ಮೋಕ್ಷವಿಲ್ಲಾ | ಗುರು ಕೃಪೆ ವಿನಾ ಪ
ಮಾನ್ಯ ಸ್ವದೇಶದಿ ಧನ್ಯ ವಿದೇಶದ |
ಉನ್ನತ ಕುಲದುತ್ಪನ್ನ ನೋಡಲು |
ಸನ್ನುತ ಕರ್ಮಗಳನ್ನಸುವ ಸಂ |
ಪನ್ನನು ಗುಣದಲಿ ಮುನ್ನಾಗೇನು 1
ಪುಸ್ತಕ ಹಿಡಿಯಲು ವಸ್ತು ಬೃಹಸ್ಪತಿ |
ವಿಸ್ತರಿಸ್ಹೇಳುವ ಶಾಸ್ತ್ರದರ್ಥವ |
ದುಸ್ತರ ಯೋಗದ ನಿಸ್ತರಿಸುವ ಘನ |
ಪ್ರಸ್ತುತ ತಪಸಭ್ಯಸ್ತ್ರಾಗೇನು 2
ಸುಂದರಿ ಮಾನಿನಿಗೊಂದೇ ಮಂಗಳ |
ಹೊಂದದೇ ಆಭರಣೆಂದೇನು ಫಲ |
ಇಂದಿರೆ ಪತಿ-ವಲುವಂದದಿ ಭಾವದಿ |
ತಂದೆ ಮಹಿಪತಿಗೊಂದಿಸದನಕಾ 3

ಯೇನಾದರೇನು ಜ್ಞಾನವಿಲ್ಲದೆ ಮೋಕ್ಷವಿಲ್ಲಾ ಪ
ವೇದವನೋದಿದರೇನು | ಶಾಸ್ತ್ರವ ನೋಡಿದರೇನು |
ಕಾದಿ ಕಾದಾಡಿದರೇನು || 1
ಕಾಶಿಗೆ ತಾ ಹೋದರೇನು | ಕಾನನವ ಸೇರಿದರೇನು |
ಕಾಶಿ ಪೀತಾಂಬರ ಉಟ್ಟರೇನು 2
ಜಪ ತಪವ ಮಾಡಲೇನು | ಜಾಣತನದೊಳ್ ಮೆರೆದರೇನು |
ವಿಜಯವಿಠ್ಠಲನ್ನ ಸಾರಿದರೇನು 3