ಏನೋ ಪ್ರಾಣಿ ಪ
ಏನೋ ಪ್ರಾಣಿ ಮುಂದಗಣೀ | ಹೀನಗುಣಗಳ ಶ್ರೇಣಿ |
ತಾ ನಳಿಯಂದದಿ ಮಾಣಿ ನೀ ನುಡಿನಮ್ರತವಾಣಿ |
ಸ್ವಾನಂದ ಜನ್ಮಕ ಬಂದೆನಿಸಿ ಕೊಂಬುದು |
ವಿಹಿದುತ್ತಮ ಜ್ಞಾನಿ 1
ಕೇಳು ಕೇಳಿಧಾಂಗ ಬಲು ಹೇಳಿದಾಂಗ ಮೇಳು |
ತಿಳಿಗುರು ಭಕ್ತಿಯ ಮೇಲು ಬಲು ವಿವೇಕವ ತಾಳು |
ಛಲದ ಮದಮತ್ಸರ ಶೀಳು ತಳಿಮನ ದುರ್ವತ್ತಿಗಳು |
ಇಳಯೊಳು ಶ್ರೀ ಗುರುಪಾದಕ ನಂಬಿ |
ವಿಡಿಯೋ ಪಂಥವಾ ಸೇರು 2
ಜರಿ ಹಂ ಮಮತೆಯ ದೂರಾ ಸರಿ ನಗಿ ಆರಿ ಮಿತ್ರರಾ |
ಮರೆಯೋ ನಿಂದೆಯ ಪರರಾ ತೋರದೇ ವಾಗ್ವಿಸ್ತಾರಾ |
ಪರಿ ನುಡಿಯಲಿ |
ಮಹಿಪತಿಸುತ ಪ್ರಭು ಉದಾರಾ 3

ನಿನ್ನ ಹಿತವಾ ಪಡಿಯೋ ಹರಿಯ ಭಜಿಸಿ ಪ
ಸನಕ ಸನಂದನ ಮುನಿಜನರಾಡುವ |
ಘನ ಸುಖ ಮಾರ್ಗದಿನಡಿಯೋ ಹರಿಯ ಭಜಿಸಿ1
ಕುಂಟಿಣಿ ಗಣಿಕಾ ಜ ಮೇಳ ರುದ್ಧರಿಸಿದಾ |
ಕಂಠದಿ ನಾಮವ ಜಡಿಯೋ ಹರಿಯ ಭಜಿಸಿ2
ಗುರುವರ ಮಹಿಪತಿ ನಂದನು ಸಾರಿದಾ |
ಶರಣರ ಸಂಗವ ವಿಡಿಯೋ ಹರಿಯ ಭಜಿಸಿ 3

ಬೇಗ ಮಾಡೋ ಭಕುತಿ ಆಗುವುದು ಮುಕುತಿಆಗ ಈಗ ಎನ್ನದಿರು ಇದೆ ನಿನಗೆ ಮುಕುತಿ ಪ
ಧ್ಯಾನ ಹಲವ ಬಿಡು ಧ್ಯಾನ ಆತ್ಮನ ಮಾಡುಧ್ಯಾನ ಧಾರಣ ಸಮಾಧಿಯಂಗಳ ನೋಡು ನಿಜವ ಕೂಡು 1
ಎಚ್ಚರ ಬಾಹಿರ ಮರೆತು ಎಚ್ಚರ ಅಂತರವರಿತುಎಚ್ಚರ ಬಾಹಿರ ಅಂತರ ಮರೆತು ಎಚ್ಚರ ಬೇರರಿತು 2
ನಿತ್ಯ ಬಿಡದೆ ವಾದಕೆ ಮಯ್ಯ ಕೊಡದೆಸಾಧಿಸು ನಿತ್ಯಾನಿತ್ಯಾ ವಸ್ತುವ ಸಾಧಿಸು ಗುರುವ ಹಿಡಿದೇ 3
ಬೇರೆ ಎಂಬುದ ಮಾಣು ಎಲ್ಲವ ನಿನ್ನಲೆ ಕಾಣು ನಾಬೇರೆಯೆಂಬ ಮತಿಯ ಮಾಣು ಬಳಿಕ ಜಾಣ 4
ಬೋಧ ಬೋಧ ಗುರಿವಿಡಿಯೋ 5

ಸಂತರಾ ಪದವಿಡಿಯೋ ಪ
ಸಂತರಾ ಪದವಿಡಿಯೋ |
ಭ್ರಾಂತಿಗಳೆಲ್ಲಾ ಕಡಿಯೋ |
ಅಂತಭಾವನೆಯಿಂದ ತಂತುವಿಡಿದು ನಿಜ |
ಶಾಂತಿಸುಖವ ಪಡಿಯೋ ಮನುಜಾ | ಶಾಂ | 1
ಡಾಂಭಿಕಾತನಗಳೆದು |
ಬೆಂಬಲಗುಣವಳಿದು |
ಹಂಬಲಿಸದೇ ಮನ ಸ್ತಂಭಪರಿಯ ಮಾಡಿ |
ನಂಬುಗೆ ದೃಢ ತಳೆದು ಮನುಜಾ | ನಂ | 2
ನಾನಾರೆಂಬುದು ಮರೆದೀ |
ಜ್ಞಾನದೆಚ್ಚರ ತೊರೆದೀ |
ಕಾನನ ಹೊಕ್ಕಂತೆ ನಾನಾ ಸಾಧನದಿಂದ |
ಏನ ಸುಖವ ಪಡೆದೀ ಮನುಜಾ | ಏ | 3
ಸುಲಭವೇ ಮಾನುಷ ಜನ್ಮ |
ಮ್ಯಾಲ ಅಗ್ರಜ ಧರ್ಮಾ |
ಚಲಿಸಲಿ ಪರಿಮತ್ತೆ ಇಳೆಯೊಳು ದೊರಕುದೇ |
ತಿಳಿನಿಜಗತಿ ವರ್ಮಾ ಮನುಜಾ | ತಿ| 4
ಕೋಟಿ ಮಾತಿಗೆ ವಂದೇ |
ನೀಟ ಸುಪಥವಿದೇ |
ಧಾಟಿಲಿ ಮಹಿಪತಿ ಸುತ ಪ್ರಿಯನೊಲುಮೆಯಿಂದ |
ಕೋಟಿಳಗಳಿನಿಳದೇ ಮನುಜಾ | ಕೋ | 5

ಸತ್ಸಂಗ ವಿಡಿಯೋ ಮನುಜಾ ಪ
ಹರಿಕಥಾ ಶ್ರವಣದಿ ಮನ ಜಡಿಯೋ |
ದುರಿತಾಂಕುರ ಕಡಿಯೋ 1
ಘನಗುರುರಾಯನ ಕರುಣವ ಪಡಿಯೋ |
ಅನುಭವಾಮೃತ ಕುಡಿಯೋ 2
ಮಹಿಪತಿಸುತ ಪ್ರಭು ನಾಮವ ನುಡಿಯೋ |
ಸ್ವಹಿತದಲೀ ನಡಿಯೋ 3