ಕೇಳಬಾರದೋ ಕರ್ಣದಿಂ ಕೇಳಬಾರದೋ ಪ
ಕೇಳಬಾರದು ಕೀಳರಾಡುವ
ಕೀಳುವಚನ ಕಾಲತ್ರಯದಿಅ.ಪ
ಪರರ ಗುಣವ ಜರೆದು ತಮ್ಮ
ಮರುಳಗುಣವ ಪಿರಿದೆನಿಪ
ದುರುಳರೊಚನ ಕೇಳುತ್ತೊಡನೆ
ಹರಿದು ಪೋಗ್ವುದು ಪೂರ್ವಪುಣ್ಯ 1
ಮರವೆ ಮಾಯ ದುರ್ವರ್ತನ ಸತತ
ದುರಾಚಾರದಿ ಹೊರಳುವಂಥ
ಪರಮನೀಚರ ಮಾತಿಗ್ಹೋಗಲು
ನರಕ ತಪ್ಪದು ಕಡೆಯತನಕ 2
ಗುರುಹಿರಿಯರನು ನಿಂದಿಪ
ನರಕಿಗಳ ಆವಾಸದಿರಲು
ಶರಣರಸ ಕರುಣಾಭರಣ
ಸಿರಿಯರಾಮ ಮರೆಯಾಗ್ವ 3

ನರಹರಿ ಶರಣರಸುರತರು ಶ್ರೀಕರ
ಹರಿ ನಿಮ್ಮ ಪಾದಸ್ಮರಣೆ ಮರೆಯಲಾರೆನೆಂದೆಂದು ಪ
ಹರಿ ನೀನೆ ಗತಿಯೆಂದು ಮೊರೆಯಿಟ್ಟು ಸ್ಮರಿಪರ
ಅರಲವ ಬಿಡದವರ ಸ್ಮರಣೆಯೋಳ್ನೆಲೆಗೊಂಡು
ತೆರೆದು ಕರುಣಚಕ್ಷು ಪೊರೆವೆ ಎವೆಯಿಕ್ಕದೆ 1
ವೇದವೇದಾದಿ ನಮಿತ ಸಾಧುಸಜ್ಜನ ವಿನುತ
ಪಾದದಾಸರ ಭವಬಾಧೆಗೆಲಿಸಿ ಸು
ಹಾದಿ ತೋರಿಸಿ ಬಹು ಮೋದದಿಂ ಸಲಹುವಿ 2
ನೀ ಮಾಡಿದುಪಕಾರ ನಾ ಮರೆಯಲಾರೆ ದೇವ
ಈ ಮಹಭವದು:ಖ ಕ್ಷೇಮದಿಂ ಗೆಲಿಸಿದಿ 3

ಪಾದಪ್ರೇಮ ಪಾಲಿಸು ಪಾದಪ್ರೇಮ ಪಪಾಪವಿರಾಮ ಪಾವನನಾಮ ಅ.ಪಸ್ಮರಿಪರ ಪ್ರೇಮ ವರಬಲಭೀಮವರನೀಲಶ್ಯಾಮ ರಘುಕುಲಸೋಮಶರಣರಸುರತರುಜಗದೋದ್ಧಾಮ1ಗೋವುಗಳ ಪಾಲ ಗೋಕುಲಬಾಲಪಾವನಮಾಲ ಗಾನವಿಲೋಲಸಾವಿರನಾಮಕ ಸುಜ್ಞಾನಸಪಾಲ 2ಸಾಗರ ಕನ್ನಿಕಾ ಪ್ರಾಣರಮಣನಾಗಾರಿಗಮನ ನಾಗಶಯನಆಗಮನುತ ಮಮಪ್ರಾಣ ಶ್ರೀರಾಮ ನಿನ್ನ 3

ಸ್ಕಂದಗುರು ಸ್ಕಂದಗುರು ಸುರ-ವೃಂದ ಮುನಿಜನರು ವಂದಿಪರು ಪ.ಮಂದರಧರಗೋವಿಂದನ ಶರಣರಸಂದೋಹಕಾವ ವೃಂದಾರಕತರು ಅ.ಪ.ತಾಮಸರು ದ್ವೇಷ ಬೇಡುವರುಕಾಮಿತ ಕೇಳ್ವರು ರಾಜಸರುಸ್ವಾಮಿ ಶ್ರೀಹರಿಯ ಭಕ್ತಿಜ್ಞಾನವಪ್ರೇಮದಿ ಕೇಳ್ವರು ಸಾತ್ವಿಕರು 1ವಿಘ್ನಹರನು ನಿನ್ನಗ್ರಜನು ವಿಬು-ಧಾಗ್ರಣಿಯೆನಿಸುವೆಯೊ ನೀನುಉಗ್ರ ತ್ರಿಯಂಬಕತಾತನು ಖ್ಯಾತನುದುರ್ಗಾದೇವಿಯೆಜನನಿನಿರುಪಮಳು2ತಾರಕಾಂತಕ ನಿಶ್ಯೋಕ ಲಕ್ಷ್ಮೀ-ನಾರಾಯಣನಿಗೆಸಖಭೂರಿನಿಗಮಾರ್ಥಸಾರ ಕೋವಿದನೆಧೀರನೆ ವೀರ ಮಹಾರಣಶೂರನೆ 3

ಹರಹರಪುರಹರಗಿರಿಜಾಮನೋಹರಸುರವರ ಕರುಣಾಕರನೆ ನಮೋ ನಮೋಶರಣರಸುರತರುವರಪಂಪಾಪತಿವಿರೂಪಾಂಬಕ ಹೊರೆ ಶುಭದಿ ಪ.ಮದನಮಥನಪಂಚವದನಕೈಲಾಸದಸದನಸದಾಶಿವ ನಮೋ ನಮೋಹದಿನಾಲ್ಕು ಭುವನದಹದನಬಲ್ಲರಿಜಿತಕದನಕಲುಷಹರ ನಮೋ ನಮೋ1ತಾರಕಪತಿಧರ ಭೂರಿಕೃಪಾಂಬುಧಿತಾರಕಹರಪಿತ ಜಯ ಜಯತಾರಕಉಪದೇಶಕಾರಕ ಘನಭವತಾರಕಮೃತ್ಯುಂಜಯಜಯ2ಶೇಷಾಭರಣವಿಭೂಷಾಭವ ವಿಶೇಷಭಕುತಪ್ರಿಯ ವಿಭೋ ವಿಭೋಶೇಷಭೂಭೃತ್ ಪೋಷ ಪ್ರಸನ್ವೆಂಕಟೇಶ ಭಜನಶೀಲ ವಿಭೋ ವಿಭೋ 3