ಆರತಿ ಬೆಳಗುವೆನಾ | ಅಸುರವಂದ್ಯಗೆ
ಕಾರುಣ್ಯ ವೇದವ್ಯಾಸ ಮುಕುಂದಗೆ ಪ
ಸತ್ಯವತೀ ಸುತನಾಗ್ಯವತರಿಸಿದ |
ಸತ್ಯ ಸನಾತನ ಮೂರುತಿಗೆ 1
ಅಖಿಲದೋಳಗೆ ಭಾರತ ಭಾಗವತವ
ಸಕಲ ಪುರಾಣವ ರಚಿಸಿದವಗೆ 2
ತಾನಿಜಗತಿ ಪದ ದೋರಿದಗೆ 3
ಶರಣಜನರಿಷ್ಟಾರ್ಥವ ನೀಡುತ
ಗುರುಮಹೀಪತಿಸುತ ಸಾರಥಿಗೆ 4

ಜಯದೇವಿ ಜಯದೇವಿ ಜಯ ಪಾವನಗಂಗೇ |
ಜಯಜಯ ತ್ರಿಪಥಗಾಮಿನಿ ಜಯ ತುಂಗತರಂಗೇ ಪ
ಆದಿಲಿ ಶ್ರೀಹರಿ ಕೋಮಲ ಪದನಖದಿಂದೊಗದು |
ಸಾಧಿನಿ ವಾರಿಜಭವನಾ ಕರಪಾತ್ರಕೆ ಬಂದು |
ಸಾದರದಿಂದಾಶಿವನ ಕೆಂಜೆಡೆಯೊಳು ನಿಂದು |
ಮೇದಿನಿಗಿಳಿದು ನೀಬಂದೆ ಭಗೀರಥನೃಪಗೊಲಿದು 1
ಕಾಶಿಪ್ರಯಾಗದಿ ನಿಂದು ಉದ್ದರಿಸುತ ಕೆಲರಾ |
ಆಶೆಯ ಪೂರಿಸಲಾಗಿ ದಕ್ಷಿಣ ದಿಶೆದವರಾ |
ರಾಶಿಯ ಕನ್ಯಾ ಮೆಟ್ಟಲು ಸುರಗುರು ಗಂಭೀರಾ |
ಭಾಶಿಶಿ ತೋರಿದೆ ಬಂದು ಕೃಷ್ಣವೇಣಿಲಿ ಸದರಾ 2
ಹರಿಹರ ದೇವರು ದ್ರವರೂಪದಿ ಹರಿವುತಲೀ |
ನೆರೆನೀಕೂಡಿದ ಸಂಭ್ರಮ ಏನೆಂದುಸುರಲಿ |
ದರುಶನ ಮಾತ್ರದಲಾದೆನು ಮುಕ್ತನು ಭವದಲಿ |
ಗುರು ಮಹೀಪತಿಸುತ ಎನ್ನನು ರಕ್ಷಿಸು ಕರುಣದಲಿ |3

ಜೋಜೋಜೋ ಬಾಲ ಮುಕುಂದಾ |
ಯೋಗಿ ಹೃದಯಾನಂದ |
ಜೋಜೋ ನಮ್ಮ ಗೋಪಿಯ ಕಂದಾ |
ಜೋಜೋ ಗೋಪಾಲ ಗೋವಿಂದಾ | ಜೋ ಜೋ ಪ
ಉರಗರಾಜನ ಹಾಸಿಗೆ ಮೇಲೆ |
ಶಿರಿದೇವಿ ಕೈಯಲಿ ಶೇವೆಯ ಕೊಳ್ಳುತಲಿ |
ಭರದಿ ನಾರದ ಗಾಯನದಲಿ | ಇಂಥಾ |
ಮೆರೆವ ಯೋಗದ ನಿದ್ರೆಯಲೀ || ಜೋಜೋ 1
ಆದನೆಲ್ಲವ ಬಿಟ್ಟು ಶ್ರೀಹರಿ |
ವಿದಿತ ಬಾಲಕ ವೇಷವದೋರಿ |
ಪುದುಳದಿಂದಲಿ ತೊಟ್ಟಿಲ ಸಾರಿ |
ಮುದದಲ್ಲಾಡುವ ಸುರ ಸಹಕಾರಿ || ಜೋಜೋ 2
ಏನು ಪುಣ್ಯವೋ ಗೋಕುಲ ಜನರ |
ಶ್ರೀ ನಂದಾತ್ಮಜ ನಾದವಿನೋದಾ |
ಧ್ಯಾನ ಮೌನಕೆ ಗೋಚರಪಾದ | ಮಹಾ |
ದಾನಿ ಮಹೀಪತಿಸುತ ಪ್ರಿಯನಾದಾ | ಜೋ ಜೋ 3