ಇಂದುಸನ್ನಿಭವದನೆ ಕುಂದಕುಟ್ಮಲರದನೆ
ಸಿಂಧೂರಸಮಗಮನೆ ಚತುರವಚನೆ
ಸಿಟ್ಟೇಕೆ ಪೇಳೆ ತರುಣಿ ದಿಟ್ಟಿಸೆನ್ನನು ರಮಣಿ
ದಿಟ್ಟೆ ನೀನೆಲೆ ರಾಣಿ ಕೃಷ್ಣವೇಣಿ
ಕಾವಗೀಯದೆಯೆನ್ನ ಭಾವೆಪಾಲಿಸು ಮುನ್ನ
ಭುವಿಜಾತೆ ಮತಿವಂತೆ, ಪ್ರಾಣಕಾಂತೆ
ಚಪಲೆನೀನಹುದಲ್ಲೆ ಕೃಪಣೆಯೆಂಬುದ ಬಲ್ಲೆ
ವಿಪರೀತಂಮೆಲುನಲ್ಲೆ ಸೊಲ್ಲಿಸಿಲ್ಲೆ
ಕ್ಷೀರಸಾಗರತನಯೆ ಸದಯೆ ಜಾಯೆ
ಸಾರೆ ವೀಳ್ಯವನು ಕೈಗೊಂಡು ನೀನು
ಬೀರು ಸಂತಸವನ್ನು ಬೇಡುತಿಹೆನು
ನೀರೆ ಶೇಷಾದ್ರೀಶನಿವನೆತಾನು

ಕೊಡುವೆ ವೀಳ್ಯವನು ಕಡಲ ಶಯನನೇ ನಾ ಪ.
ಬುತ್ತಿ ಚಿಗುರು ಎಲೆಯು ಕತ್ತರಿಸಿದ ಅಡಕೆ
ಮುತ್ತಿನ ಸುಣ್ಣವನ್ನು ನಾ 1
ಯಾಲಕ್ಕಿ ಲವಂಗ ಬಾಲ ಮೆಣಸು ಸಹ
ಬಾಲೆ ನಾನು ಬೇಡುವೆನು ನಾ 2
ಶ್ರೀ ಶ್ರೀನಿವಾಸನೆ ಶ್ರೀ ರಮಾಲೋಲನೆ
ಶಿರವನಿಂದು ಬಾಗುವೆನು ನಾ 3

ಜಯ ಜಯ ಶ್ರೀ ಹರಿ ಶೌರಿ
ಜಯ ಜಯ ಮಂದರಧಾರಿ
ಜಯ ಜಯ ಶ್ರೀ ಮುರವೈರಿ
ಕಂಸಾರಿ ಪ
ಮುತ್ತಿನ ಮಂಟಪದಿ
ರತ್ನಪೀಠವನಿರಿಸಿ
ಅರ್ಥಿಲಿ ಬಾ ಹಸೆಗೆನ್ನುತ ಕರೆವರು
ಮುತ್ತೆ ೈದೆಯರುಗಳು 1
ಇಂದಿರೆ ರಮಣ ಬಾ
ಕಂದರ್ಪ ಜನಕ ಬಾ
ಸುಂದರಾಂಗನೆ ಬಾ ಹಸೆಗೆನ್ನುತ
ಚಂದದಿ ಕರೆದರು 2
ಕಂಬು ಕಂದರೆಯೆ ಬಾ
ಅಂಬುಜ ಮುಖಿಯೆ ಬಾ
ಸಂಭ್ರಮದಲಿ ಬಾ ಹಸೆಗೆನ್ನುತ ಕರೆದರು
