ಅಳಬ್ಯಾಡೆಲವೊ ರಂಗಮ್ಮ ನಿನ್ನ
ಇಳಿಯಾರ ನೋಡುತಿದೆ ಗುಮ್ಮ ಪ
ಒದರಿದರೆ ಕೇಳೆಲೆವೊ ತಮ್ಮಾ | ಅದು
ಅದರುತಿದೆ ಬೊಮ್ಮಾಂಡ ತಮ್ಮ
ಬೆದರಿ ದಿವಿಜರು ತಮತಮ್ಮ | ನಿಜ
ಸದನ ಬಿಡುತಿಹರು ನೋಡಮ್ಮ 1
ಬೆರಳುಗುರು ಗಾಯಗಳಿಂದ | ಆ
ದುರುಳರನ್ನ ಜಠರ ತಳದಿಂದ
ಕರುಳು ಮಾಲಿಕೆ ಕಿತ್ತಿ ತಂದ | ತನ್ನ
ಕೊರಳಲಿ ಹಾಕಿಹ ಚಂದ2
ಏಸು ದೈತ್ಯರಾಸಿಗಳನು | ತಾನು
ಮೋಸಗೊಳಿಸಿ ಕೊಲ್ಲುವನು
ದಾಸನೆಂದರೆ ಕಾಮಧೇನು ಸುಮ್ಮಗಿ | ರುವ
ವಾಸುದೇವವಿಟ್ಠಲ ನೀನು 3

ಏನಬೇಡಲೊ ಕೃಷ್ಣ ನಾಚಿಕಿಲ್ಲದೆ ಪ
ಜ್ಞಾನಶೂನ್ಯನಾಗಿ ಬಹಳ ಹೀನ ಕಾರ್ಯ ಮಾಡಿ ನಾನು ಅ.ಪ.
ಪರರ ವನಿತೆ ಧನಗಳಿಂಗೆ
ಅರಿತು ಅರಿತು ಆಶೆಪಡುತ
ದುರಿತಕೋಟಿಗಳನು ಮಾಡಿ
ಪರಮ ನೀಚನೆನಿಸಿದವನು 1
ವನಗಳನು ಕಡಿಸಿ ಹಿರಿದು
ಮನೆಗಳನ್ನು ರಚಿಸಿಕೊಂಡು
ವನಿತೆ ಮಾತು ಕೇಳಿ ಜನನಿ
ಜನಕರನ್ನು ತೊರೆದ ಪಾಪಿ 2
ಸತ್ಯ ಮತವನು ತುಚ್ಛಗೈದು
ನಿತ್ಯಕರ್ಮಗಳನು ಬಿಟ್ಟು
ಮತ್ತನಾಗಿ ತಿಂದು ಮಲಗಿ
ಕತ್ತೆಯಂತೆ ಹೊರಳುವವನು 3
ಆರ್ತರಾದ ಜನರ ಸಲಹಿ
ಕೀರ್ತಿಯನ್ನು ಹೊಂದಿ ದೇಹ
ಸಾರ್ಥಕವನು ಮಾಡಿಕೊಳದೆ
ಧೂರ್ತನೆನಿಸಿಕೊಳುವ ನರನು 4
ವಾಸುದೇವ ಸಕಲ ದೋಷ
ರಾಸಿಗಳನು ದಹಿಸುವ ರಂ-
ಗೇಶವಿಠಲರೇಯ ನಿನ್ನ
ದಾಸನೆಂದು ಪೇಳದವನು 5

