ದೊರಕುವುದೇ ಪರಮಾರ್ಥ ಪ
ಜರಿದು ಆಶ್ರಮ ಧರ್ಮಾ ವೇಷ ವಿರಕ್ತಿಯಿಂದಾ |
ಚರಿಸುತ ಬಳಲುವರೇ ವ್ಯರ್ಥ 1
ಕ್ರಮದ ಹಾದಿಯ ಬಿಟ್ಟು ಅಡವಿ ಬೀಳಲು ಎಲ್ಲ |
ಕಮರಿಯಲ್ಲದೇ ಗ್ರಾಮವಾರ್ತಾ 2
ಕಣ್ಣಿನೊಳಂಜನಿಲ್ಲದೇ ಹಲವು ಸಾಧನದಿಂದಾ |
ದಣ್ಣನೇ ದಣಿವರೇ ದ್ರವ್ಯಕುರ್ತಾ 3
ಕರಗದೆ ವಾಸನೆ ತಪಹೀನ ಅಂತರ್ಗತ |
ಜ್ವರವಿರಲಾರೋಗ್ಯದ ಸ್ನಾನಾರ್ಥ 4
ತಂದೆ ಮಹಿಪತಿ ಸುತ ಪ್ರಭು ಒಲುಮೆಯಾ |
ಛಂದದಿ ಪದ ಕೊಂಡವನೇ ಧೂರ್ತಾ 5

ಮಾಡಬಾರದೇ ಸಂಗಾ | ಸಂತರ |
ಮಾಡಬಾರದೇ ಸಂಗ |
ಕೂಡಿ ಶ್ರವಣವ ಮಾಡಲು ಮನದೊಳು |
ಮಾಡಿಬಹುನು ಶ್ರೀರಂಗಾ ಪ
ದೇಶ ತಿರುಗುವದ್ಯಾಕ |
ಕಾಸಿ ಆರಿದ ಹಾಲವು ಇದರಿಡೇ |
ಆ ಶಿವಧ್ಯಾನವು ಬೇಕ 1
ನಾನಾ ಸಾಧನದಿಂದಾ | ಬಾಹು |
ದೇನೆಲೋ ಮತಿಮಂದಾ |
ಮನಿಯೊಳಗಿನ ಗಿಡ ಸಂಜೀವನಾಗಿರೆ |
ಕಾನನ ತಿರುಗುವದೇ ಅಂಧಾ 2
ಲೋಹ ಪರುಷವ ಬಿಟ್ಟು | ಕಾಷ್ಟದ
ಲಾಹುದೇ ಚಿನ್ನದ ಗಂಟು |
ಮಹಿಪತಿ ನಂದನು ಸಾರಿದ ಸ್ವಹಿತಕ |
ಮಹಾನುಭಾವದಾ ನಿಜಗುಟ್ಟು 3