ಕಾತ್ಯಾಯನಿ ವರಸುತನೇ ಸತತ ಶುಭದಾಯಕನೇ
ಮಂಗಳವನು ಕೊಡು ನಮಿಸುವೆನೊ ನಾನು ಪ
ಸಿದ್ಧಿವಿನಾಯಕ ವಿದ್ಯಾಪ್ರದಾಯಕ
ಸದ್ಬುದ್ಧಿಯ ಕೊಡೋ ಹರನ ಮುದ್ದುತನಯನೆ 1
ಮೂಷಕವಾಹನನೇ ದೋಷವಿದೂರನೇ
ಶ್ರೀಶ ಹನುಮೇಶ ವಿಠಲೋಪಾಸಕನೇ 2
ಗೌರೀಸುತ ಗಜಾನನಾ ನಮೋ ನಮೋ
ಪಾರ್ವತೀ ಪತಿಯ ಪ್ರಾಣಪದಕನೇ ನಮೊ 3
ಏಕದಂತಾನೇಕ ಚರಿತನೇ ನಮೋ
ನೀ ಕೃಪಾದಿ ನೋಡೋ ವಕ್ರತುಂಡನೆ ನಮೋ 4
ಬಟ್ಟಮುತ್ತಿನ್ಹಾರ ಪದಕಧಾರನೇ ನಮೋ
ಧಿಟ್ಟ ಶ್ರೀ ಹನುಮೇಶವಿಠಲ ಪ್ರಿಯನೇ ನಮೋ 5

ಮೂರ್ತಿ ದೇವರ ದೇವ ಕೃಪಾಕರನ
ಪಾವನ ಚರಿತ ಪುಣ್ಯೋದಯನ
ಭಾವಕಿ ಗಿರಿಜೆಯ ವರಸುತನ ಚೆಲುವ
ಭಾವದಿಂದೊಪ್ಪುವ ಗಜಮುಖನಾ 1
ಚಂದ್ರಗೆ ಶಾಪ ನಿತ್ತಿಹನಾ
ಚಂದಿಂದೊಪ್ಪುವ ಶುಭಕರನ
ಕುಂಕುಮಚಂದನ ಲೇಪಿತನ
ಕೃಪೆಯಿಂದ ಸದ್ಭಕ್ತರ ಪೊರೆವವನ 2
ಸುರಮುನಿ ನಮಿತ ಸರ್ವೇಶ್ವರನ
ಭರಿತ ಸಿಧ್ಧಿಯ ನೀವ ಭವಹರನ
ಭಾವಜ ವಿಷಯಕೆ ಸಿಲುಕದನ
ಚೆಲುವ ಭಾವದಿಂದೊಪ್ಪುವ ಶುಭಕರನ 3

ವಂದಿಸುವೆ ಗಣರಾಜ ನೀ ದಯದಿಂದ ಪಾಲಿಸುವುದು ಪ
ಸದ್ಗುಣಭರಿತನೇ ದುರ್ಗುಣರಹಿತನೇ ವಿಘ್ನವಿನಾಶಕನೇ
ಭಗ್ನಗೈಸೋ ಎನ್ನ ಅವಗುಣಗಳ ನೀ ವಿದ್ಯಾದಾಯಕನೇ 1
ಶ್ರೀಶನಂಘ್ರಿಸರೋಜಭೃಂಗ ಮಹೇಶನ ವರಸುತನೇ
ವ್ಯಾಸಕರುಣಾಪಾತ್ರನೇ ಮನದಾಸೆ ಪೂರೈಸುವವನೇ 2
ಪಾಶಪಾಣಿಯೆ ಪ್ರಾರ್ಥಿಸುವೆ ನೀ ಲೇಸು ಕೊಡುವುದಿನ್ನಾ
ಶ್ರೀಶ ಶ್ರೀ ಹನುಮೇಶವಿಠಲನ ದಾಸನೇ ಅನುದಿನಾ 3

