(2) ಆಂಡಾಳ್ ಸ್ತುತಿ
ಆಂಡಾಳ್ ದೇವಿ ಶರಣೆಂಬೆ
ಶ್ರೀಗೋದಾದೇವಿ ಪೊರೆಯೆಂಬೆ ಪ
ಮುಡಿದು ಕೊಟ್ಟ ನಾಯಕಿ ತಾಯೆ
ರಂಗನಾಥನ ಪರಮಪ್ರಿಯೆ
ಮುಡಿಪುಹೊತ್ತು ಸೇವಿಪೆವಮ್ಮ
ಶರಣಾಗತಿಯನ್ನ ಅ.ಪ
ಅಂದುಗೋಪಿಯರು ಕೃಷ್ಣನ ಸೇರಲು
ಚಂದದಿಮಾಡಿದ ಕಾತ್ಯಾಯನಿವ್ರತವ
ತಂದೆಯಮತದಿ ಹೊಂದಿಸೇವಿಸಿದೆ
ಒಂದು ತಿಂಗಳ ತಿರುಪ್ಪಾವೈಯಲಿ 1
ದಿನಕೊಂದು ಪಾಶುರ ಕಟ್ಟಿಪಾಡುತ
ದಿನದಿನ ಸಖಿಯರೊಳು ಮಾರ್ಗಳಿಯಲಿ
ದಿನ ಮೂಡುವಮೊದಲೆ ತಣ್ಣೀರ್ಮೀಯುತ
ದಿನಪ ಕೃಷ್ಣನ ಕಲೆತ ಕನ್ಯಾಮಣಿಯೆ 2
ಧನುರ್ಮಾಸವನು ಧರಿಸಿ ಭಜಿಸುವೆವು
ಧನಂಜಯನ ತೋರೆ ಸಿರಿಬಾಯ್ನುಡಿಯೆ
ಧನಕನಕಚಂದನೂ ಬಲ್ಲೆವು ತಾಯೆ
ತನು ಕರಗಿಸು ಜಾಜಿಪುರೀಶನಡಿಯಲ್ಲಿ 3

ವಿಶಿಷ್ಟಾದ್ವೈತ ಮತವೇ ಮತವು ಪ
ವಿಷ್ಣು ಪದವೇ ಶಾಶ್ವತ ಪದವು ಅ.ಪ
ವಸಿಷ್ಠ ನಾರದ ಸನಕಾದಿ ವಂದ್ಯರ
ವಿಶಿಷ್ಟ ಪರಿಗ್ರಹ ವೇದಾಂತ ಸಾರದ 1
ಅಸೇತುಹಿಮಾಚಲ ವಿಶೇಷದ
ವಿಶೇಷ ಪ್ರಮಾಣ ಚತುಷ್ಟಯದ 2
ಚಿತ್ತು ಅಚಿತ್ತೀಶ್ವರ ತತ್ತ್ವವನು
ಪ್ರತ್ಯೇಕವಾಗಿಯೇ ಬೋಧಿಸಿಹ 3
ಪರ ವ್ಯೂಹ ವಿಭವಾಂತರ ಅರ್ಚಾ
ಪರಿಪರಿರೂಪದ ಶ್ರೀಹರಿ ಪೂಜನ 4
ರಹಸ್ಯತ್ರಯ ಮಂತ್ರ ವಿಶಿಷ್ಟದ
ಸಹಮತ ಸುಲಭೋಪಾಯವಿಧಾನದ 5
ಅಜ ಸುರರೆಲ್ಲರು ಹರಿಮತ
ಹರಿಯೊಬ್ಬನ ಪಾದವೆ ಮೋಕ್ಷಪÀಥ 6
ಪ್ರಧಾನ ಧರ್ಮದ
ಉಪವೃತ್ತಿಯ ಬೇಡದ ಶರಣಾಗತಿಯ 7
ಸತತವು ಹೆಜ್ಜಾಜಿಕೇಶವನಾಮ
ನುತಿಸಿದವನ ಭವಬಂಧನ ಬಿಡಿಸುವ 8

ಶರಣಾಗತಿಯೊಂದೆ ಸಾಧನ
ಮಾಧವ ಪ
ಶರಣಾಗತಿಯಿಂದ ಹರಿಯ ಪ್ರಸಾದವು
ಹರಿಯ ಪ್ರಸಾದವು ಪುರುಷಾರ್ಥಕೆ ಸಾಧನ ಅ.ಪ
ಹರಿಯಲಿ ಚಿತ್ತವು ಹರಿಯಲಿ ಭಕುತಿಯು
ಹರಿಯುದ್ದೇಶದಿ ಯಜನಾದಿಗಳು
ಹರಿಯ ಚರಣದಲಿ ನಮ ನವು ಇದನೇ
ಶರಣಾಗಿಯೆಂದರುಹಿದ ನುಡಿ ಕೇಳಿÀದೆ 1
ಸರ್ವೋತ್ತಮ ನೀನೊಬ್ಬನೆ ಎನ್ನುವ
ದಿವ್ಯಜ್ಞಾನವ ಪೊಂದುತ ಮನದಲಿ
ಸರ್ವಾಧಿಕ ನಿಶ್ಚಲ ಪ್ರೇಮ ಸಹಿತ
ಸರ್ವಕರ್ಮ ನಿನ್ನೊಳಗರ್ಪಣೆ ಮಾಡುವೆ 2
ತ್ರಿವಿಧ ಪೂಜೆಗಳಲಿ ರತಿಯು
ಹರಿಯ ಪ್ರಸನ್ನತೆಯಲಿ ನಂಬುಕೆಯು
ಹರಿದಾಸನು ನಾನೆಂಬುವ ನಂಬಿಕೆ
ಶರಣಾಗತಿಯಿದು ಮೋಕ್ಷಫಲಕೆ ಸಾಧನ 3

ಸುರಪಕುಮಾರ ನಾರಣ ಗೀತಾರ್ಥ ಪ
ಧರಣಿಯ ಸೌಖ್ಯದ ಬಯಕೆಯು ವ್ಯರ್ಥ ಅ.ಪ
ಮರಣಕಾಲದಿ ತನ್ನ ಬಳಿಗೆ ಬಂದಾತನ
ಚರಣವೆ ಶರಣೆಂದ ಖಗನು ಸಮರ್ಥ
ಶರಣೆಂದೆನ್ನುತ ಧರಣಿಜೆಯರಸನ
ಚರಣವ ನುತಿಸಿದ ದನುಜ ಸಮರ್ಥ1
ಸರಳ ಪಂಜರದಲಿ ಶಯನಿಸಿದಾಗ ತನು
ಹರಿ ಶರಣೆಂದುದು ಪರಮ ಪದಾರ್ಥ
ಗುರು ಉಪದೇಶದಿ ಶರಣಾಗತಿಯ ಮಾಂ
ಗಿರಿಯರಸಗೊರೆವುದೆ ಚಿರ ಚರಿತಾರ್ಥ 2