ಪರಮೇಶ್ವರಾ ಸೋಮಶೇಖರಾ ಪ
ಗಿರಿಜಾವರಾ ಕರುಣಾಕರಾ ಅ.ಪ
ಆದಿಮೂಲಾ ದೇವಾದಿದೇವಾ ಶಿವ
ನಾದರೂಪ ಜೀವಾದಿಜೀವ ಶಿವ
ವೇದವಿದಿತ ವೇದಾಂತರೂಪ ಶಿವ
ವಾದವಾಕ್ಯ ಮಹಾಹ್ಲಾದ ವೈಭವಾ 1
ಅಂಗಜಾರಿ ಚರ್ಮಾಂಬರಧಾರಿ
ರಂಗನಾಥ ಮಾಂಗಿರಿ ಸಂಚಾರಿ
ಪಾತಕ ಪರಿಹಾರಿ
ಲಿಂಗರೂಪ ಶುಭಕಾರಕ ಶೌರಿ2

ಪಿಂಡಾಂಡದೊಳಗಿನ ಗಂಡನ ಕಾಣದೆ |ಮುಂಡೆಯರಾದರು ಪಂಡಿತರೆಲ್ಲ ........... ಪ.ಆಧಾರ ಮೊದಲಾದ ಆರು ಚಕ್ರಮೀರಿ |ನಾದಬಿಂದು ಕಳೆಯಳಿದ ಬಳಿಕ ||ಶೋಧಿಸಿ ಸುಧೆಯ ಪ್ರಸಾದವನುಣ್ಣದೆ |ಓದುತ ಮನದೊಳು ಒಂದನು ತಿಳಿಯದೆ 1ನಾದದೊಳಗೆ ಸುನಾದ ಓಂಕಾರದಿ |ಪದವ ಬಿತ್ತಿ ಪರಿಣಾಮಿಯಾಗದೆ ||ವೇದಾಂತರೂಪ ತದ್ರೂಪ ನಾಲಗೆಯಲಿ |ವಾದಿಸಿ ಮನದೊಳು ಒಂದನು ಅರಿಯದೆ............. 2ನವನಾಳ ಮಧ್ಯದಿ ಪವನ ಸುತ್ತಿದ್ದು ಪಣಿ |ಶಿವನ ತ್ರಿಪುಟ ಸ್ಥಿತಿ ಸ್ಥಿರವಾಗದೆ ||ಭವರೋಗ ವೈದ್ಯನ ಧ್ಯಾನವ ಮಾಡದೆ |ಶವುರಿ ಶ್ರೀಪುರಂದರ ವಿಠಲನ ಸ್ಮರಿಸದೆ3