ನೋಡಿರಯ್ಯ ಈ ರೂಢಿಯ ಜನರೆಲ್ಲಾ
ಮೂಡಲಗಿರಿವಾಸನಾ ವೆಂಕಟೇಶನಾ ಪ
ಬೇಡಿದ ವರಗಳ ಭಕ್ತ ಸಮೂಹಕೆ
ನೀಡುತಲಿ ಕೊನೆಗೆ ನಿಜಪದವೀವನಾ ಅ.ಪ
ಹರಿಬ್ರಹ್ಮರೊಳಾವನುತ್ತಮನೆಂದು
ಪರೀಕ್ಷಿಸೆ ಭೃಗುಮುನಿಯು
ತೆರಳಿಬಂದು ಅಜಹರನೊಪ್ಪದೆತಾ-
ಪರಮಪದಕೆ ಬರಲು
ಪರಿ ಸಿರಿಯ ತೊಡೆಯ ಮೇಲೆ
ಹರಿಮಲಗಿರೆ ಕಂಡು
ಚರಣದಿಂದ ಹೃದಯಕೆ ತಾಡನೆ ಮಾಡಲು
ಪರಮ ಭಕುತಿಯಿಂದ ಋಷಿಯ ಪೂಜಿಸಿದ 1
ಸಿರಿಕರವೀರಪುರವನೈದಲು
ಧರೆಯೊಳು ವೆಂಕಟಗಿರಿಯ ಸಾರುತ-
ಲ್ಲಿರೆ ವಲ್ಮೀಕದಲಿ
ಸರಸಿಜಭವ ಶಿವರು ತುರುಕರುವಾಗಿ ಪಾ
ಲ್ಗರೆಯೆ ವಲ್ಮೀಕದಲಿ
ದೊರೆ ಚೋಳನ ಭೃತ್ಯಗೋವನು ಭಾದಿಸೆ
ಶಿರದೊಳಾಂತು ನೃಪಗೆ ಶಾಪವನಿತ್ತ 2
ಮನುಜನೋಲ್ ನಟಿಸುತಲಂಬರರಾಜನ
ತನುಜೆಯ ಕೈಪಿಡಿದು
ನೆನೆವರಿಗೆ ತಿರುಪತಿಯೆ ವೈಕುಂಠ-
ವೆನುತ ಸಾರಿ ಒಲಿದು
ಘನಮಹಿಮೆಗಳನು ತೋರಿ ಸಕಲರಿಂ
ಗುಣನಿಧಿ ಶ್ರೀಗುರುರಾಮವಿಠಲ ಈ
ಘಣಿಗಿರಿಯೊಳಗಿರುತಿಪ್ಪ ತಿಮ್ಮಪ್ಪ 3

ಹರಿದಾಸರು
ದಾಸೋತ್ತಮ ನೀನೆ ಶ್ರೀ ವೈಕುಂಠ-ದಾಸೋತ್ತಮ ನೀನೆ ಪ.
ಮಕ್ಕಳುಗಳಿಗೆ ಮೊಮ್ಮಕ್ಕಳುಗಳಿಗೆ ದೇ-ವಕ್ಕಳಿಗೆ ಮನುಮುನಿಗಳಿಗೆಸಿಕ್ಕದ ಪರಬೊಮ್ಮನ ಕೂಸುಮಾಡಿ ತಂ-ದಿಕ್ಕಿ ತೊಡೆಯಮ್ಯಾಲೆ ಆಡಿಸಿ ಮುದ್ದ್ದಿಸುತಿ[ಹ]1
ಅಪರೋಕ್ಷ ಜ್ಞಾನಿಯಾ[ದೆ] 2
ಹರಿಸರ್ವೋತ್ತಮ ಹಯವದನ ಮೂರುತಿ ವೇಲಾ-ಪುರದರಸಗೆ ಪ್ರತಿಬಿಂಬನಾದವರ ವೈಕುಂಠ ದಾಸೋತ್ತಮ ಎನಗೆ ಹರಿಯತೋರಿಸಿ ಪರಮ ಧನ್ಯನಮಾಡಿದ 3