ಇದೇ ನಮ್ಮ ಶ್ರೀ ಹರಿ ಕೀರ್ತನಿ
ಸಾಧು ಸಜ್ಜನರ ಮೃತಸಂಜೀವನಿ
ಸದ್ಗೈಸುವ ದಿವ್ಯ ಸುಸಾಧನಿ
ಸದ್ಗುರು ಸುಮೂರ್ತಿ ಪ್ರಾರ್ಥನಿ ಧ್ರುವ
ಶಮದಮವೆಂಬೆರಡು ತಾಳಗೂಡಿ
ಪ್ರೇಮ ಭಾವನೆ ಧ್ರುಪÀದಿಗಳ ಮಾಡಿ
ಸಮರಸವೆ ಮೃದಂಗವಿದು ನೋಡಿ
ಸಮದೃಷ್ಟಿಲಿವೆ ನಾಮ ಕೊಂಡಾಡಿ 1
ಸಾವಧಾನವೆಂಬ ನಿರೋಪಣಿ
ನಿವಾಂತ ಕೇಳು ವಿಚಾರಣಿ
ಈ ವಾಕ್ಯಬಲ್ಲ ಲಕ್ಷಕೊಬ್ಬ ಙÁ್ಞನಿ
ಭಾವ ಬಲ್ಲುದೆ ಮುಖ್ಯ ಸಾಧನಿ 2
ಮನಸ್ವಸ್ತ ಮಾಡಿ ನೀವಿನ್ನು ಕೇಳಿ
ಅನುಮಾನ ಬಿಟ್ಟಿ ಇಕ್ಕಿ ಚಪ್ಪಾಳಿ
ಗನಗುರು ಪಾದದಲ್ಯೊಮ್ಮೆ ಹೊರಳಿ
ಹಣಿಗ್ಹಚ್ಚಿಕೊಂಬಾ ಗುರುಪಾದಧೂಳಿ 3
ಚಿತ್ತ ಚಂಚಲಾಗ ಬಾರದು ನೋಡಿ
ವಸ್ತು ಬಾಹುದು ಬ್ಯಾಗೆ ಕೈಗೂಡಿ
ಮಿಥ್ಯಾ ಪ್ರಪಂಚ ಈಡ್ಯಾಡಿ
ನಿತ್ಯ ನಿರ್ಗುಣಾನಂದ ಸ್ತುತಿಪಾಡಿ 4
ಪುಣ್ಯಕೀರ್ತನೆ ಕೇಳಿ ಸಂಭ್ರಮ
ಧನ್ಯ ಧನ್ಯ ಕೇಳಿದವರ ಜನ್ಮ
ಕಣ್ಣಾರೆ ಕಾಂಬುವ ನಿಜವರ್ಮ
ಚಿಣ್ಣ ಮಹಿಪತಿಗಾನಂದೋ ಬ್ರಹ್ಮ 5