ಶಾರದೇಂದುಮುಖಿ ನೀರಜನಯನಳೆ
ಬಾರೆಲೆ ಬಾಗಿಲ ತೆಗಿಯಲೆ ಭಾಮೆ ಪ
ಯಾರಯ್ಯ ಬಾಗಿಲ ಹೊರಗೆ ನಿಂತಿರುವನು
ಜಾರ ಪುರುಷನಂತೆ ತೋರುವೆ ನೀನು ಅ.ಪ
ಜಾರನಾದರೆ ನಿಂಗೆ ಜಾರನಲ್ಲವೆ ಮೀನಾ
ಕಾರ ಧರಿಸಿರುವ ಹರಿಯಲೆ ಭಾಮೆ
ಮೀನನಾದರೇ ಬಲು ಮೌನದಲಿರದಂತೆ
ಮಾನವರಂತೆ ಮಾತು ಯಾವುದೋ ನಿನಗೆ 1
ಮಂದರಗಿರಿಯ ಬೆನ್ನಿಂದ ಧರಿಸಿರುವ
ಅಂದ ಕೂರ್ಮನಲ್ಲವೇನೆ ಭಾಮೆ
ಕೂರ್ಮ ನೀನಾದರೆ ಕೂಪದೊಳಿರುವುದೆ
ಧರ್ಮವೆಂಬುವುದನು ಮರೆತೆಯಾ ನೀನು 2
ನೀಲವೇಣಿಯೆ ಕೇಳೆ ಕೋಲರೂಪದಿ ಬಂದು
ಕ್ಷಿತಿ ತಂದೆನೆ ಭಾಮೆ
ಪೋತರೂಪನೇ ನಿಜ ಧಾತ್ರಿಯ ಭೇದಿಸಿ
ಗಾತ್ರ ರಕ್ಷಣೆ ಮಾಡು ಹೋಗೆಲೊ 3
ಸ್ತಂಭ ಭೇದಿಸಿ ರಿಪು ಡಿಂಭನ ಕಾಯಲು
ಜಂಭದಿ ಖಳನನು ಕೊಂದೆನೇ ಭಾಮೆ
ಸ್ಥಂಭ ಭೇದಿಸಿದ ನಾ ನಂಬುವುದಿಲ್ಲವೊ
ಡಂಭದಿ ಬಾಗಿಲು ಭೇದಿಸಿ ಬಾರೊ 4
ವಾಮನನೆಂದು ವಟುರೂಪದಿ ಬಂದು ಸಾರ್ವ
ಭೌಮನಲ್ಲಿ ಭೂಮಿ ಬೇಡಿದೆ, ಭಾಮೆ
ವಟುರೂಪನಾದರೆ ಕುಟಿಲಾಕ್ಷಿಯರಲಿಂಥ
ಚಾಟುವಚನಗಳು ಯಾಕೆಲೊ 5
ದುರುಳನೃಪರ ಪರಿಹರಿಸಿದ ಭೃಗುಮುನಿ
ವರಕುಲಜಾತ ಶ್ರೀ ರಾಮನೇ ಭಾಮೆ
ಮುನಿವರಸುತನಾಗಿ ಸ್ವನಿಯಮಗಳ ಬಿಟ್ಟು
ವನಿತೆಯರಲ್ಲಿಂಥಾ ಸರಸವೆ ನಿನಗೆ 6
ದಶರಥ ನೃಪತಿಯ ಮನೆಯೊಳವತರಿಸಿ
ದಶಶಿರರನು ಕೊಂದ ರಾಮನೆ ಭಾಮೆ
ಪರ ಕಾಮಿನಿಯರೊಳಿಂಥಾ
ಪ್ರೇಮ ಮಾಡುವುದುಂಟೆ ಯೋಚಿಸೊ ನೀನು 7
ನೀರಜಾಕ್ಷಿ ಕೇಳೆ ಜಾರಚೋರತೆಯಲ್ಲಿ
ಸಿರಿ ಕೃಷ್ಣನೇ ಭಾಮೆ
ಚೋರನಾದ ಮೇಲೆ ಸೇರಿಸುವುದು ಹೇಗೆ
ಭಾರಿ ಆಭರಣಗಳಿರುವುವೊ 8
ಮುಗ್ಧೆ ಕೇಳೆ ಇದಬದ್ಧವಲ್ಲದೆ ಅತಿ
ಶುದ್ಧನಾದ ಬುದ್ಧರೂಪನೆ
ಬುದ್ಧರೂಪನೆ ನಿನ್ನ ನಡತೆಯ ಕೇಳಲು
ಶುದ್ಧಿಯು ಲೋಕಪ್ರಸಿದ್ಧವು9
ಸರಸಿಜಮುಖಿ ವರತುರಗವನೇರಿದ
ನೃಪರ ಗೆಲ್ವ ಕಲ್ಕಿಯೇ ಭಾಮೆ
ದುರುಳ ಜನರು ಇಲ್ಲಿ ಸೇರುವುದಿಲ್ಲವೊ
ತರಳೆಯರಲಿ ದುಷ್ಟ ಕಾರ್ಯವೇ ಪೋಗೊ10
ಪರಿ ಸರಸವನಾಡುವ ನಾಮಗಿರಿ
ನರಹರಿ ರೂಪ ರಮಾ ರಮೇಶರು
ವಿಹರಿಪ ಬಗೆಯನು ಸ್ಮರಿಸುವ ಸುಜನರ
ಪರಮಪುರುಷ ಹರಿ ಪೊರೆವುದು ನಿಜ 11

ಪಾಲಿಸು ಗಣನಾಥ ನೀ ಎನ್ನ ಮೇಲೆ ಕೃಪೆಯ ನಿರತ ಪಸ್ಥೂಲ ಶರೀರ ವಿಶಾಲ ಲೋಚನ ಸುರಜಾಲ ವಂದಿತಜಾಲವಂದಿತ ಗುಣಶೀಲ ಸಜ್ಜನಪಾಲ ಅ.ಪಮೂಷಿಕವಾಹನನೆ ವಿಘ್ನೇಶ್ವರ ಪಾಶಾಂಕುಶಧರನೆಈಶ ನಂದನ ನಿನ್ನ ದಾಸನೆನಿಸೊ ಎನ್ನಆಸೆಯ ಸಲಿಸು ವಿಘ್ನೇಶ ವಿನಾಯಕ 1ಕಾಮಿತಫಲಪ್ರದನೇ ವಿನಾಯಕ ಸ್ವಾಮಿ ಶನೇಶ್ವರನೆಸಾಮಜವದನನೇ ಶ್ಯಾಮಲವರ್ಣನೇಕಾಮವರ್ಜಿತ ಗುಣಸ್ತೋಮ ವಂದಿತನೇ 2ಗಿರಿಜೆಯ ವರಸುತನೇ ಲಂಬೋದರ ಉರಗನ ಸುತ್ತಿಹನೇಕರದಿ ಮೋದಕಹಸ್ತವರಏಕದಂತನೆಶರಣು ನಿನಗೆ ಗೋವಿಂದನ ಸಖನೆ 3