ಶರಣು ಶರಣು ಶರಣು ದೇವಾಧಿಗಳೊಂದಿತ
ನಹುದು ಸ್ವಾಮಿ ಗಣನಾಥ ಶರಣು ಧ್ರುವ
ಅಖಿಳ ಭವನದೊಳು ಪೂಜಿತ
ಭಕುತ ಜನಕೆ ನೀ ಸಾಕ್ಷಾತ
ಶಕುತನಹುದಯ್ಯ ಪ್ರಖ್ಯಾತ 1
ಶುದ್ಧ ಬುದ್ಧರ ಸಹಕಾರ
ಬುದ್ಧಿನೀವ ಘನ ಉದಾರ
ರಿದ್ಧಿ ಗ್ಯಾಗೀಹ್ಯ ನೀ ಆಧಾರ
ಸಿದ್ಧಿದಾಯಕ ವಿಘ್ನಹರ 2
ಜನಕೆ ಮಾಡುವೆ ದೋಷನಾಶ
ಅನುದಿನವೆ ಮತಿ ಪ್ರಕಾಶ
ದೀನ ಮಹಿಪತಿಯ ಮನೋಭಾವಪೂರಿತಗಣಾಧೀಶ ಶರಣು ಶರಣು 3

ಸಾಧನ ಬ್ಯಾರ್ಯದೆ ಸ್ವಹಿತ ಸಾಧನ ಬ್ಯಾರ್ಯದೆ ಧ್ರುವ
ವಿದ್ಯಾ ವ್ಯುತ್ಪತ್ತಿ ಬೀರಿದರೇನು
ರಿದ್ಧಿಸಿದ್ಧಿಯುದೋರಿದರೇನು 1
ಜಪತಪ ಮೌನಾಶ್ರಯಿಸಿದರೇನು
ಉಪವಾಸದಿ ಗೊಪೆ ಸೇರಿದರೇನು 2
ದೇಶದ್ವೀಪಾಂತರ ತಿರುಗಿದರೇನು
ವೇಷ ವೈರಾಗ್ಯವ ತೋರಿದರೇನು 3
ಭಾನುಕೋಟಿತೇಜ ಒಲಿಯದೆ ತಾನು
ಅನೇಕ ಸಾಧನಲ್ಯಾಗುವದೇನು 4
ದೀನ ಮಹಿಪತಿಸ್ವಾಮಿಯಾಶ್ರಯಧೇನು
ಮನವರ್ತದೆ ಕೈಯಗೊಡುವ ತಾನು 5