ಇದೇ ಭಕುತಿ ಮತಿಗೆ ಮುಕುತಿ |
ಇದಕ್ಕಧಿಕವಾಗಿಪ್ಪ ವಿಧಿಗಳೆಲ್ಲಿಯಿಲ್ಲಾ ಪ
ರತುನ ಗರ್ಭದೊಳಗೆ ತಿಳಿ |
ರತುನ ಸಮಕ್ಷೇತ್ರಗಳಿಗೆ |
ರತುನವೆನ್ನಿ ಯತಿವಂಶ |
ರÀತುನ ಮಧ್ವಮುನಿಮಾಡಿದಾ 1
ಪದ ಜೀವಸ್ತರಿಗದೆ ಪಾ |
ಪ ಜನರು ಕೃಷ್ಣರಾಯನ ಪಾದವ ನೋಡಿ ನಿತ್ಯಾ |
ಸಾಧನಿ ಮನ ಮಾಡಿರಯ್ಯಾ 2
ಏಳು ಒಂದು ಮಠದ ಲೋಕರಂಸೆ ಸದನವೆನ್ನಿ |
ಪೇಳಲೇನು ಅವರೇ ಯಿಲ್ಲಿ
ಊಳಿಗವ ಮಾಡುತ್ತಿಪ್ಪರು 3
ಮೇರೊ ಪರ್ವತ ತುಲ್ಯವಿದೆ |
ವಾರಿಜನೆ ಮಧ್ವರಾಯ |
ಈ ರಜತ ಪೀಠವೆ ಮಂದಿರ ಶತಕೋಟಿ ಎನ್ನೀ4
ಮೆರೆವ ಮಧ್ವತೀರ್ಥ ಬಾಹಿರ |
ವರಣ ಉದಕವೆನ್ನಿ ಇಲ್ಲಿ |
ಚರಿಸುವಂಥ ಸುಗುಣ ತೃಣಾ
ದ್ಯರು ಮುಕುತಿ ಯೋಗ್ಯರಹುದು5
ಉಡಪಿ ಯಾತ್ರೆ ಮಾಡಿದವನು |
ಪೊಡವಿ ತುಂಬ ಯಾತ್ರೆ |
ಬಿಡದೆ ಚರಿಸಿದವನೆ ಎಂದು |
ಮೃಡನು ಇಲ್ಲಿ ಸಾರುತಿಪ್ಪಾ 6
ಉಬ್ಬಿ ಸರ್ವ ಇಂದ್ರಿಯಂಗಳಾ |
ಹಬ್ಬವಾಗಿ ಸುಖಿಪದಕೆ |
ಊರ್ಬಿಯೊಳಗೆ ಉಡುಪಿ ಯಾತ್ರೆ |
ಅಬ್ಬದಲೆ ದೊರಕದಯ್ಯಾ 7
ಹಿಂಗಿ ಪೋಗದಕೆ ಇದೇ |
ಅಂಗವಲ್ಲದೆ ಬೇರೆ ಇಲ್ಲ |
ರಂಗ ಸುಲಭಸಾಧ್ಯಾವಾಹಾ 8
ನೂರು ಕಲ್ಪಧರ್ಮ
ಮಾರನಯ್ಯ ವಿಜಯವಿಠ್ಠಲನ |
ಸಾರಿ ತಂದು ಕೊಡುವಾ9

ಗುರುಸ್ತುತಿ
ಬಾರಯ್ಯ ಗುಣನಿಧಿಯೆ ಗುರುಭಾನುಕೋಟ್ಯುದಯ ಧ್ರುವ
ಗುರುವರ ಶಿರೋಮಣಿಯೆ ಕರುಣಾನಂದ ಖಣಿಯೆ
ಸುರತರು ಚಿಂತಾಮಣಿಯೆ 1
ಸುಪಥದ ಸಾಧನಿಯೆ
ಭಕ್ತಜನಭೂಷಣಿಯೆ ಜಗತ್ರಯ ಜೀವನಿಯೆ 2
ಮಹಾನುಭವದ ಜಾಗ್ರತಿಯೆ ಮಹಿಮರ ಘನ ಸ್ಫೂರುತಿಯೆ
ಮಹಿಪತಿ ಸ್ವಾಮಿ ಶ್ರೀಪತಿಯೆ ಸಹಕಾರ ಸುಮೂರುತಿಯೆ 3

ಜೋ ಸಚ್ಚಿದಾನಂದನೆ
ಜೋ ಜೋ ದೇವಕಿಕಂದನೆ ಜೋಜೋ ಬ್ರಹ್ಮಾದಿವಂದ್ಯನೆ ಧ್ರುವ
ಹುಟ್ಟಿ ಬಂದು ನಿಜದೋರಿದೆ ಖೂನ
ಮುಟ್ಟಿ ಬೀರುವ ಸುಚಿನ್ನಸಾಧನ
ಇಟ್ಟ ಕಾವಲಿ ಹಾಕಿದೆ ಮೌನ
ಮೆಟ್ಟಿಮರ್ದಿಸಿ ಬಂದೆ ಮಾವನ 1
ಮಾಡಬಂದೆ ನೀ ಧರ್ಮಸ್ಥಾಪನಿಯ
ನೋಡಬಂದೆನಿಷ್ಟ ಜನರಾರ್ಚನಿಯ
ಆಡಬಂದೆ ನಂದಯಶೋದೆ ಮನಿಯ
ನೀಡಬಂದೆ ನಿಜಸುಖಸಾಧನಿಯ 2
ಶಿಷ್ಟಜನರಿಗಾಗಿ ಸಹಾಕಾರಿ
ಸೃಷ್ಟಿಯೊಳು ತೋರಬಂದೆ ಶ್ರೀಹರಿ
ದುಷ್ಟ ಜನರ ಮರ್ದಿಸುವಾವತಾರಿ
ಕಂಸಾರಿ 3
ದೇವಾದಿಗಳ ಮಗುಟಮಣಿಯೆ
ಭಾವಿಸಲಳವಲ್ಲ ಸದ್ಗುಣಿಯೆ
ಕಾವ ದೈವ ನೀನೆ ಕೃಷ್ಣ ಕರುಣೆಯೆ
ದೇವಕಿ ಗರ್ಭನಿಧಾನದ ಖಣಿಯೆ 4
ಬಲವಾಗಿ ಎನಗಬಂದೆ ಸರ್ವೇಶ
ಒಲಿದು ಭಾನುಕೋಟಿತೇಜಪ್ರಕಾಶ
ಫಲವ ನೀಡಿ ತೋರಬಂದೆ ಸಂತೋಷ
ಸಲಹಬಂದೆ ಮಹಿಪತಿ ಪ್ರಾಣೇಶ 5
ಮನೋಹರ ಮಾಡುವ ನೀನೆ ಸಹಕಾರಿ
ಅನುದಿನ ಲೆವಕಲ ನೀನೆ ಮುರಾರಿ 6
ಅನೆ ಕಾಯಲಿಪರಿ ನೀನೆ ಉದಾರಿ
ಅನಾಥರಿಗೊಲುವ ನೀನೆ ಶ್ರೀಹರಿ 7
ಪತಿತ ಪಾವನ ಪೂರ್ಣ ನೀನೆ ನಿಶ್ಚಯ
ಹಿತದಾಯಕ ನೀನಹುದೊ ಮಹಿಪತಿಯ 8

