ಕನಸನು ಕಂಡೆನು ಕೇಳೌ
ಘನ ಶ್ರೀ ಗುರು ಬಂದು ಶಾಸ್ತ್ರ ತತ್ವವ ಪೇಳ್ದಂ
ಮನಸಿನ ಸಂಶಯವಳಿಯಿಸಿ
ತನಯಗೆ ರಾತ್ರಿಯೊಳು ತೋರಿದಂ ಸತ್ಪಥಮಂ ಕಂದ
ಕನಸನು ಕಂಡೆನು ಕೇಳೌ ಶ್ರೀಗುರುಭರದಿಂ ತಾ ಬಂದೂ ಪ
ತನಯನ ಸಂಶಯವಳಿಯಿಸಿ ಪರತರ
ಗತಿಯನು ತಾ ಕೊಡುವ ಅ.ಪ
ಶ್ರೀಹರಿ ಪೂಜೆಯು ಸ್ತೋತ್ರವು ಚಿಂತನೆ-ಶ್ರೀಹರಿಮಂತ್ರವನೂ
ಶ್ರೀಹರಿ ಲಾಂಛನ ಧರಿಸುತ ಸಂತತ ವಿಠಲನ ಭಜಿಸೆಂದು 1
ಬಂಧುರದೇಗುಲ ವರಕ್ಷೇತ್ರದೊಳಾನಂದವನೋಡುತಲೀ
ನಿಂದಿಹ ಪರಿಪರಿ ಸಾಧುವೈಷ್ಣವರಿಗೊಂದನೆಮಾಡೆಂದ 2
ಸತ್ಯಪ್ರಬಂಧವು ಅಷ್ಟಾಕ್ಷರಿಜಪತತ್ವ ಸುದ್ವಯಮಂತ್ರ
ನಿತ್ಯಹೃದಯದೊಳು ಸೋಹಂಭಾವದಿ ಭಕ್ತಿಯೊಳ್ಬೆರೆಯೆಂದ 3
ವರಮಹದೇವನ ಪುರಶ್ರೀರಂಗನಚರಣವ ಗುರಿಮಾಡೀ
ಮರೆಯದೆ ಧ್ಯಾನಿಸು ನಾನೇ ನಿನ್ನನು ಪೊರೆಯುವೆನೆಂತೆಂದ 4

ಮಾನವ ಶ್ರೀಗುರುಚರಣವ
ಮಾಡುತ ಪೂಜೆಯ ತೋಷದಲಿ ಪ
ಬೇಡುತ ನಿಜಸುಖ ಆಜ್ಞಾಚಕ್ರದೊ
ಳಾಡುತ ಪರಮನೆ ನೀನಾಗಿ ಅ.ಪ
ಸತ್ತು ಹುಟ್ಟಿ ಈ ಪೋಗುವದೇಹವ
ನಿತ್ಯವು ಎನ್ನುತ ಪೋಷಿಸದೆ
ಸತ್ಯಪ್ರಬಂಧವ ಶ್ರೀಹರಿಪಾದವ
ನೆತ್ತಿಲಿ ಪೊತ್ತರ ಮಗನಾಗಿ 1
ಚಿತ್ತವ ಚಲಿಸದೆಸಿದ್ದಾಪುರದೊಳ
ಗಿತ್ತರೆ ಬಂಧುರಸಿದ್ಧಿಗಳೂ
ಅರ್ಥಿಯಿಂದ ಬಂದೊದಗುವ ಫಲಗಳ
ವ್ಯರ್ಥವ ಮಾಡದೆ ಶೀಘ್ರದಲಿ 2
ಹರಿಯಜ ರುದ್ರರು ಈಶ ಸದಾಶಿವ
ಪರತರಮೂರ್ತಿಯ ಧ್ಯಾನಿಸುತ
ಗುರುವನೆ ಯಜಿಸುತ ಭಜಿಸುತ ಸರ್ವರು
ಗುರುವೇಯಾಗಿಹ ತೆರದಲ್ಲಿ 3
ತತ್ವಮಸಿಯ ಬೋಧಾಮೃತ ಸೇವಿಸಿ
ಮೃತ್ಯುವ ಜೇಸುತ ಧೈರ್ಯದಲಿ
ಪೃಥ್ವಿಯೊಳೀಮಹದೇವನಪುರದೊಳು
ಭಕ್ತರ ಪೊರೆಯುವ ದೊರೆಯನ್ನೆ 4