ಸ್ಮರಿಸೋ ಎಲೆ ಮನವೇ | ಜಗದಯ್ಯನಾ |
ಸ್ಮರಿಸೋ ಶಿವಸುಖ ಬೆರಿಸೊ ಭವದಿಂದ |
ತರಿಸೊ ಗಿರಿಜಾ ರಮಣನ ಪ
ಫಣಿಯಾಗಣ್ಣಿ ನೋರಣಿಯಾ | ಸದಮಲ |
ಫಣಿಯಾ ಭರಣ ಭೂಷಣಿಯಾ | ಮುಕುತಿಯಾ |
ಹೋಣೆಯಾ ಕೊಡಲಿಕ್ಕೆ ದಣಿಯಾನೆಂದು ಬೇಡುವರಾ 1
ಒಡಿಯನೆನ್ನದೆ ನಡಿಯಾ | ಅಂಗಜನಾ |
ಹುಡಿಯಾ ಮಾಡಿದ ನಡಿಯಾ ಶರಣೆಂದು |
ಪಿಡಿಯಾಲವರಿಗೆ ಪಡಿಯಾ | ನಿತ್ತು ಹೊರೆವನಾ 2
ಯತಿಯಾ ಆನಂದ ಸ್ಥಿತಿಯಾ | ಪುಣ್ಯ |
ಮೂರುತಿಯಾ ವಿಮಲ ಕೀರುತಿಯಾ | ಗುರುಮಹೀ |
ಪತಿಯಾ ನಂದನ ಸಾರಥಿಯಾನಾದಿ ಮಹಿಮನಾ3

ಹಿತ ನೋಡೀ ಮಾಡಿ ಸುಜನರ | ಪಥವನೆಕೂಡಿ ಪ
ಗುರುವಿಗೆ ಬಾಗಿ ಶರಣವ ಹೋಗಿ |
ತರಳತೆ ನೀಗಿ ಅರಹುತರಾಗಿ 1
ಭ್ರಾಂತರಕೂಡಿ ಮತಿಗಳ ಬ್ಯಾಡೀ |
ಸಂತರೊಳಾಡಿ ಅನಂತನ ಪಾಡಿ 2
ಸಂಧಿಸಿ ತಂದ ಸುಕೃತಗಳಿಂದ |
ಹೊಂದುವವೆಂದೇ ನರದೇಹ ಮುಂದೆ 3
ವಿವೇಕದಿಂದಾ ವಿಡಿರಿದೆ ಛಂದಾ |
ಅವನಿಲಿ ಬಂದಾ ಜನುಮಕ ಛಂದಾ 4
ಗುರುಮಹಿಪತಿಯಾ ಚರಣದ್ವಿತಿಯಾ |
ವರಿಸಿ ಮುಕುತಿಯಾ ಪಡೆವದು ಗತಿಯಾಜ್ಞ 5