ತನ್ನೊಳು ತಿಳಿಯೊ ಪ್ರಾಣಿ ಪುಣ್ಯಸಾಧನಿ ಧ್ರುವ
ತನ್ನಿಂದಲೆ ತಾ ನೋಡುವ ಖೂನ
ಚೆನ್ನಾಗ್ಯದನುಭವ ಜ್ಞಾನ
ಸನ್ಮತ ಸುಖದೋರುವ ಚಿದ್ಫನ
ಭಿನ್ನವಿಲ್ಲದೆ ನೋಡುವದುನ್ಮನ 1
ಮೂಲವಿಡಿದು ನಿಜ ನೋಡುವದರಿಂದ
ಮ್ಯಾಲೆ ದೋರುತಲದೆ ಬ್ರಹ್ಮಾನಂದ
ಕೀಲು ತಿಳಿದರೆ ಸದ್ಗುರು ಕೃಪೆಯಿಂದ
ಒಲಿದು ಬಾಹನು ತಾ ಮುಕುಂದ 2
ಸೆರಗವಿಡಿದು ನೋಡುಲು ಗುರುಮುಖ
ಮೂರು ಲೋಕಕ ಬಲು ಪರಮ ವಿವೇಕ
ತರಳ ಮಹಿಪತಿ ಆತ್ಮಾನುಭವ ಸುಖ
ದೋರುತಲದೆ ತಾ ಘನ ಕೌತುಕ 3

ನೀನಹುದೊ ಎನ್ನ ಸ್ವಾಮಿ ಧ್ರುವ
ಅನಾಥ ಬಂದು ನೀ ಙÁ್ಞನ ಶಿಖಾಮಣಿ
ಧ್ಯಾನಕ ಸಾಧನಿ ನೀನೆ ಎನ್ನ ಗುರುಮುನಿ 1
ಜೀವಕ ಜೀವ ನೀ ಭಾವಕ ಭಾವ ನೀ
ದೇವಾಧಿದೇವ ನೀ ಕಾವ ನೀನೆ ಕರುಣಿ ನೀ 2
ಬಾಹ್ಯಾಂತ್ರ ಪೂರ್ಣ ನೀ ಇಹಪರದಾತ ನೀ
ಮಹಿಗೆ ಮಹೀಪತಿ ನೀ ಸಾಹ್ಯಮಾಡೊ ಸಗುಣಿ ನೀ 3

