ಎಲೆ ಮನ ಮುರಾರಿಯನು ಕೊಂಡಾಡು ಪ
ಸಾಧನಕಿದು ಉಪಾಯ ನೋಡು ಅ.ಪ
ಕಾಲನ ದೂತರ ಕಾಲಿಗೆ ಬಿದ್ದರೆ |
ನಾಳೆಗೆ ನಿಲುವರೆ ನೋಡು 1
ಮಂದಿಯ ಮಾತಿಗೆ ಎಂದೆಂದು ಮರುಗದೆ |
ಮುಂದಿನ ಗತಿ ನೀ ನೋಡು 2
ರಾಜೀವ ಮುಖಿಯರ ಸೋಜಿಗ ಮೆಚ್ಚದೆ |
ವಿಜಯವಿಠಲನ ಪಾಡೋ3

ಸರಸ್ವತಿದೇವಿ
ಗಾಯಿತ್ರಿ - ಶುಭಗಾತ್ರಿ ಪ
ಪತಿ | ವೀರ್ಯಜಾತ ಶುಭಕಾಯ ಪುಮಾಭಿಧ | ಆರ್ಯನ ಪ್ರಿಯಸತಿಅ.ಪ.
ವೀಣೆ ಧರಳೆ ಹರಿ | ಗಾನ ಗುಣಂಗಳಜಾಣೆಯೆ ಈ ತನು | ವೀಣೆಯಂತೆಸಗು 1
ನೀರಜಾಕ್ಷಿ ನಿನ | ಗಾರಿಲ್ಲವು ಸಮಮೂರು ಲೋಕದಲಿ | ಮುರಾರಿಯನುತೆ 2
ಕಾವ ಕೊಲ್ವ ಗುರು | ಗೋವಿಂದ ವಿಠಲನಓವಿ ಹೃದಂಬರ | ಠಾವಿಲಿ ತೋರಿಸು 3

ಹಿಮಾಚಲೇಂದ್ರನ ಕುಮಾರಿ ಶಂಕರಿ
ಉಮಾಂಬೆ ಬಾರಮ್ಮ ಪ
ಕುಮಾರ ಶಕ್ರಾದಿ ಸಮಸ್ತ ಸುರಗಣ
ಸಮರ್ಚಿತಾಂಘ್ರಿಯೆ ನಮೋನಮೋ ಎಂಬೆ ಅ.ಪ.
ಬುದ್ಧ್ಯಾಭಿಮಾನಿಯೆ ಸದ್ಯೋಜಾತನ ರಾಣಿ
ಹೃದ್ಧ್ಯೋಮದಲಿ ಪೊಳೆದು
ವಿದ್ಯಾ ಬುದ್ಧಿಯನಿತ್ತು ಶುದ್ಧಾತ್ಮನನು ಮಾಡಿ
ಸದ್ಭಕ್ತಿ ಪಂಥದ ಸಿದ್ಧಾಂತ ತಿಳಿಸಮ್ಮ 1
ಘೋರ ಭವಾಬ್ಧಿಯ ತಾರಿಪ ಸುಲಭದ
ದಾರಿಯ ತೋರೆನುತ
ಮುರಾರಿಯನು ಬೇಡಿ ಶ್ರೀ ರಾಮ ನಾಮದ
ರುಚಿ ಬೀರಿದೆ ಜಗದೊಳು 2
ಲಕ್ಷಾಘ ಧ್ವಂಸಿನಿ ದಾಕ್ಷಾಯಿಣೀ ಗಣಾ
ಧಕ್ಷನ ವರ ಜನನಿ
ಲಕ್ಷ್ಮೀಕಾಂತನ ಅಪರೋಕ್ಷದಿ ಕಾಂಬುವ
ಸೂಕ್ಷ್ಮವನೊರೆದೆನ್ನ ರಕ್ಷಿಸು ಅಮ್ಮಯ್ಯ 3