ಜಗನ್ನಾಥ
ಸಮುದ್ರ ತೀರದಿ ಜಗನ್ನಾಥ
ಸಮಗ್ರ ಸೇವೆಯ ಕೊಡುವಾತ ಪ
ಸಮರ್ಥ ಫಲ್ಗುಣ ರಥಸೂತ
ಸಮಸ್ತಲೋಕವ ಪೊರೆವಾತ ಅ.ಪ
ಬಲಭದ್ರಾನುಜೆಯರನೊಡವೆರಸಿ
ಜಲನಿಧಿ ಮಧ್ಯದಿ ದ್ರೋಣದಿಂದಿಳಿಸಿ
ಒಲಿದು ವೈಕುಂಠಕೆ ಅವದಿರ ಕಳಿಸಿ
ಸಲೆ ನಿಂದೆಯಾ ಜಗನ್ನಾಥನೆಂದೆನಿಸಿ 1
ಪಾಂಡವರಕ್ಷಕ ನೀಲಾಂಗಾ
ಪುಂಡರೀಕಾಂಬಕಾ ಮದನಾಂಗಾ
ಅಂಡಜವಾಹನ ರಿಪುಮದಭಂಗ
ಕಂಡೆ ನಿನ್ನನಾ ಮಾಂಗಿರಿರಂಗ 2

ಬಾರೋ ಶ್ರೀರಂಗ ಕೀರ್ತಿ ತರಂಗ
ಬಾರೋ ರಿಪುಮದಭಂಗ ನೀಲಾಂಗ ಬಾಬಾ ಪ
ತಿಮಿರ ಪತಂಗ
ಬಾರೋ ನರಸಿಂಗ ಗರುಡ ತುರಂಗ ಬಾಬಾ ಅ.ಪ.
ಪುರಹರ ಸಂಗ
ಬಾರೋ ಕಾಳಿಂಗ ಮರ್ಧನರಂಗ
ಬಾರೋ ಸರ್ವಾಂಗ ಸುಂದರರಂಗ ಬಾಬಾ 1
ಬಾರೋ ಸಾಷ್ಟಾಂಗ ವೆರಗುವೆರಂಗ
ಭಂಗ ಬಾಬಾ
ಬಾರೋ ಸಾರಂಗ ವರದ ಶ್ರೀರಂಗ
ಬೀರೋ ಭಕ್ತಿಯ ನಿಗಮಾಂತರಂಗ ಬಾಬಾ 2
ಬಾರೋ ಶ್ರೀರಂಗ ತೋರೋ ಆನಂದ
ಬೀರೋ ಜ್ಞಾನತರಂಗ ಕೃಪಾಂಗ ಬಾಬಾ
ಬಾರೋ ಕೇಶವ ಕರುಣಾಂತರಂಗ ಬಾಬಾ 3
ಬಾರೋ ಅಂಗಧ ವರದ ಶ್ರೀರಂಗ
ಬಾರೋ ಗಂಗೆಯ ಪಿತನೆ ಶ್ರೀ ರಂಗ ಬಾಬಾ
ಬಾರೋ ದೂರ್ವೇಶ ಬಲಚದುರಂಗ
ಬಾರೋ ಶ್ರೀ ಚನ್ನಕೇಶವರಂಗ ಬಾಬಾ 4

ಶ್ರೀವತ್ಸಾಂಕಿತ ಗರುಡ ತುರಂಗ
ಕಾವೇರಿ ಜಲ ಪರಿವೃತ ರಂಗ ಪ.
ದೇವೋತ್ತಮ ನುತ ಧರಿತ ರಥಾಂಗ
ಪಾವನ ಚರಣ ಕೃಪಾಂಗ ಶುಭಾಂಗ ಅ.ಪ.
ದೇವಕೀನಂದನ ಜಲದ ನೀಲಾಂಗ
ಭಾವಜಪಿತ ದಯಾಜಲಧಿ ತರಂಗ
ಶ್ರೀವನಮಾಲಾ ರಿಪುಮದ ಭಂಗ
ಲಾವಣ್ಯಾಂಬರ ಕರುಣಾಪಾಂಗ 1
ರಾವಣ ಕುಲ ಸಂಹಾರಕ ರಂಗ
ಶ್ರೀವಿಭೀಷಣ ಪೂಜಿತ ರಂಗ
ಸನ್ನುತ ರಂಗ
ಶ್ರೀವಸುಧಾನ್ವಿತ ಮಾಂಗಿರಿರಂಗ 2