ಭೋಗ ಬೇರಿಹುದಣ್ಣ ಭವ
ಭೋಗಗಳೆಲ್ಲವು ರೋಗಗಳಣ್ಣ
ಭೋಗವ ಪೊಂದುವ ಯೋಗವ ಮರೆಸುವ
ರೋಗಗಳಿಗೆ ಗುರಿಯಾಗದಿರಣ್ಣ 1
ಬಗೆ ಬಗೆ ಭಕ್ಷಗಳ ಭೋಗವು
ಸೊಗಸೆಂದರಿಯದಿರು
ಹಗರಣದಲಿ ತನು ದುಗುಡಕೆ ಸಿಲುಕಲು
ಸೊಗಸುಗಳೆಲ್ಲವು ಹಗೆಯಾಗುವುವು 2
ಅಂಗನೆಯರ ಸರಸ ಎಳೆಯ ಭು
ಜಂಗನ ಸಹವಾಸ
ಅಂಗಗಳಲಿ ಬಲ ಸಡಲಲು ನಿನ್ನಯ
ಹಂಗಿಲ್ಲದೆ ಮಾನಭಂಗ ಮಾಡುವರು 3
ಉಡಿಗೆ ತೊಡುಗೆ ಯೋಗ ಜಗದಲಿ
ಹುಡುಗುತನದ ಭೋಗ
ಗಿಡಗ ಗಿಳಿಮರಿಯನೊಯ್ಯುವ ತೆರದಲಿ
ಪಿಡಿಯಲು ದೂತರು ತಡೆ ಮಾಡುವರೇ 4
ಪ್ರಕೃತಿಯೊಳ್ ಸಿಲುಕಿರಲು ಭೋಗಕೆ
ಶಕುತಿ ಸಾಲದಣ್ಣ
ಭಕುತ ಪ್ರಸನ್ನನು ಭಕುತಿಯೆಂಬೊ ನಿನ್ನ
ಯುಕುತಿಗೆ ನೀಡುವ ಮುಕುತಿಯೆಂಬ ದಿವ್ಯ 5

ಹನುಮನ ಮತದಲಿ ಅನುಮಾನ ಬೇಡವೊ
ಮನಮುಟ್ಟಿ ಭಜಿಸಲೊ ಎಲೆ ಮನವೇ ಪ
ಸನಕಾದಿ ವಂದಿತ ಮನಸಿಜ ಜನಕ
ವನಜನಯನ ಹರಿಗನುಮತವಾದಂತ ಅ.ಪ
ವಿಧಿ ಭವಾದಿಗಳಲ್ಲಿ
ಅನುಚರರಿವನಿಗೆ ಪರತಂತ್ರರು
ವಿವಿಧ ತಾರತಮ್ಯ ನಿರತ ಪೊಂದಿರುವರು
ಸಕಲ ಜಗಂಗಳು ನಿಜವೆಂದು ಬೋಧಿಪ1
ಮುಕುತಿಯೆಂಬುದು ನಿಜಾನಂದದ ಅನುಭವ
ಭಕುತಿಯೇ ಪಡೆಯಲು ಸಾಧನವು
ಪ್ರಕೃತಿ ಸಂಯುತವಾದ ದೇಹವ ಕಳೆಯಲು
ಯುಕುತಿ ಬೇರಿಲ್ಲವೆಂದು ಭರದಿ ಸಾರುವಂಥ 2
ನಯನಕೆ ಗೋಚರ ಒಣ ಊಹೆಯಿಂದಲಿ
ತಿಳಿಯಲು ಹರಿಯನು ಅಳವಲ್ಲವು
ನಿಗಮಗಳಿಂದಲೆ ಅರಿತ ಜ್ಞಾನಿಗೆ ಪ್ರ
ಸನ್ನನಾಗುವನೆಂದು ದೃಢದಿಂದರುಹುವ 3