ಆರುತಿ ಮಾಡಿದೆವೆ ನಾರಿಯಮಣಿಯರು ಪ
ಚಾರು ಪುಸ್ತಕದಿಭೂರಿ ಶೋಭಿಪ ಪರಾಶರ ತನುಜಗೆ ಅ.ಪ.
ಚಿತ್ರ ಮಂಟಪದೊಳು ಮುತ್ತಿನಂದದಿ ಕೂತುಭಕ್ತ ಪೂಜಿತನಾಗಿ ಭಾಗ್ಯವ ತತ್ವ ಪೇಳಿದವಗೆ 1
ಅಖಿಳ ದುರ್ವಾದಿ ವಿಜಯಗೆ2
ಭಾರತ ಮುಖ ಬಹುಸಾರ ಶಾಸ್ತ್ರವ ಮಾಡಿಧಾರುಣಿಯೊಳು ಮುಕ್ತಿದಾರಿ ತೋರಿದವಗೆ 3
ನಾರದ ಶುಕಪೈ ಸೇರಿ ವೈಶಂಪಾಯನದ್ವಾರಪಾಲಕರಿಂದ ನಿರುತ ಪೂಜಿತಗೆ 4
ವಾಸವೀ ತನುಜಾ ವ್ಯಾಸನ ಸ್ತುತಿಸಿದಾಭಾಷಿ ಭಾಷಿಗೆ ಇಂದಿರೇಶ ಪಾಲಿಸುವನು 5

ಎನ್ನ ಪಾಲಿಸುವದಾಗದೇ|ಸಿರಿ ರಮಣಾ|
ಪ್ರಸನ್ನ ವಿಮಲ ಅತುಳ ಶೇಷಗಿರಿಯ ವಾಸಾ ವೆಂಕಟೇಶಾ ಪ
ದುರುಳ ದೈತ್ಯನ ಕರುಳ ಬೆರಳ ಸರಳ ಉಗುರಿನಿಂದ ವಿರಳ|
ವಿರಳ ಮಾಡಿ ಪೊಸರಂತೆ ಕೊರಳಿಗಾಕಿ ಮರಳೆ|
ತರಳಗೊಲಿದು ಹರಣಗಾಯ್ದೆ|ಆದೇಶದಲ್ಲಿ|
ಅರಸುತನುವ ಕೊಟ್ಟು ನಿಲಿಸಿದೇ|ಕ್ಷಿತಿಯೊಳಗ|
ಪರಮ ನಿಜ ಭಕ್ತನೆನೆಸಿದೇ 1
ನೆಗಳಿ ಬಂಧನ ಬಿಡೆ ಹರಿಗಳರಿಗಳ ಸಂಗಡಿಭಗಳ ಸಮೂ|
ಪತಿ ನೀರ್ಗುಡಿಯೆ ಪೋಗಲಾಗಳೆ|
ನೆಗಳಿ ಪಿಡಿಯೆ ಶ್ರೀ ಪಾದಗಳ ಯುಗಳ ನೆನಿಯ ಕೇಳದೇ|
ಸಕಲ ಪಕ್ಷಿಗಳ ಶ್ರೇಷ್ಠ ನಿಲ್ಲದೊದಸಿದೇ|ಕರುಣದಿಂದ
ಸುಗತಿ ಕೊಟ್ಟು ಜನಮ ಹರಿಸಿದೇ2
ಇಳೆಯ ಮದದಿ ದ್ರೌಪತಿಯನು|
ತಿಳಿಯದೆಳಿಯೆ ಕಳಿಯೆ ಸೀರೆಯಾ|
ಕಳಿಯೆ ಮಾನ ವಿಜಯಗೆಳೆಯ ಇಳೆಯ ಭಾರರ್ಬಳಿಯೆ|
ಸುಳಿಯೆ ದಾಟಿಸೆನುತ ನುತಿಸೆ ತ್ವರಿತದೀ|ನೀನು ಸಭೆ|
ಯೊಳಗ ಪೊರಯಿಸಿದೇ ವಸ್ತ್ರದೀ|ಮಹಿಪತಿ|
ನಂದನೊಡೆಯ ವ್ಯಾಳ್ಯಕ್ಕೊದಗಿದೇ 3

ನೋಡಯ್ಯಾ ಹರಿಯೆ ಪ
ಪಂಡರಪುರ ನಿಲಯನೆ ಕುಂಡಲಿಶಯನನೆ ಅ.ಪ.
ಪುಂಡರೀಕಗೊಲಿದವನೆ | ಅಂದು
ಶುಂಡಾಲವ ಪೊರೆದವನೆ
ಅಂಡಜ ವರ ವಾಹನನೆ | ಎನ್ನ
ಮಂಡೆಯ ಮೇಲ್ಕರವಿಡುತಲಿ 1
ವಿಜಯಗೆ ಸಾರಥಿಯಾದಿ | ಅವನ
ಭುಜಗ ಶರದಿಂದ ಪೊರೆದಿ
ನಿಜ ಭಕುತಗೆ ನೀ ಒಲಿದ | ದೇವ
ಕುಜನಮರ್ದನ ಹರಿ ಮುದದಿ 2
ಪಟುತರ ದೇಹ ಪ್ರಕಾಶ | ದಿಂದ
ವಟುವಂತೆ ಮೆರೆವ ಶ್ರೀಶ
ಕುಟಿಲ ರಹಿತ ರಂಗೇಶ | ವಿಠಲ
ಹಟಮಾಡದೆ ಕಣ್ತೆರದು 3

ವನಜನಾಭನ ಅಡಿಯು ಮನುಜಾನೀಪತಿಯು ಪ
ಅನುದಿನದೊಳೈತಂದು
ಘನಸಿಂಧುಶಯನನು ಮಿಂದು ದ್ವಾದಶಿಯೊಳಿಂದು
ಸನುಮತದಿಯರ್ಪಿಸಿದ ಎಡೆಯನು
ಘನತರದ ಸಂಭ್ರಮದಿ ಭುಂಜಿಸಿ
ಜನಿಸಿ ಭಕುತಿಯನೆನ್ನ ಮನದಿ ಪ್ರ-
ಸನ್ನನಾದನು ಎನಿತು ಪೇಳಲಿ 1
ರಕ್ಕಸರಿಗತಿ ವೈರಿ
ಮಿಕ್ಕಾನತರ ಸಹಕಾರಿ ಶ್ರೀಹರಿ ಮುರಾರಿ
ತಕ್ಕ ವಿಜಯಗೆ ಸಾರಥ್ಯಾಗಿ
ಇಕ್ಕರಿಸಿ ಕುರುಪತೀಯನನ್ವಯ
ಅಕ್ಕರದಿ ದ್ರುಪದಸುತೆಯ ಸಲಹಿ
ರುಕ್ಮಿಣೀಶನು ರಕ್ಷಿಪನು ಸಲೆ 2
ಕರಿವರದ ಶಿರಿಲೋಲಾ
ಪರಮಾತ್ಮ ಶ್ರೀಘನಲೀಲಾ
ಜರರಹಿತ ವಿಮಲಾ
ನಿರುತದೀಪರಿ ಸ್ಮರಿಪ ನರನಿಗೆ
ಕರುಣಸಾಗರನಾಗಿ ಸುರವರ
ತ್ವರಿತದೀವನು ಹರಸಿ ವರಗಳ
ಹರಗೊಲಿದ ನರಸಿಂಹವಿಠಲಾ 3