ಕಾಯಯ್ಯಾ ಎನ್ನದಯದೀ ಸಿಂಹಾದ್ರೀಶಾ ಪ
ಅಖಿಲದೊಳಗೆ ಅತಿ ದುರ್ಜನ ಪ್ರಭೆಯಲಿ
ನಿಖಿಳ ಧರ್ಮಗಳಡಗಲು ಕಂಡು
ಭಕುತರ ಗೋಸುಗ ಅವತಾರವತಾಳಿ
ಪ್ರಕಟಿಸಿದಿಳೆಯೊಳು ಚಿನ್ಮಯನೇ1
ಪರಿ ಸಾಧನದಿಂದಲಿ ದೇಹವ
ನಿರುಪಮ ವಜ್ರದಂದದಿ ಮಾಡೀ
ಮೆರೆವ ಗೋರಕ್ಷಗ ಬೋದಿಸ್ಯಕಲ್ಪಿತ
ಶರೀರವ ಮಾಡಿ ನಿಲಿಸಿದೆಯ್ಯಾ2
ಅನಸೂಯಾ ಜಠರದಲುದ್ಭವಿಸಿ
ಅನುದಿನ ಮುನಿ ಮಾನಸಲಿರುವಾ
ಅನುಪಮ ಚರಿತನೆ ಮಹಿಪತಿ ನಂದನ
ಮನ ದೈವಾಗಿಹೆ ಘನ ಕರುಣಾ 3

ಡಂಭಕ ಹರಿದೂರ ಪ್ರಾಣೀ ಪ
ಅಂಬುಜನಾಭನ ಇಂಬನ ಪಡಿಯದೇ|
ಡೊಂಬನ ಪರಿಯಾಚಾರ ಪ್ರಾಣೀ ಅ.ಪ
ಅಬ್ಧಿಶಯನ ಸಿರಿನಾಥನ ಒಲುಮೆಯ|
ಲಬ್ಧ ದೊರೆಯದೆ ವಿಚಾರಾ||
ಲಬ್ಧನಾಗಿ ಧನ ಮಾನಕಬಿಟ್ಟಿನೀ|
ಶಬ್ದದಂಗಡಿ ಪ್ರಸರಾ|ಪ್ರಾಣೀ 1
ಪೊಡವಿಯೊಳಗ ಉಗ್ರಸಾಧನದಿಂದಲಿ|
ಬಿಡದೆವೆ ತವಶರೀರಾ||ಒಡನೆ ಮರೆದು ರಿಧ್ಧಿಸಿಧ್ಧಿಯ ಬಲದಲಿ|
ಹಿಡದಿ ಮನದಿ ಅಹಂಕಾರ|ಪ್ರಾಣೀ 2
ಅದಿತತ್ವದಾಗಲೆ ಸಾಧಿಸೇನೆಂದರೆ|
ಸಾಧನ ಕೇಳು ಸುಸಾರಾ||
ಭೇದಿಸು ಮಹಿಪತಿ ನಂದನ ಸಾರಿದ|
ಸಾಧು ರಾಶ್ರಯ ಮನೋಹರ|ಪ್ರಾಣೀ 3

ಬೇಟೆಯ ನಾಡಿದನೇ | ಶ್ರೀ ಗುರು |
ಬೇಟೆಯ ನಾಡಿದನೇ | ಭವದ ಮ |
ಮಹಾಟವಿಯೊಳಗಿದ್ದ ಮನವೆಂಬ ಮೃಗದಾ ಪ
ಬೋಧ ಕೊಳಲವ |
ಸ್ವಾನಂದದಲಿ ಸುಸ್ವರದಲಿ |
ತಾನೂದಿ ನಾದವ ಕಿವಿಯೊಳೂಡಿಸಿ ಸು |
ಮ್ಮಾನದೀ ನಿಲುವಂತೆ ಮರುಳು ಮಾಡಿದ ಗುರು 1
ಪರಿ ಸಾಧನದಿಂದಲಿ ನವವಿಧ |
ಪರಿಯಾದ ಭಕ್ತಿಯ ಪಾಶವನು |
ಕೊರಳಿಗೆ ಸಂದಿಸಿ ದೃಢದಿಂದ ಪುನರಪಿ |
ಹರಿದಾಡದಂದದಿ ನೆಲೆಗೊಳಿಸಿ ಗುರು 2
ಭಯದಿಂದ ಬೆದರಿ ಭಜ್ಜರಿಕೆಯ ಹಿಡಿದಿರೆ |
ಶ್ರಯ ಸುಖದಾಯಕ ನಿಜ ಕರದೀ |
ದಯದಿಂದ ಅಭಯವನಿತ್ತು ಬೋಳೈಸಿ ನಿ|
ರ್ಭಯ ಮಾಡಿ ಭ್ರಾಂತಿಯ ಚಿಂತಿ ಹರಿಸಿ ಗುರು3
ಸವಿ ಸವಿ ನಾಮಾಮೃತ ಆಹಾರವನಿಕ್ಕಿ |
ಜವದಿಂದ ಹೃದಯ ಭೂ ವನದೊಳಗೆ |
ತವಕದಿ ವಿಶ್ರಾಂತಿ ಸ್ಥಳದಲಿ ನಿಲ್ಲಿಸಿ |
ಅವನಿಲಿ ಸತ್ವ ಚರನ ಬಳಿಯಲ್ಲಿಟ್ಟು ಗುರು4
ಜನವನ ವಿಜನದೊಳಗ ತಾನೇ ತಾನಾಗಿ |
ಅನುಮಾನ ಕಳೆಸಿದಾ ಅಂಜುವನಾ |
ಅನುದಿನ ಸುಖದೊಳಿಪ್ಪಂತೆ ಮಾಡಿ |
ದನು ನಂದನ ನಿಜ ಸಹಕಾರಿ ಮಹಿಪತಿ ಘನಗುರು5