ಬಂಟ ಪ
ಕನಕಕಶಿಪು ತನಯ ತನ್ನ
ಜನಕನ ಹಿಂಸೆ ತಡೆಯದೆಲೆ
ದನುಜಹರನೆ ರಕ್ಷಿಸೆನಲು
ಕ್ಷಣದಿ ಬಂದು ಸಲಹಿದೈಯ್ಯಾ 1
ನಾರಿ ದ್ರುಪದನಂದನೆಯಳ
ಸೀರೆ ಖಳನು ಸೆಳೆಯುತಿರಲು
ವಾರಿಜಾಕ್ಷ ನಿನ್ನ ಸ್ಮರಿಸೆ
ಯಾರು ಅರಿಯದಂತೆ ಬಂದೆ 2
ದಾಸಜನರ ಸಕಲ ಪಾಪ-
ರಾಸಿಗಳನು ದಹಿಸೆ ಪೊರೆವೆ
ಶ್ರೀಶ ನಿನ್ನ ಭಜಿಸಿದರೆ ರಂ-
ಗೇಶವಿಠಲರೇಯ ನೀನು 3

ವಿಮಲಮತಿಯ ಪಾಲಿಸಭವ
ಅಮಿತದಯಾರ್ಣವ ದೇವ ಪ
ದೀನಬಂಧು ಜ್ಞಾನಸಿಂಧು
ದೀನನೊಳು ನೀನೆ ನಿಂದು
ಹೀನಮತಿಯ ತರಿದು ತವ
ಧ್ಯಾನ ಸದಾನಂದದಿಡುವ 1
ಆಶಾಪಾಶಗಳನು ತುಳಿದು
ದೋಷರಾಸಿಗಳನು ಕಡಿದು
ಶ್ರೀಶ ನಿಮ್ಮ ಸಾಸಿರನಾಮವ
ಧ್ಯಾಸಕಿತ್ತು ಜ್ಞಾನ ಕೊಡುವ 2
ಸತ್ಯ ಶ್ರೀರಾಮ ನಿಮ್ಮ ಪಾದ
ಭಕ್ತಿಯಿಂದ ಬೇಡ್ವೆ ಸದಾ
ಚಿತ್ತ ಶುದ್ಧಿಗೈದು ಎನಗಾ
ನಿತ್ಯ ಮುಕ್ತಿ ನೀಡಿ ಬೇಗ 3

ಶೇಷಾಚಲನಿಲಯನಾಗಿರುತ ಭಕುತರ
ಪೋಷಿಸುತಿಹನ್ಯಾರೆ ಪೇಳಮ್ಮಯ್ಯ ಪ
ದೋಷರಾಸಿಗಳನು ನಾಶ ಮಾಡುತಲಿ
ಶೇಷಸುರಸೇವ್ಯ ಶ್ರೀನಿವಾಸ ಕಾಣಮ್ಮ ಅ.ಪ.
ಕಲಿಯುಗದೊಳು ಪ್ರಜ್ವಲಿಸುತಿರುವೀ ಗಿರಿ-
ಗಿಳಿದು ಬಂದನ್ಯಾಕೆ ಪೇಳಮ್ಮಯ್ಯ
ನಲಿಯುತ ಸ್ತುತಿಪ ಜನರ ಕಲುಷವ ಕಳೆಯಲು
ಒಲಿದು ಬಂದ ದಯದಿಂದಲಿ ಕೇಳಮ್ಮ 1
ಸ್ವಾಮಿ ಪುಷ್ಕರಿಣಿ ತೀರದಿ ನಗುತ ನಿಂದಿಹ
ಕೋಮಲಾಂಗನವನ್ಯಾರೇ ಪೇಳಮ್ಮಯ್ಯ
ಕಾಮಿನಿ ಪದುಮಾವತಿ ತಾ ಮೋಹಿಸುತಲಿ
ಪ್ರೇಮದಿ ವರಿಸಿದ ಭೂಮಿಪ ಕಾಣಮ್ಮ 2
ಬಂಗಾರ ನವರತ್ನ ಮಂಡಿತನಾಗಿ ವಿ
ಹಂಗವೇರ್ದನ್ಯಾರೇ ಪೇಳಮ್ಮಯ್ಯಾ
ಗಂಗಾಜನಕ ಪಾಂಡುರಂಗನೆನಿಪ ಆ
ರಂಗೇಶವಿಠಲನೆ ಇವ ಕಾಣಮ್ಮ 3