(ಶುಕಾಚಾರ್ಯರ ಸ್ತೋತ್ರ)
ಆಚಾರ್ಯನ ನೋಡಿ ಸುಮ್ಮನೆ ಪೇಚಾಡಲು ಬ್ಯಾಡಿ
ಪಡದ ಮೃಡಾತ್ಮನ ಪಾಡಿ ಪ.
ಬಾಲಕರಂತಿರುವ ಧೂಸರ ಧೂಳಿಯ ಧರಿಸಿರುವಾ
ಕೇಳಿದವರಿಗೊರೆವಾ ಭಗವನ್ಮೂಲ ತತ್ವದಿರವಾ
ಪರೀಕ್ಷಿತ ಲಾಲಿಸುವಂತೆರ-
ಮಾಲಯ ಗುಣವರುಣಾಲಯ ತಿಳಿಸಿದ 1
ವ್ಯಾಪಿಸಿ ಕೊಂಡಿರುವಾ ಸಂಸೃತಿ ತಾಪತ್ರಯ ಭರವಾ
ತಾಪಕ ಮತ್ಸರವಾ ಮೋಹ ಮಹಾಪರಾಧದಿರವಾ
ದೀಪವು ತಿಮಿರವ ಕಳವಂದದಿ ನಿ-
ಲೋಪಗೊಳಿಸುವ ಪರೋಪಕಾರಿಯನು 2
ಭಾಗವತಾಮೃತವಾ ಮುಖದಿ ಸರಾಗದಿ ಧರಿಸಿದನಾ
ವಾಗೀಶಾಂಶಕನಾ ಹೊಂದಿರೊ ಗುರುಮುನಿ ಶುಕನಾ
ತಾಗುಬಾಗುವೊಳಗಾಗದ ತೆರದಲಿ
ನಾಗ ಗಿರೀಂದ್ರನು ನಲಿವನು ಮನದಲಿ 3

ಚೋದ್ಯ ಚೋದ್ಯ ಸರ್ವದ
ವೇದ ವೇದ್ಯ ನಂಬಿದ ಭಕ್ತ ಜನರಿಗಾಗುವ ಸುಖಸಾಧ್ಯ ಪ.
ಶ್ರೀ ಮಹೀಶ ಸತ್ಯಭಾಮೆಯರರಸ ಸು-
ಧಾಮ ತಂದವಲಕ್ಕಿ ಪ್ರೇಮದಿಂದಲಿ ಮೆದ್ದ 1
ಅಂಡಜವಾಹ ಬ್ರಹ್ಮಾಂಡಗಣಾತತ
ಪಾಂಡುಕುವರನಿಗಾದನು ಭಂಡಿಸೂತ 2
ಆದರೀ ಕೃತಮಾಯ ಕೃತ್ಯಕದಂಡ ಸ-
ನ್ಮುದದಿಂದ ವಿದುರನ ಮನೆಯ ಪಾಲುಂಡ 3
ಶ್ರೀವರೀವರಿಯಿಂದ ಸರಸಮಾಡುತಲಿರೆ
ಗೋಪಿಯರಿಗೆ ಮೆಚ್ಚಿ ಗೋವುಗಳ ಕಾಯ್ದ 4
ಗೊಲ್ಲರ ಹುಡುಗರ ಪೆಗಲೇರಿ ಮೆರೆದ 5
ಘೋರ ಸಂಸಾರಪಹಾರಿ ನಾರದ ವಂದ್ಯ
ಜಾರ ಚೋರ ಕೃತ್ಯ ತೋರಿದ ವರದ 6
ಮಾನವ ದೈತ್ಯ ಗಣರಿಗಾಧಾರ ಮ-
ತ್ತಾವ ಕಾಲಕು ಭೇದಭೇದವ ಸೇರಾ 7
ತೇಜಸ್ತಿಮಿರಾದಿ ಸೋಜಿಗ ಶಕ್ತಿಮ-
ಹೋಜಸನೀತ ಪರಾಜಯ ರಹಿತಾ 8
ಪರದೇಶಿಯ ಮೇಲೆ ಕರುಣ ಕಟಾಕ್ಷದಿ
ಸಿರಿಯೊಡಗೂಡಿ ಬಂದಿರುವ ಶೃಂಗಾರ 9
ಸರ್ವಕಾಲದಿ ತನ್ನ ನೆನವಿತ್ತು ದುಷ್ಕøತ
ಪರ್ವತಗಳ ಪುಡಿ ಮಾಡುವ ಧೀರ 10
ತನಯನ ಕಲಭಾಷೆ ಜನನಿ ಲಾಲಿಸುವಂತೆ
ಸಾರ 11
ಪೋರಭಾವವ ಶುಭವೇರಿಸುವನು ತುಷ
ವಾರಿಯು ಗಂಗೆಯ ಸೇರುವಾಕಾರ 12
ವಿದ್ಯ ಬುದ್ಧಿಗಳಿಲ್ಲದಿದ್ದರು ದಾಸರ
ನಿರವದ್ಯ ಬೇಗದಲಿ 13
ಸನ್ನುತ ಕರ್ಮವ
ಮನ್ನಿಸನೆಂದಿಗು ಮುರನರಕಾರಿ 14
ಚಿಂತಾಕ್ರಾಂತಿಗಳಿರದಂತೆ ಸರ್ವದ ನಿ-
ರಂತರ ಪೂಜೆಗೊಂಬರ ಚಕ್ರಧಾರಿ 15
ನಿರುಪಮಾನಂದ ನಿರ್ಭರ ಪುಣ್ಯಮೂರ್ತಿ
ಶ್ರೀವರ ಶೇಷ ಭೂಧರವರನ ಸತ್ಕೀರ್ತಿ 16