ಎಂದಿಗೆ ನಿಮ್ಮ ಪದ ಕಾಂಬೆನೊ | ಗುರು
ಎಂದಿಗೆ ನಿಮ್ಮ ಪದ ಕಾಂಬೆನೊ ಪ.
ಎಂದಿಗೆ ನಿಮ್ಮ ಕಾಂಬೆ
ಅಂದಿಗೆ ಮುಕ್ತಳಹೆ ಅ.ಪ.
ಸಕಲ ಶಾಸ್ತ್ರಗಳನೆ ಶೋಧಿಸಿ | ಬಹು
ಅಕಳಂಕ ತತ್ವವ ಸಾಧಿಸಿ | ಬೇಗ
ಮುಕುತಿ ಯೋಗ್ಯರಿಗೆಲ್ಲ
ಸುಖವ ತೋರುವ ಗುರು 1
ಮನದಿ ನೆಲಸಿ ಲೀಲೆ ತೋರುತ | ದೃಢ
ಮನದಿ ಮನಸಿಜನ ಗೆಲ್ಲುತ | ದೇವ
ಮನಸಿಜನಯ್ಯನ
ಮನಸಿನೊಳ್ ತೋರುತ 2
ಕಷ್ಟಪಡುವುದು ಕಾಣುತ | ಬಹು
ತುಷ್ಟರಾಗಿ ಅಭಯ ನೀಡುತ | ಮನ
ಮುಟ್ಟಿ ರಕ್ಷಿಪೆನೆಂದು
ಇಷ್ಟು ಸಲಿಪ ಗುರು 3
ನರಹರಿ ಧ್ಯಾನಿಪ ಶ್ರೀ ಗುರು | ಬಹು
ಕರುಣಾಳುವೆ ದೇವತರು | ನಿಮ್ಮ
ಅರಘಳಿಗೆ ಬಿಟ್ಟು
ಇರಲಾರೆ ಧರೆಯೊಳು 4
ಮುಕ್ತಿ ಸೌಭಾಗ್ಯವ ನೀಡುವ | ಬಹು
ಶಕ್ತರಹುದು ನಿಮ್ಮ ಭಾವವ | ನಾನು
ಎತ್ತ ಯೋಚಿಸೆ ಕಾಣೆ
ಸತ್ಯವಚನವಿದು 5
ಆನಂದಪಡಿಸುವ ಶ್ರೀ ಗುರು | ನಿಮ್ಮ
ಏನೆಂದು ಸ್ತುತಿಹಲಿ ಪಾಮರರು | ನಿಮ್ಮ
ಕಾಣರು ಜಗದಲಿ
ಏನೆಂಬೆ ಮಹಿಮೆಯ 6
ಗೋಪಾಲಕೃಷ್ಣವಿಠ್ಠಲನ | ಶುಭ
ರೂಪವ ತೋರುವ ಕಾರುಣ್ಯ | ದೇವ
ಪರಿ ನಿಮ್ಮ ಸ್ತುತಿಸಿ
ನಾ ಪಾರು ಕಾಂಬೆನು 7

ಏಳು ಮಾರುತಿ ಎಂದೆಬ್ಬಿಸಿದಳಂಜನೆಯು ಪ.
ಶ್ರೀರಾಮರ ಸೇ[ವೆ]ಗೆ ಹೊತ್ತಾಯಿತೇಳೆಂದುಅ.ಪ.
ಸೇತುವೆಯ ಕಟ್ಟಬೇಕು ಸಮುದ್ರವನೆ ದಾಟಬೇಕುಸೀತೆಗುಂಗುರವನ್ನು ಕೊಡಲಿಬೇಕುಪಾತಕಿ ರಾವಣನ ವನವ ಕೀಳಬೇಕುಸೀತೆಯನು ರಾಮರಿಗೆ ಒಪ್ಪಿಸಲಿಬೇಕು 1
ನಿಂತು ಮಾಡಲಿಬೇಕು ಅಜ್ಞಾತವಾಸವನುಅಂತು ಕೀಚಕರನ್ನ ಸವುರಬೇಕುಕಂತುಪಿತನಾಜ್ಞದಿಂ ಕೊಲ್ಲಬೇಕು ಕೌರವರಕುಂತಿ ಸುತನು ಎಂದೆನಿಸಬೇಕಯ್ಯ 2
ಮಧ್ವರಾಯರು ಎಂದು ಪ್ರಸಿದ್ಧರಾಗಲಿ ಬೇಕುಅದ್ವೈತಮತವನು ಗೆದ್ದು ಮುರಿಯಲಿ ಬೇಕುಶುದ್ಧಮಾಡಲಿ ಬೇಕು ಸಕಲ ಶಾಸ್ತ್ರಗಳನೆಲ್ಲಮುದ್ದು ಹಯವದನನ ದಾಸನೆನಿಸಬೇಕು 3