ರಮಿಸುವೆವೆಂದಿಗೆ ಮುರಳೀಧರನ ಪ
ಸುಮನಸವಂದಿತ ವಿಮಲ ಚರಿತನ ಅ.ಪ
ಮಂದಮಾರುತ ಸುಮಗಂಧ ಬೀರುತಲಿರೆ
ಸುಂದರವದನ ಗೋವಿಂದನ ನೊಸಲಲಿ1
ವನರುಹನೇತ್ರನ ಪರಮ ಪವಿತ್ರನ
ವನಜಾಕ್ಷಿಯರೆಲ್ಲ ವನವಿಹಾರದಲಿ 2
ಹೇಮವಸನನ ಕೋಮಲ ರೂಪನ
ಕಾಮಿನಿಯರು ನಾವು ಪ್ರೇಮವ ಬೀರುತ 3
ಕಲಭಾಷಣದಿಂದ ಸೆಳೆಯುತ ಮನವನು
ಜಲಜಾಕ್ಷಿಯರೆಲ್ಲ ಜಲ ವಿಹಾರದಲಿ 4
ಭಾಸುರಾಂಗನ ಪರಿಹಾಸ ಮಾಡುತಲಿ
ಬೇಸರವಿಲ್ಲದೆ ರಾಸಕ್ರೀಡದಿ 5
ಸಂಗೀತವ ಪಾಡಿ ರಂಗನ ಒಡಗೂಡಿ
ಅಂಗನೆಯರೆಲ್ಲ ಅನಂಗ ಕೇಳಿಯಲಿ 6
ಬಿನ್ನನೆ ಬಾರೆಂದು ಕೆನ್ನೆಯ ಪಿಡಿಯುತ
ಸನ್ನೆಯ ಮಾಡಿ ಪ್ರಸನ್ನಮುಖಿಯರು 7