ಏತಕೀಪಂಥ ಜಾನಕೀಕಾಂತ
ಭೂತಲನಾಥ ಶಾಂತಸುಸ್ವಾಂತ ಪ.
ಸೊಮಸಮಾನನೆ ತಾಮರಸೇಕ್ಷಣ
ಶ್ರೀಮಾನಿನೀ ಮನೋಮೋಹನ ಸುಂದರ 1
ಅಂಗಜತಾತ ಮಂಗಳಗಾತ್ರ
ಗಂಗೆಯಪೆತ್ತ ಉತ್ತುಂಗಮಹಿತ 2
ಮಂದರೋದ್ಧಾರಿ ತಂದೆ ಕಂಸಾರಿ
ಬಂದುಮೈದೋರಿ ಪೊರೆಯೆನ್ನ ಶೌರಿ3
ವರಶೇಷಗಿರಿದೊರೆ ಶರಣರ ಈ ಮೊರೆ
ಕರಗಿಸಲಾರದೆ ಏನಿದು ಕಲ್ಲೆದೆ 4

ರಾಧೆ ಗೋಪಾಲ ಕೃಷ್ಣ ರಾಧೆಗೋಪಾಲ
ರಾಧೆ ಗೋಪಾಲ ಕೃಷ್ಣ ರಾಧೆಗೋಪಾಲ ಪ
ನಂದನಕಂದ ಮುಕುಂದಮುರಾರೆ
ಇಂದಿವರಾಕ್ಷ ಗೋವರ್ದನಧಾರೆ
ವೃಂದಾವನ ಸಂಚಾರ ವಿಹಾರೇ
ಸಿಂಧುಶಯನ ಕ್ಷೀರಾಬ್ಧಿವಿಹಾರ 1
ಚಕ್ರಧರ ವೇಣುವಿನೋದ
ಶಂಕರಾದಿ ವಂದಿತ ದಿವ್ಯಪಾದ
ಬಿಂಕದಿಂದ ಕೊಳಲೂದುವನಾದ
ಪಂಕಜಾದಿಗಳು ನಲಿವ ಸುಸ್ವಾದ 2
ಮಂದರಧರÀ ಗೋವರ್ಧನ ಧಾರಿ
ಮಂದೆ ಗೋವತ್ಸವ ಕಾಯ್ವ ಶೌರಿ
ಇಂದಿರೆಯರಸ ಶ್ರೀಹರಿಯೆ ಮುರಾರಿ
ನಂದಯಶೋದೆಯ ಮೋಹದ ಶೌರಿ3
ವೃಂದಾವನದೊಳು ನಿಂದ ಗೋವಿಂದ
ಮಂದಹಾಸ ಮುಖನಗೆ ಮೊಗದಿಂದ
ಸುಂದರ ಗೋಪಿಯರೊಡಗೂಡಿ ಬಂದ
ಮಂದರಧರ ಆನಂದ ಮುಕುಂದ 4
ಕಾಮನಪಿತ ಶ್ರೀ ಕಂಜಜನಾಭ
ಕಾಮಿತ ಫಲಗಳ ಕರುಣಿಪ ಶ್ರೀಧ
ಕಮಲನಾಭ ವಿಠಲ ನಿಮ್ಮ ಪಾದ
ಕರುಣದಿ ನೆನೆವರ ಸಲಹುವಮೋದ 5