ಗುರು ಸದ್ಗುರು ಆರೆಂದು ನೋಡೊ
ಗುರುತಿಟ್ಟು ಮನವೆ ಸೇವೆ ಮಾಡೊ ಧ್ರುವ
ಗುರುಗಳುಂಟು ಮನೆಮನೆ ಬಹಳ
ಬ್ಯಾರೆ ಬ್ಯಾರೆ ಮಾಡುತ ತಮ್ಮ ಮ್ಯಾಳ
ದೋರುತಿಹರು ಮೋಹಿಸುವ ವಾಗ್ಜಾಲ
ಸರಿ ತಮಗಾರಿಲ್ಲೆಂದೆನ್ನು ತಲಾ ತೋಳ 1
ಎಲ್ಲ ಬಲ್ಲತನದಭಿಮಾನ
ಅಲ್ಲೆ ಕೊಂಬುದೇನುಪದೇಶ ಜ್ಞಾನ
ಸೊಲ್ಲಿಲ್ಹೇಳಿ ಕೇಳಿದರಾಹುದೇನ
ಸಲ್ಲದರಲಿಹುದೆನೊಡೆತನ 2
ಸರ್ವಸಮ್ಮ ತಾಗುವ ಸುಜ್ಞಾನ
ಗರ್ವಾಭಿಮಾನಗೆಲ್ಲಿಹುದು ಖೂನ
ಪೂರ್ವಾಪರ ಸದ್ಗುರು ನಿಜಧ್ಯಾನ
ದೋರ್ವದು ತಾಂ ಪಡೆದವಗ ಪೂರ್ಣ3
ವಿರಳಾಗತ ಎಲ್ಲಿಗೊಬ್ಬ ಮಹಿಮ
ಶರಣ ಹೊಕ್ಕವಗೆ ಪೂಜ್ಯಪರಮ
ಕರತಳಾಮಲಕವಾಗುವ ನಿಜವರ್ಮ
ಗುರುಮಾರ್ಗದಾಗೆನಬೇಕು ನೇಮ 4
ಗುರುವರ ಶಿರೋಮಣಿ ಭಾನುಕೋಟಿ
ಗುರುತಾದ್ಯೆನ್ನ ಮನದೊಳು ನಾಟಿ
ಪರಬ್ರಹ್ಮನಹುದೊ ಜಗಜೇಟಿ
ತರಳ ಮಹಿಪತಿ ಮನವಸೋಘಟಿ(?) 5

ಹುಟ್ಟಿದ್ದು ಫಲವೇನು ಮನುಜನು |
ಮುಟ್ಟದೆ ಗುರುಪದವನು ಪ
ಬೀರಿ ವಾಗ್ಜಾಲ ಆರಿಗೆ ಸೋಲಾ |
ಮೆರೆದನು ಬಹಳ ಮರೆದ ಸ್ಮರಣ ಕೀಲಾ 1
ಪರರುಪಕಾರಾ ಬಾರದಾ ಶರೀರಾ |
ಸಿರಿಗಂಧ ಸಾರಾ ಧರಿಸಿದರೇನು ಪೂರಾ 2
ಹವಣಿಸಿಗಾಢಾ ಶ್ರವಣವ ಮಾಡಾ |
ಕುಂಡಲ ನೋಡಾ 3
ತನ್ನ ತಾ ಮರೆವಾ ಅನ್ಯರಾ ಜರಿವ |
ಮನ್ನಣೆ ತೋರುವಾ ಕನ್ನಿಯ ಪರಿಲಿರುವಾ 4
ನಂದನ ಪ್ರಾಣಾ ತಂದೆ ಮಹಿಪತಿ ಜನಾ |
ಹೊಂದನು ಚರಣಾ ಮಂದಗಾಣದ ಕೋಣಾ 5