ಕಾಯೋ ಶ್ರೀಹರಿ ಪ
ಕೈ ಮುಗಿವೆ ಮುರಾರಿ ಕರುಣದಿ ಅ.ಪ.
ನೊಂದೆನೋ ಈ ಭವ
ಬಂಧನದೊಳಗೆ ಶಿಲುಕಿ
ಮುಂದಿದಕೇನೋ ದಾರಿ 1
ತುಂಬಿದ ಭಕ್ತ ಕು-
ಟುಂಬಿ ನಾಚಿಕೆಯ
ಕೊಂಬುವದೇನಿದ ಕುಸುರೊ2
ಎಷ್ಟು ನಿನಗೆ ಮೊರೆ-
ಯಿಟ್ಟರೂ ಶ್ರೀದ-
ವಿಠ್ಠಲ ಮನಸಿಗೆ ತಾರಿ 3

ತಾರೆನ್ನ ಹುಂಡಿ ರಂಗ
ತಾರೆನ್ನ ಹುಂಡಿ ಪ
ಅತ್ತರೇನು ಕಂಗಳಿಂದ
ಮುತ್ತುದುರುವುದಿಲ್ಲ
ಮತ್ತೆ ನಮ್ಮ ಮೇಲೆ ಹುಂಡಿ
ಹೊತ್ತರೆ ನೀ ಬಿಟ್ಟೆಯೇನೊ 1
ವಾರಿಜಾಕ್ಷ ನಿನ್ನ ಬಿಡು -
ವರೆಯೇನೋ ಬೆನ್ನ ಮೇಲೆ
ಹಾರಿ ಹೊತ್ತು ಕೊಂಡು ಭಾರ
ಹೇರದೆ ನೀ ಬಿಟ್ಟೆಯೇನೊ 2
ತೊಟ್ಟಿಲ ಹೋಗೆಂದರೆ
ಸಿಟ್ಟು ಮಾಡುವಿಯೋ ಶ್ರೀದ-
ವಿಠಲನ್ನ ಕೂಡಾಡದೆ ನೀ
ಬಿಟ್ಟರೆ ನಾವು ಬಿಡುವರಲ್ಲ 3