ಪಾಲಿಸೋ ಹರಿ ದಯಪಾಲಿಸೋ ಪಾಲಿಸೋ ಬಿನ್ನಹ
ಲಾಲಿಸೋ ಸುಜನರೊಳ್ ಹೋಲಿನೆನ್ನಗುಣವ
ಜಾಳಿಸಿ ಸುಗುಣವ ಪ
ಅಂಗಜ ಪಿತ ನಿನ್ನ ನರಿದು ನೆನೆಯಲು
ಭಂಗವಳಿದು ನಾರಿಗೊಲಿದೆ ನೀ
ಲಾಂಗ ನಿನ್ನ ಪಾದಂಗಳ ದಿವ್ಯನಾ
ಮಂಗಳ ಎನ್ನೊಳು ಹೊಂದಿ ಹಿಂಗದಂಥ ಭಯವ 1
ನೆರೆ ನಂಬಿದೆನು ಕಾಯೋ ಬೇಗ ಬಂದು
ಸ್ಮರಿಪೆ ನಿಮ್ಮಂಘ್ರಿಯ ನೀಗಕೇಳ್
ಉರಗ ವೈರಿಯನೇರಿ ಮೆರೆವ ಶ್ರೀ ಹರಿನಿಮ್ಮ
ಚರಣಾರವಿಂದವ ಮರಯದಂತೆ ಭಯವ ಪಾಲಿಸೋ 2
ಧರೆಯೊಳಗತಿಶಯವೆನಿಸಿ ನರ
ಸರಿಸಿಜೋದ್ಭವ ನಯ್ಯ ಹರನ ರಾಣಿಯ ಪಿತ
ನಿರುತ ನಿಮ್ಮ ಧ್ಯಾನ ಮರೆಯನ ಭಕ್ತಗೆ 3

ರಾಜವದನೆ ಸುರರಾಜನ ಪುರದೊಳುರಾಜಿಸುತಿಹ ಕುಜವ ಪ
ರಾಜೀವ ಮುಖಿಯೆನಿಸುವ ಸಖಿಗೊಲಿದಿತ್ತರಾಜನ ತೋರೆನಗೆ ಅ
ನೆತ್ತಿಯಿಂದಿಳಿದಳ ಹೆತ್ತ ಮಗನ ಮೊಮ್ಮನೆತ್ತಿದಾತನ ಪಿತನ ತುತ್ತು ಮಾಡುವನ ವೈರಿಯನೇರಿ ಜಗವನು ಸುತ್ತು ಬರುತಲಿಪ್ಪನಕತ್ತಲೆಯೊಳು ಕಾದಿ ಅಳಿದಯ್ಯನ ಶಿರವಕತ್ತರಿಸಿದ ಧೀರನಸತ್ತ ಮಗನ ತಂದಿತ್ತವನನು ಎ-ನ್ನೊತ್ತಿಗೆ ಕರೆದು ತಾರೆ 1
ವರುಷವೈದರ ಪೆಸರವನ ತಾಯನುಜನಧರಿಸಿದಾತನ ಸಖನಧುರದೊಳು ತನಗೆ ಬೆಂಬಲ ಮಾಡಿಕೊಂಡು ಭೂವರಗೆ ತಾನೊಲಿದವನಸುರಗಿರಿಯನು ಸುತ್ತಿ ಬಾಹನ ಸುತನ ಕೈಯಲಿಹರಸಿ ದಾನವ ಕೊಂಡನಧರಣಿಜಾತನ ಶಿರವರಿದು ನಾರಿಯರನುಪುರಕೆ ತಂದವನ ತೋರೆ 2
ಹನ್ನೆರಡನೆಯ ತಾರೆಯ ಪೆಸರಾಕೆಯಕನ್ನೆಯಯ್ಯನ ಮನೆಯತನ್ನ ತಾ ಮರೆ ಮಾಡಿಕೊಂಡಿಪ್ಪರಸಿಯಬಣ್ಣವ ಕಾಯ್ದಿಹನಪನ್ನಗಶಯನ ಬೇಲಾಪುರದರಸನುತನ್ನ ನೆನೆವ ಭಕ್ತನಮನ್ನಿಸಿ ಕಾಯುವ ಚೆನ್ನಾದಿಕೇಶವ ಪ್ರ-ಸನ್ನನ ತೋರೆನಗೆ 3