ಬೂಟಾಟಿಗನು ನಾನು ಸತ್ಯಮಾಯ ಝಾಟ
ನಾಟಕವಾಡಿ ದಾಟಿ ಬೈಲಿಗೆ ನಿಂತ ಪ
ಮಿಥ್ಯ ಪ್ರಪಂಚ ಮರೆದು ಅರ್ತು
ನಿತ್ಯಸುಖದಿ ಮನ ಬೆರೆದು
ಅರ್ತುಅರಿಯದೆ ಮತ್ರ್ಯದೊರ್ತನದೊಳಗಿರ್ದು
ಗುರ್ತಿಟ್ಟು ಪರಲೋಕ ಸುರ್ತುಮಾಡಿಕೊಂಡ 1
ಸಾಧುವರ್ತನದ್ಹಾದಿ ತಿಳಿದು ನಿಜ
ಶೋಧಿಸಿ ಕಾಲನ ಬಾಧೆ ಗೆಲಿದು
ವಾದಿಮೂರ್ಖರ ಕೂಡಿ ವಾದಿಸದನುದಿನ
ಸಾಧಿಸಿ ಪರಸುಖಸ್ವಾದ ಸವಿಯುವಂಥ2
ಕಾಮಕ್ರೋಧಾದಿಗಳಳಿದು ಮಹ
ಪ್ರೇಮ ಮೋಹಂಗಳ ತುಳಿದು
ಸ್ವಾಮಿ ಶ್ರೀರಾಮನ ಪ್ರೇಮ ಪಡೆದು ಮುಕ್ತಿ
ಸಾಮ್ರಾಜ್ಯಸುಖ ಸಂಪಾದಿಸಿಕೊಂಡಂಥ 3

ಶೋಧಿಸದೆ ನಿಜ ಬೋಧಿಪೆನೆಂಬ ಈ
ಹಾದಿಯೆಲ್ಲಿ ಕಲಿತಿರೆಲೊ ಎಲೋ
ಆಧರವರಿಯದ ವಾದಿಮೂರ್ಖರಿಗೆ
ಬೋಧ ಸಿದ್ಧಿಪುದೇನೆಲೋ ಎಲೋ ಪ
ಋತುಯಿಲ್ಲದವಳಲ್ಲಿ ರತಿಕಲಹ ಬೆಳೆಸಲು
ಸುತರ ಪಡೆವಳೇನೆಲೋ ಎಲೋ
ಅತಿಮಂದಮತಿಗಳಿಗಹಿತವ ಬೋಧಿಸೆ ಸು
ಗತಿಗೆ ಬಾಹರೇನೆಲೋ ಎಲೋ
ಕತ್ತೆಗೆ ಮುತ್ತಿನ ಕಂಟಲಿ ಹೇರಲು
ಅರ್ತೀತೆ ಬೆಲೆಯನು ಎಲೋ ಎಲೋ
ಕೃತ್ರಿಮರಿಗಾತ್ಮದ ಸ್ಮøತಿಯ ಬೋಧಿಸೆ ದು
ರ್ಗತಿಯು ತಪ್ಪೀತೇನೆಲೋ ಎಲೋ 1
ಕೋಣನ ಮುಂದೆ ವೇಣುಬಾರಿಸಲು
ಅನಂದತಾಳೀತೇನೆಲೋ ಎಲೋ
ಶ್ವಾನನ ಮುಂದೆ ಸುಗಾನ ಮಾಡಲದು
ಧ್ಯಾನಕ್ಕೆ ತಂದೀತೇನೆಲೋ ಎಲೋ
ಹೀನಸಂಸಾರಿಗೆ ದಾನಿಗಾಂಭೀರ್ಯದ
ಖೂನ ತಿಳಿದೀತೇನೆಲೋ ಎಲೋ
ಜ್ಞಾನಬೋಧಾಮೃತ ಅಜ್ಞಾನಿಗೆ ಉಸುರಲು
ಹೀನಭವ ಬಿಟ್ಟೇತೇನೆಲೋ ಎಲೋ 2
ಆಸೆಗಾರಗೆ ಮಹ ಶಾಶ್ವತ ಪೇಳಲು
ಲೇಸಾಗಿ ತೋರೀತೇನಲೋ ಎಲೋ
ದಾಸರ ದೂಷಿಪ ನಾಶಮತಿಗೆ ಯಮ
ಪಾಶವು ತೊಲಗೀತೇನೆಲೋ ಎಲೋ
ಈಶನೊಲಿಮಿಲ್ಲದೆ ನಿಜಬೋಧಲಂಬಿಸಿ ಮುಕ್ತಿ
ಅಸನ ಸಿಕ್ಕೀತೇನೆಲೋ ಎಲೋ
ಹೇಸಿಜನರಿಗೆಲ್ಲ ಶ್ರೀಶ ಶ್ರೀರಾಮನ
ದಾಸತ್ವ ದೊರಕಿತೇನೆಲೋ ಎಲೋ 3