ಜಯ ಜಯ ಯಾಧವನಾಥ ಮುರಾರಿ
ಜಯ ಜಯ ಶ್ರೀವಧುರಮಣ ಶ್ರೀ ಹರಿ ಪ
ದೀನೊದ್ದರ ಸಗಟಾಸುರದಮನಾ
ಆನಂದ ಮೂರುತಿ ಫಣಿವರ ಶಯನಾ 1
ಕರುಣಾ ಕರಗಿರಿಧರ ಸರ್ವೇಶಾ
ಶರಣಾಗತ ವತ್ಸಲ ಪಯೋನಿಧಿವಾಸಾ 2
ಕಂಬುಕಂದರ ಕಮಲಳಾಕ್ಷಾ
ಅಂಬುಜ ಭವನುತಗೋಗೋರಕ್ಷಾ 3
ಶಂಬರ ಮಥನ ಜನಕ ಮಹಾ ಮಹಿಮಾ
ಜಂಭಭೇದಿಸುತ ಸಖಘನ ಶಾಮಾ 4
ಪೀತಾಂಬರಧರ ಕೃಷ್ಣ ಶ್ರೀಧರಾ
ಮಾತುಳನಾಶನ ಕೃತಭೂಧರಾ 5
ಗುರುಮಹಿಪತಿ ಸುತ ಜೀವನರಾಮಾ
ಪರಮಾನಂದ ಕಾಯಕ ಗುಣಧಾಮಾ 6

ನಂಬಿದೆನೊ ನಂಬಿದೆನೊ ಅಂಬುಜಾಕ್ಷ
ತೊಂಬಲಿಗೆ ಹಂಬಲಿಸಿ ಹಾರೈಸಿದೆ ನಿನ್ನ ಪ
ಮೊದಲುಂಡ ಪಾಪದಲಿ ಕಳೆಗುಂದಿ ಕಳೆಗುಂದಿ
ಮುದದಿಂದ ನಿತ್ರಾಣನಾದೆನಯ್ಯಾ
ಪದುಮನಾಭನೆ ನಿನ್ನಭಯದೊಂಬಲನಿತ್ತು
ವದನ ಚೇತನನಾಗುವಂತೆ ದಯಮಾಡೊ 1
ವಿಷವ ಸೇವಿಸಿದ ತರುಣನಂತೆ
ಮೆಲವು ಭಾವಿಸದೆ ಬೀಳುತೀ ನೀ ನೆಲೆಗಾಣದೆ
ಬಿಸಿಜಾಕ್ಷ ನೀನೆ ಕೃಪಾಳು ಎಂದೆಂದಿಗೆ
ರಸ ಸುರಿವ ಸುರಿವ ಬಾಯದೊಂಬಲಾನಿತ್ತು ಸಲಹೊ2
ಆವದಾದರುವಲ್ಲೆ ಅನಿಮಿತ್ತ ಬಂಧು ಕೇಳು
ಜೀವವೇ ನಿನ್ನ ಪಾದದಾಧೀನವೋ
ಶ್ರೀವಧುರಮಣ ನಮ್ಮ ವಿಜಯವಿಠ್ಠಲ ನೀನೆ ದೇವ ಯನಗ
ಹುದು ತೊಂಬಲನಿತ್ತು ಪೊರಿಯೊ 3