ಪಾದ ಕೂಡು | ಸಾಯಾಸಗಳನೇ ಬಿಡು ಪ
ಪಾದ ಕೂಡು ಸಾಯಾಸಗಳನೇ ಬಿಡು |
ಸಾಧಿಸುವದು ನೋಡು ಸದ್ಗತಿಯ ಸುಖಾಡು 1
ತನುವಿಟ್ಟು ಧನವಿಟ್ಟು ಚರಣಕ ಮನಕೊಟ್ಟು |
ಅನುವಾಗಿ ತಿಳಿಗಟ್ಟು ಮದಗರ್ವಗಳ ಬಿಟ್ಟು 2
ನಿನ್ನಾ ನೀ ತಿಳಿಯಣ್ಣಾ ಮ್ಯಾಲ ದೋರುದ್ಯಾಕ ಬಣ್ಣಾ |
ಇನ್ನಾರೆ ದೆರಿಕಣ್ಣಾ ಆಗದಿರು ಮಸಿಮಣ್ಣಾ 3
ತನಗ ತಾನೇವೇ ಬಂಧು ತನಗೆ ತಾನೇ ಹಗೆಯೆಂದು |
ವನಜಾಕ್ಷ ಹೇಳಿದುದು ಅನುಮಾನಿಲ್ಲಿದಕಿಂದು 4
ಇನ್ನೊಂದು ಸಾಧನಿಲ್ಲಾ ಇದರಿಂದಧಿಕವಿಲ್ಲಾ |
ಮನ್ನಿಸಿ ಕೇಳಿರೆಲ್ಲಾ ಮಹಿಪತಿಜನ ಸೊಲ್ಲಾ 5

ಪೇಳಲಳವಲ್ಲ ನಮ್ಮಯ್ಯನಾಟ ತಿಳಿವರಾರಿಲ್ಲ ಪ
ಪೇಳೇನೆಂದರೆ ನಿಲುಕೊ ಮಾತಲ್ಲ
ಹೇಳಿಕೆ ಕೇಳಿಕೆಗೆ ಮೀರಿದ
ಮೇಲುಮಹಿಮನ ಲೀಲಾಜಾಲವ ಅ.ಪ
ಸಾಧ್ಯ ಮಾತಲ್ಲ ಜಗಸೂತ್ರನಾಟಕೆ
ಆದಿ ಅಂತಿಲ್ಲ ಜಗಮೂರರೊಳಗೆ
ಸಾಧನಿಕರೆಲ್ಲ ನಿಜಭೇದ ತಿಳಿದಿಲ್ಲ
ಸಾಧನಿಟ್ಟು ಆವಕಾಲದಿಂ
ನಾದ ತಡೆಯದೆ ವೇದಗಳ ಬಿಡ
ದೋದಿ ದಣಿದು ಇನ್ನು
ಆದಿಮಹಿಮನ ಪಾದಕಾಣವು 1
ಬಾಗಿ ಅನುಗಾಲ ನಿಜತತ್ವಭೇದಿಸಿ
ನೀಗಿ ಭವಮಾಲ ಜಡವಾದ ದುರ್ಭವ
ರೋಗಗಳುಯೆಲ್ಲ ಪಾರಾಗಿ ನಿರ್ಮಲ
ರಾಗಿ ಪರಮಯೋಗ ಒಲಿಸಿ
ಯೋಗಿಗಳು ಮಹ ಉಗ್ರತಪದಿಂ
ಯೋಗಬೆಳಗಿನೊಳಗೆ ನೋಡಲು
ನಾಗಶಯನ ಮಹಿಮೆ ತಿಳಿಯದು 2
ಸಾನಂದಾದಿಗಳು ಮಹ ಭೃಗು ಗಾರ್ಗೇಯ ಮನು
ಮುನ್ಯಾದಿಗಳು ದೇವರ್ಷಿ ನಾರದ
ಶೌನಕಾದಿಗಳು ಘನ ಸಪ್ತಋಷಿಗಳು
ಅನಂತಾನಂತ ಪ್ರಳಯದಿಂದ
ಜ್ಞಾನ ಬೆಳಗಿನೋಳ್ನಿಂತು ನೋಡಿ
ಕಾಣದೆ ಶ್ರೀರಾಮಪಾದ
ಮೌನದೋಳ್ಮುಳುಗೇಳುತಿಹರು 3