ಅಂಬುಜ ಮುಖಿಯರು 3
ನಾರಿ ರುಕ್ಮಿಣಿ ದೇವಿ
ನಾರದ ವಂದ್ಯನಿಗೆ
ಚಾರು ಪರಿಮಳ ಅರಿಶಿನ ಕುಂಕುಮ
ಹಾರವನರ್ಪಿಸುತ 4
ಪರಿ ಕುಸುಮಗಳ
ಪದಕÀ ಪುಷ್ಪದ ಮಾಲೆ
ಪರಮಾತ್ಮನ ಕೊರಳಿಗೆ ಹಾಕುತ
ಅಲಂಕರಿಸಿದಳಾಗ5
ಜಯ ಜಯ ಶ್ರೀ ಕೇಶವನೆ
ಜಯ ಜಯ ನಾರಾಯಣನೆ
ಜಯ ಜಯ ಶ್ರೀ ಮಾಧವನೆ
ಜಯ ಜಯ ಗೋವಿಂದ 6
ಜಯ ಜಯ ಶ್ರೀ ವಿಷ್ಣುಹರೆ
ಜಯ ಜಯ ಶ್ರೀ ಮಧುಸೂದನನೆ
ಜಯ ಜಯ ಶ್ರೀ ತ್ರಿವಿಕ್ರಮನೆ
ಜಯ ಜಯ ವಾಮನನೇ 7
ಜಯ ಜಯ ಶ್ರೀ ಶ್ರೀಧರನೇ
ಜಯ ಜಯ ಶ್ರೀ ಹೃಷಿಕೇಶ
ಜಯ ಜಯ ಶ್ರೀ ಪದ್ಮನಾಭ
ಜಯ ದಾಮೋದರನೆ 8
ಜಯ ಜಯ ಸಂಕರ್ಷಣನೆ
ಜಯ ಜಯ ಶ್ರೀ ವಾಸುದೇವ
ಜಯ ಜಯ ಶ್ರೀ ಪ್ರದ್ಯುಮ್ನ
ಅನಿರುದ್ಧ 9
ಜಯ ಜಯ ಶ್ರೀ ಪುರುಷೋತ್ತಮನೆ
ಜಯ ಜಯ ಶ್ರೀ ಅಧೋಕ್ಷಜನೆ
ಜಯ ಜಯ ಶ್ರೀ ನಾರಸಿಂಹ
ಜಯ ಜಯ ಅಚ್ಚುತನೆ 10
ಜಯ ಜಯ ಶ್ರೀ ಜನಾರ್ದನನೆ
ಜಯ ಜಯ ಶ್ರೀ ಉಪೇಂದ್ರಹರೇ
ಜಯ ಜಯ ಶ್ರೀ ಹರಿ ಶ್ರೀಶಾ
ಜಯ ಜಯ ಶ್ರೀ ಕೃಷ್ಣಾ11
ಇಂತು ದೇವನ ಸ್ತುತಿಸಿ
ಸಂತಸದಿ ವೀಳ್ಯವನು
ಕಂತು ಪಿತನಿಗೆ ಅರ್ಪಿಸಿ ಮುದದಿ
ವಂದಿಸಿ ಭಕ್ತಿಯಲಿ12
ಕಮಲಾಕ್ಷಿಯರು ಕೂಡಿ
ಕನಕದಾರತಿ ಪಿಡಿದು
ಕಮಲನಾಭ ವಿಠ್ಠಲ ಲಕ್ಷ್ಮೀಯರಿಗೆಬೆಳಗಿದರಾಗ 13

ಲಾಲಿ ರಂಗನ ರಾಣಿ ಪರಮಕಲ್ಯಾಣಿ
ಲಾಲಿ ಕೀರವಾಣಿ ಪಂಕಜಪಾಣಿ ಲಾಲಿ ಪ.
