ಏನು ಗಳಿಸಿದ್ಯೊ ಪ್ರಾಣಿ
ಜ್ಞಾನಕ ಮಾಡಿ ನೀ ಹಾನಿ ಧ್ರುವ
ಶಬ್ಧಜ್ಞಾನದ ಅಂಗಡಿನೀ ಹಾಕಿ
ಲುಬ್ದಿಸಿದೊ ಬಲು ಪಾಕಿ
ಲಬ್ದಾಲಬ್ಧಿಯು ತಿಳಿಯದೆ ಡೊಂಕಿ
ಸ್ತಬ್ಧನಾದ್ಯೊ ವಿಶ ಸೋಂಕಿ 1
ವಿದ್ಯಾ ವ್ಯುತ್ಪತ್ತಿ ತೋರಿ ನೀ ಬಹಳ
ಸದ್ಯಮಾಡಿದ್ಯೊ ತಾಳ ಮೇಳ
ಸಿದ್ಧಾಂತನುಭವ ನೀ ಮಾಡಿ ಹಾಳ
ಕೋಳ 2
ಗಳಿಸುವದೇನೆಂದರಿಯದೇ ಖೂನ
ಬಾಳಿ ಬದುಕಿ ಪಡದೇನ
ಬೆಳಗು ಬೀರುತಿರೆ ಮಹಿಪತಿ ಗುರುಜ್ಞಾನ
ತಿಳಕೊಬಾರದೆ ನಿಜಖೂನ 3

ಬಲುಸೂಕ್ಷ್ಮ ಗುರು ಗೂಢವಿದ್ಯ
ನೆಲೆವಂತಗಿದು ನಿಜವಾಗುದು ಸಾಧ್ಯ ಧ್ರುವ
ಕಣ್ಣಿನ ಕೊನೆ ಮುಟ್ಟಿನೋಡಿ ನಿಜಖೂನ
ಉನ್ಮನವಾಗಿ ಬೆರೆದಾಡುವ ನಿಜಸ್ಥಾನ
ಚೆನ್ನಾಗ್ಯಾದಾನಂದ ಘನ
ಭಿನ್ನವಿಲ್ಲದೆ ಮಾಡಿ ನಿಜಗುರು ಧ್ಯಾನ 1
ಜಾಗ್ರ ನಿದ್ರೆಯ ಮಧ್ಯ ಅರವಿನೊಳು ನಿಜಗೂಡಿ
ಶೀಘ್ರ ಸಿದ್ಧಾಂತನುಭವಿಸಿ ತಾಂ ನಿಜಮಾಡಿ
ಅಗ್ರ ಗುರುಪಾದವನು ಕೂಡಿ
ಶುಕ ಮುನಿಗಳಿಗಿದೆ ನೋಡಿ 2
ಶಿರದಲಿ ಕರವಿಟ್ಟು ನೋಡಿ ನಿಜವರ್ಮ
ಹರಿಸಿ ಅನೇಕ ಜನ್ಮಾಂತರದ ದುಷ್ಕರ್ಮ
ತರಳಮಹಿಪತಿಗಿದೆ ಸುಬ್ರಹ್ಮ
ಗುರು ಭಾಸ್ಕರಸ್ವಾಮಿ ಶ್ರೀಪಾದ ಧರ್ಮ 3

ಶೋಭನವೆನ್ನಿರೋ ಶೋಭನ ಬನ್ನಿರೆ
ಶೋಭನ ಬನ್ನಿ ಸವ್ಯದಿಂದ ಧ್ರುವ
ಶೋಭಾನವೆಂಬೋದು ಸೋಹಂಭಾವಗುಣ
ಅಹಂಭಾವಿಗಳು ಅರಿಯವು
ಅಹಂಭಾವಿಗಳು ಅರಿಯುವು ಅನಂಗನ
ಅಹಂಭ್ರಮೆಯು ವಿಪರೀತ 1
ಶೋಭನವೆನ್ನಿರೇ ಸಿದ್ಧಾಂತನುಭವಿಗಳು
ಕಾಮಿ ಕಾಮಣ್ಣನ ಮದುವಿಗೆ
ಪ್ರಾಣಿ ಮಾತ್ರಗಳೆಲ್ಲ ಬರಬೇಕು 2
ಶೋಭನವೆನ್ನಿರೇ ಮದೂಣಿಗಾನಂಗಗೆ
ಕಾಮಿತದಳಗಿತ್ತಿ ಅರಸಗ
ಕಾಮಿತದಳಗಿತ್ತಿ ಅರಸ ಮೋಹನ್ನಗೆ
ನೆರೆಯಿತು ಲೋಕ ಧರೆಯೊಳು 3
ಶೋಭನವೆನ್ನಿರೇ ಕಾಮಿ ಕಾಮಣ್ಣಗೆ
ಕಾಯದೊಳೀಹ್ಯ ಕರುಣಿಗೆ
ಕಾಯದೊಳಿದ್ದು ಮೆರೆವ ಅನಂಗನು
ಚರ್ಮದಬೊಂಬಿ ಗುರುತಾಗಿ 4
ಶೋಭನವೆನ್ನಿರೇ ಸಜ್ಜನ ಸಾವಿತ್ರೇರು
ಆನಿ ಮೊದಲೆ ಇರುಹು ಕಡಿಗೆಲ್ಲ
ಆನಿಮೊದಲೆ ಇರುಹು ಕಡಿಗೆಲ್ಲ ಮಹಿಪತಿ
ಶೋಭಾನಯೆಂದ ಸಬೂದಿಂದ 5

ಸವಿಸುಖ ಕಂಡೆ ಸುವಿದ್ಯ ಬ್ರಹ್ಮರಸವ ಧ್ರುವ
ಅಧ್ಯಾತ್ಮಾನಂದದೂಟ ಸಿದ್ಧಾಂತನುಭವದಿಂದ
ಬದ್ಧವಾಗಿ ಸೇವಸಿದ ಇದು ಏಕಾಗ್ರ 1
ಉಂಡು ಹರುಷವಾಯಿತು ಮಂಡಲದೊಳಗಿಂದು
ಕಂಡು ಆನಂದ ಸುಖವ ಪಿಂಡಾಂಡದೊಳು 2
ಸುರಸ ಸಾರಾಯದೂಟ ಪರಿಪರಿ ಸವಿದಿನ್ನುಹರುಷವಾಯಿತು ಎನಗೆ ತರಳ ಮಹಿಪತಿಗೆ 3