ದೇವತಾ ಸ್ತುತಿ
ಕಂತುಪಿತನ ಸತಿಯಳೆ ನೀ ಸಂತೈಸನುದಿನಾ ಪ
ಸ್ತುತಿಸುವಳೆ ಅ.ಪ.
ನಾಶರಹಿತ ಶ್ರೀ ಹನುಮೇಶ ವಿಠಲನನುದಿನಾ
ಸೋಸಿಲಿ ನೂತನ ಗುಣಗಳ
ಬೇಸರಿಯದೆ ಸ್ತುತಿಸಿದ ಸಂ-
ತೋಷ ಪಡುವ ವರಲಕುಮಿಯೇ 1

ಪಾವನ ಮಹಿಮನೇ ದೇವಾಧಿದೇವನೇ ಪ
ವರಲಕುಮಿ ಕರಕಮಲಪೂಜಿತ ನಮಿಪೆ
ನೀರಜಾಕ್ಷ ಮಂಗಳವನು ಕೊಡು ದೇವಾ ಅ.ಪ.
ಸೃಷ್ಟಿಸ್ಥಿತಿ ಕಾರಣಕರ್ತಾ ಮುಕ್ತಿಪ್ರದ ಹನುಮೇಶವಿಠಲವರ 1

ವರಲಕುಮಿ ಕರುಣಿಸೌ ಕರುಣಾಕರಳೆ ಎನ್ನೊಳು ಪ
ಮರೆಹೊಕ್ಕ ದಾಸರ ದಾರಿದ್ರ್ಯ ಖಂಡಿಸು
ಪರಮಪಾವನೆ ನಿನ್ನನರಸಿ ಬೇಡುವೆನವ್ವ 1
ಗರುವಕ್ಕೆ ಬಾರದ ಸಿರಿಯ ಕರುಣಿಸಿ ಮತ್ತೆ
ಹರಿಸ್ಮರಣೆ ಸೌಭಾಗ್ಯ ವರ ಪಾಲಿಸೆನ್ನವ್ವ 2
ಕ್ಷೇಮ ಪಾಲಿಸು ತಾಯಿ ಕಾಮಿತ ಜನ ಮಹ
ಪ್ರೇಮಮಂದಿರೆ ಶ್ರೀರಾಮನರ್ಧಾಂಗಿಯೆ 3

ಸಿರಿಯ ರಮಣ ನರಹರಿಯ ಚರಣಗಳ
ನಿರತ ಭಜಿಪರಿಗೆ ಸ್ಥಿರ ಸುಖವಿಹುದು ಪ
ದುರಳ ವಿಷಯಗಳ ತೊರೆದು ಮುದದಿ ಮೈ
ಮರೆಯುವ ತೆರದಲಿ ಉರುತರ ಭಕುತಿಯಲಿ ಅ.ಪ
ತನಯ ಪ್ರಹ್ಲಾದನು ಜನಕನ ವಚನವ
ನನುಸರಿಸದೆ ತನ್ನ ಮನದಲಿ ಸಂತತ
ನೆನೆದು ಶ್ರೀಹರಿಯನು ದಿನದಿನ ನಾರಾಯಣನ
ಸುಮಂಗಳ ಗುಣಗಳ ಪೊಗಳುತ
ಕುಣಿ ಕುಣಿಯುತ ತನ್ನ ಜನಕನ ಕೋಪಕೆ
ಹೊಣೆಯಾಗುತಲಿರೆ ಕ್ಷಣದಲಿ ಪೊರೆದ 1
ಖೂಳನು ತನ್ನಯ ಬಾಲನ ನಡತೆಯ
ತಾಳಲಾರದೆ ಕೋಪ ಜ್ವಾಲೆಯಿಂದುರಿಯುತ
ಪೇಳೊ ಇಲ್ಲಿಹನೇನೊ ತಾಳೊ ನೋಡುವೆನೆಂದು
ಪೇಳಿ ಕಂಬವ ತನ್ನ ಕಾಲಲಿ ಒದೆಯಲು
ಸೀಳಿ ಛಟ ಛಟನೆ ತಾಳಿ ಘೋರತನು
ಖೂಳ ರಕ್ಕಸನಲಿ ಧಾಳಿಯ ಗೈದ 2
ದುರುಳ ಹಿರಣ್ಯಕನ ಕರಳ ಬಗೆದು ತನ್ನ
ಕೊರಳಲ್ಲಿ ಮಾಲೆಯ ಧರಿಸಿ ಸಿಡಿಯುತಿರೆ
ಉರಿಯಿಂದ ಧರಣಿಯು ತರತÀರ ನಡುಗಲು
ಸುರರ ಮೊರೆಯ ಕೇಳಿ ವರಲಕುಮಿಯು ನರ
ಹರಿಯನು ಸ್ತುತಿಸಲು ಮರೆತು ಕೋಪವನು
ವರ ಭಕುತನಿÀಗೆ ಪ್ರಸನ್ನತೆಯಿತ್ತ 3