ಮಾಡಿ ನೀವು ಸತ್ಸಂಗ
ನೋಡಿ ಘನ ಅಂತರಂಗ ಧ್ರುವ
ಸಾರಿದೂರಲಿಕ್ಕೆ ವೇದ
ಅರರಿವದೆನಗಗಾಧ
ದಾರಿದೋರಿಕುಡು ಬೋಧ
ಗುರುಪ್ರಸಾದ 1
ಬದಿಲಿರಲಿಕ್ಕೆ ಖೂನ
ಇದಕ್ಯಾಕುದ್ದರಿ ಜ್ಞಾನ
ಛೇದಿಸಿ ಅನುಮಾನ
ಭೇದಿಸಿರೊ ಪೂರ್ಣ 2
ಹಿಡಿಯಲಿಕ್ಕೆ ಸತ್ಸಂಗ
ಓಡಿಬಾವ್ಹಾ ಶ್ರೀರಂಗ
ಮಾಡಿ ಭವಭಯಭಂಗ
ನೋಡುವ ಕೃಪಾಂಗ3
ಎಲ್ಲಕ್ಕೆ ಶಿಖಾಮಣಿ
ಸುಲಭ ಈ ಸಾಧನಿ
ಸೊಲ್ಲಿಗೆ ಮುಟ್ಟಿದ ಪ್ರಾಣಿ
ಬಲ್ಲವ ಸುಜ್ಞಾನಿ 4
ಪಿಡಿದು ಸತ್ಸಂಗತಿ
ಕಡಿದು ಹೋಯಿತು ಭ್ರಾಂತಿ
ಪಡೆದ ಸುಖ ವಿಶ್ರಾಂತಿ
ಮೂಢ ಮಹಿಪತಿ 5

ಸತ್ಸಂಗದಿಹುದು ನೇಮ ಧ್ರುವ
ಸಾಧು ಸಮಾಗಮ ಸಮಾಗಮ
ಛೇದಿಸುವದು ಭವಭ್ರಮ 1
ತರಣೋಪಾಯಿದು ಒಂದೆ ಇದು ಒಂದೆ
ನಿರ್ಣೈಸದೆ ಮೊದಲಿಂದೆ 2
ಸಾಧನಿದೆ ಸ್ವಹಿತ ಇದೆ ಸ್ವಹಿತ
ನವನೀತ 3
ಸರಿ ಈ ಸಾಧನಕಿಲ್ಲ ಸಾಧನಕಿಲ್ಲ
ಗುರು ಶರಣಾಗತ ಬಲ್ಲ 4
ಸಾಧನದಿ ಸುವಸ್ತ ಸುವಸ್ತ
ಸಾಧಿಸಿತು ಮಹಿಪತಿಗೆ ಸಾಭ್ಯಸ್ತ 5

ಸರ್ವದಾ ಕಾವ ದೈವ ನೀ ಶ್ರೀಹರಿ ಸರ್ವದಾ ಕಾವ ದೈವ ನೀ ಧ್ರುವ
ಶರಣಾಗತ ವತ್ಸಲ ಕರುಣಾನಿಧಿ ಅಚಲ 1
ಭಾವಕ ನೀ ಸುಲಭ ಜೀವ ಪ್ರಾಣದೊಲ್ಲಭ 2
ಅನುದಿನ ಸದೋದಿತ 3
ಅನುಕೂಲದ ಸಾಧನಿ ಭಾನುಕೋಟಿ ತೇಜ 4
ಸ್ವಹಿತ ಸುಖದಾಯಕ ಮಹಿಪತಿ ಪ್ರಾಣನಾಯಕ5

ಲಿಂಗವ ಕಟ್ಟಿಕೊಂಬೋದಣ್ಣಇಷ್ಟಲಿಂಗಾದಿ ಸಾಧನಿರಲಿಕ್ಕಣ್ಣಪಭಕ್ತನು ಆಗುವುದಕ್ಕಣ್ಣನಿತ್ಯಭಕ್ತಿಯ ಹುಟ್ಟಿಸುವುದಣ್ಣಮುಕ್ತಿಯ ಪಡೆವುದಕಣ್ಣ ವಿರಕ್ತನಾದರೆ ಸಾಧ್ಯವಣ್ಣ1ಕೆಟ್ಟದು ಸಂಸಾರವಣ್ಣ ಕೊಟ್ಟನು ಕ್ರಿಯದಲಣ್ಣಕಟ್ಟಿದ ಎಳೆಗುದಿಗಣ್ಣನಿತ್ಯಮುಟ್ಟಿ ಪೂಜಿಸಬೇಕಣ್ಣ2ಗುರುಗಳ ಪೂಹಿಸುವುದಕಣ್ಣ ಎಲ್ಲ ನರರಿಗೆ ಅನ್ನವನಿಕ್ಕಲಿಕ್ಕಣ್ಣನಿರುತವು ತಾನಡೆದಣ್ಣ ಮುಂದೆ ಚಿದಾನಂದನ ಕಾಣೋದಣ್ಣ3