ಪಾಲಿಸೈ ರಮಾರಮಣನೆ ಎನ್ನ
ನೀಲಮೇಘ ಶ್ಯಾಮನೆ ಪ
ಪಾಲಿಸಿ ಜಗಲೀಲೆ ತೋರಿದಿ
ಪಾಲಭಕ್ತ ಭವಮೂಲಪರಿಹರ ಅ.ಪ
ಜಾಳು ಸಂಸಾರೆಂಬೊಸಂಕೋಲೆ
ಕಾಲಿಗೆ ತೊಡರಿ ಎನ್ನನು
ಕೀಳನೆನಿಸಿತ್ತು ಶೀಲ ಕೆಡಿಸಿ
ಬಾಳಿ ಫಲವಿಲ್ಲ ತಾಳೆನಭವ 1
ನಾಶವಾಗುವ ದೇಹಧರಿಸಿ
ನಾಶನಾಲೋಚನೆಯ ಸ್ಮರಿಸಿ
ಏಸು ರೀತಿಲಿ ಘಾಸಿಯಾದೆ ಭವ
ಪಾಶದ ಬಾಧೆ ಸಹಿಸೆನಭವ 2
ತಂದೆ ಶ್ರೀರಾಮ ಮಂದಮತಿತನ
ದಿಂದ ಕಂದನುಮಾಡಿದ
ಒಂದು ದೋಷಗಣಿಸದಲೆ ದಯದಿಂ
ಬಂಧದಿಂದ ಮುಕ್ತಿ ಹೊಂದಿಸಭವ 3

ಶ್ರೀರಾಮಾ ರಘುಕುಲಸೋಮ ಕಾಮಿತ ಶುಭಫಲದಾಯಕ ಪ.
ರಮಾರಮಣನೆ ಭೀಮ ಪರಾಕ್ರಮ ಸುಂದರ ಅ.ಪ.
ದಾನವಾಂತಕ ಶ್ರೀ ಜಾನಕೀ ನಾಯಕರಾಮ
ದೀನಾನಾಥ ಪರಿತ್ರಾಣ ಪ್ರಪನ್ನ ಜನಪ್ರಾಣ 1
ವಾಸವಾನುಜ ಜಗದೀಶ ಪರೇಶ ಪರಾತ್ಪರ
ದಾಸಜನಾಶ್ರಯ ಶ್ರೀಶ ಸರ್ವೇಶ ದಯಾಸಾಗರ 2
ಮಂಗಳಾತ್ಮಕ ಭವಭಂಗ ಶ್ರೀರಂಗನಾಯಕಿ ರಮಣ
ಅಂಗಜಜನಕ ಪಾಂಡುರಂಗ ಕರುಣಾಂತರಂಗ 3
ನಾಗೇಶಪಾಲಕ ನಾಗೇಶವರತಲ್ಪನೆ ಶ್ರೀ
ನಾಗಾರಿವಾಹನ ವರನಾಗಾದ್ರಿನಿಕೇತನ ರಾಮಾ 4