ಕ್ಷೀರಸಾಗರದಲಿ ಜನಿಸಿ ತಾ ಬಂದು
ವಾರಿಜಾಕ್ಷನ ವಕ್ಷಸ್ಥಳದಿ ತಾ ನಿಂದು
ಘೋರ ಪಾತಕಿಗಳನು ಪೊರೆವೆನೆಂತೆಂದು
ಶ್ರೀರಂಗಕ್ಷೇತ್ರದಲಿ ಬಂದು ತಾ ನಿಂದು 1
ಶುದ್ಧ ಪಾಡ್ಯ ತುಲಾ ಕಾರ್ತೀಕದಲಿ
ಮುದ್ದು ಶ್ರೀರಂಗನ ರಾಣಿ ಹರುಷದಲಿ
ದಂತದ ಉಯ್ಯಾಲೆಮಂಟಪದಲ್ಲಿ
ಕಂತುಪಿತನರಸಿಯಾಡಿದಳೆ ಉಯ್ಯಾಲೆ 2
ಕಸ್ತೂರಿಯನಿಟ್ಟು ಮುತ್ತಿನ ಮೂಗುಬಟ್ಟು
ಹಾರಪದಕಗಳು ಪೀತಾಂಬ್ರವನೆ ಉಟ್ಟು
ಕುಂದಣದ ಒಡ್ಯಾಣವನ್ನು ಅಳವಟ್ಟು
ಇಂದಿರಾದೇವಿ ಆಡಿದಳೆ ಉಯ್ಯಾಲೆ 3
ರತ್ನದಾ ಕಿರೀಟವನ್ನು ತಾ ಧರಿಸಿ
ಕಮಲ ಸರಗಳಳವಡಿಸಿ
ಮುತ್ತು ಸುತ್ತಿದ ರತ್ನದಸುಲಿಯನು ಧರಿಸಿ ಅ
ಚ್ಚುತನರಾಣಿ ಆಡಿದಳೆ ಉಯ್ಯಾಲೆ 4
ದೋಸೆ ವಡೆ ನೈವೇದ್ಯ ಮೀಸಲನು ಸವಿದು
ದಾಸರೆತ್ತಿದ ಪಿಷ್ಟದಾರತಿಯಲಿ ನಲಿದು
ಲೇಸಾದ ಕರ್ಪೂರ ವೀಳ್ಯವನು ಸವಿದು
ವಾಸುದೇವನರಾಣಿ ಆಡಿದಳೆ ಉಯ್ಯಾಲೆ 5
ವರರಂಗವಂಶದವರು ವರದಿಂದ ಪಾಡೆ
ಕರುಣಾಕಟಾಕ್ಷದಿಂ ದೇವಿ ತಾ ನೋಡೆ
ಪ್ರಜೆಗಳೆಲ್ಲರು ಬಂದು ವರಗಳನು ಬೇಡೆ
ವಜ್ರದಭಯಹಸ್ತಗಳಿಂದ ವರಗಳನು ನೀಡೆ 6
ಕರ್ತ ಶ್ರೀ ಶ್ರೀನಿವಾಸ ರಂಗನಾರಾಣಿ
ಸಪ್ತದಿನದುಯ್ಯಾಲೆಯನು ತಾ ರಚಿಸಿ
ಭಕ್ತರಿಗೆ ತೀರ್ಥ ಪ್ರಸಾದಗಳನಿತ್ತು
ಅರ್ಥಿಯಿಂ ತೆರಳಿದಳು ತನ್ನರಮನೆಗೆ 7

ಶ್ರೀ ಗಣಪತಿ ಗಿರಿಜೆ ಪುರಾಂತಕ
ಬಾಗಿನಮಿಸುವೆ ಲಕ್ಷುಮಿಗೆ ನಾರಾಯಣಗನು-
ರಾಗದಲಿ ವಂದಿಸಿ ಪೇಳುವೆನು 1
ನವರತ್ನಖಚಿತ ಮಂಟಪದಲಿ
ನವನವ ಚಿತ್ರಗಳನು ಬರೆಯಿಸಿ
ಭವನರಸಿ ಮುಖ್ಯಾ ಮುತ್ತೈದೆಯರು ಹರುಷದಿ ಲಕ್ಷ್ಮೀ
ಧವನಡಿಗಳ ಬೇಡಿ ಪ್ರಾರ್ಥಿಸುವರು 2
ಮುತ್ತು ಮಾಣಿದ ಹಸೆಗಳ ಹಾಕಿಸಿ
ಪಚ್ಚೆಯ ಮಣಿಗಳ ತಂದಿರಿಸಿ
ಮಿತ್ರೇ ಮಹಲಕ್ಷ್ಮಿಯ ರಮಣೆಗೆ ಅಕ್ಷತೆಯನು ತಳಿದು
ವತ್ತೀದಾರೆಣ್ಣೆ ವಧೂವರರಿಗೆ 3
ಅಂಕಿತವಾಗಳವಡಿಸಿ ಪಣೆಗೆ
ಪಂಕಜಾನನೆಯರು ವೀಳ್ಯವನು ಕರದಲಿಕೊಟ್ಟು
ವೆಂಕಟಾಗೆಣ್ಣೆ ವತ್ತೀದಾರು 4
ನಲ್ಲೆಯರೊತ್ತಲು ನಸುನಗುತಲಿ
ಚಲ್ವಾಗುರುರಾಮವಿಠಲಗೆ ಹರಸಿದರು ಸುರ
ರೆಲ್ಲ ಪೂಮಳೆಯ ಕರೆದಾರು 5