತ್ಯವೆನಿಸು ವೇದದೋಕ್ತಿ
ನಿತ್ಯ ನಿರ್ಮಲಾತ್ಮ ರಾಮ 3

ಸುಮ್ಮನೆ ಹೋಗುತಾದಲ್ಲೋ ಇಷ್ಟಾರ್ಥಪಡಿದೇ
ಸುಮ್ಮನೆ ಹೋಗುತಾದಲ್ಲೋ ಪ
ಸುಮ್ಮನೆ ಹೋಗುತಾದೆ ಹೆಮ್ಮಾರಿಗೀಡಾಗಿ
ಮರ್ಮವರಿತು ಪರಬ್ರಹ್ಮನ ಕೂಡದೆ ಅ.ಪ
ಎಷ್ಟೋ ಸುಕೃತವಡೆದು ಈ ನರಜನ್ಮ
ತೊಟ್ಟು ಸೃಷ್ಟಿಗೆ ಇಳಿದು
ಹುಟ್ಟಿ ಬಂದಂಥ ಕಾರ್ಯ ಬಿಟ್ಟು ಮರವೆಗೂಡಿ
ಕೆಟ್ಟು ಹೋಗ್ಯಾದೋ ವಯ ಕೃಷ್ಣಾರ್ಪಣೆನದೆ ಸುಟ್ಟು 1
ವಯವೆಂಬ ಧನ ಪಡೆದು ಈ ಮಹದನು
ಭವದ ಸಂತೆಗೆ ಇಳಿದು ಭವದ
ಜಯೆಂಬ ಅನುಭವದ ವ್ಯಾಪಾರ ಮಾಡಿ
ಭವಹರನ ಕಾಣದೆ ಜವನಗೀಡಾಗಿ ತಾನು 2
ಅರಿವಿನಾಲಯ ಪೊಕ್ಕು ಸಂಸಾರವೆಂಬ
ಮರೆವಿನ ಬಲೆಯೊಳ್ ಸಿಕ್ಕು
ಪರಮಪುರುಷ ಸಿರಿಯರಸ ಶ್ರೀರಾಮನ
ಚರಣಕಮಲಕ್ಕೆ ಸಲ್ವ ವರಮೋಕ್ಷ ಪಡೆಯದೆ ಲ