ಕಂಡು ಕೌತುಕ ಕಾಯದೊಳಗಿನಾಶ್ರಯ ಸಾಧನ
ಕೊಂಡಾಡಲೆಷ್ಟೆಂದು ನಾ ಧ್ರುವ
ಏಳು ಮೂರೆರಡು ನಾದಗಳು ಪರಿಪರಿಗಳುಕೇಳಬರುತಲ್ಯದ
ತಾಳಮೃದಂಗ ಭೇರಿಗಳು ಸುಫೋಷಗಳು ಕೇಳಗುಡುತಲ್ಯದ 1
ಒಳಗೆ ಕಂಡೆ ನಾ ರಾಶಿ ಬೆಳಗಿನ ಮಳೆ ಮಿಂಚಿನ
ತಳದ್ಹಿಡಿದು ತುಂಬೇದ
ಕಳೆಕಾಂತಿ ರವಿಕೋಟಿ ಕಿರಣ ತೇಜ:ಸ್ಪುರಣ ಥಳಥಳಗುಡುತ್ಯದ 2
ಮಂಗಳಕರದಾನಂದೋದಯ ಮಹದಾಶ್ರಯ
ರಂಗಮಯದೋರುತ್ಯದ
ಸಂಗಸುಖ ಬೀರುತ್ಯದ 3

ಗುರು ನಿಮ್ಮ ದಯವೆನಗಾನಂದೋದಯ
ಸರಿಸೌಖ್ಯಕರನೀವÀ ಮಹದಾಶ್ರಯ ಧ್ರುವ
ಗುರುನಿಮ್ಮ ಕೃಪೆನೋಟ ಎನಗನುಭವದೂಟ
ಸುರಸಯೋಗದ ಆಟ ಪರಮನೀಟ
ಗುರು ಸುಬೋಧದ ಕೂಡಿ ಎನಗೆ ನಿಜ ಘನ ಪ್ರಗಟ
ಕರಕಮಲ ಭಯದಮಾಟ ವರಮುಗುಟ 1
ಗುರುನಿಮ್ಮ ದಯಕರುಣ ಎನಗೆ ಸಕಲಾಭರಣ
ವರ ಪ್ರತಾಪದೆ ವಿಜಯಾನಂದಘನ
ಗುರು ನಿಮ್ಮ ಶ್ರೀ ಚರಣ ಎನಗೆ ಬಳಗವು ಪೂರ್ಣ
ಹರುಷಗತಿ ಸಾಧನ ಪರಮಘನ 2
ಗುರು ನಿಮ್ಮ ಬಲವೆ ಬಲ ಎನಗನುದಿನ ದೆಲ್ಯಚಲ
ಹೊರುಹುತಿಹ ನಾಮನಿಜ ಸರ್ವಕಾಲ
ತರಳ ಮಹಿಪತಿಗೆ ನೀಮಾಡುತಿಹ್ಯ ಪ್ರತಿಪಾಲ
ಗುರು ಭಾನುಕೋಟಿತೇಜನೆ ಕೃಪಾಲ 3

ಜಯ ಜಯ ಗುರುನಾಥ
ದಯ ಗುಣದಲಿ ಅಖಂಡಿತ ಧ್ರುವ
ಅನುಗ್ರಹದಲಿ ಸಮರ್ಥ
ಜನವನದೋರುವೆ ಪರಮಾರ್ಥ
ನೀನೆ ಸಕಲಾರ್ಥ
ಅಣು ರೇಣುಕ ಸುಹಿತಾರ್ಥ 1
ಬಡವರಿಗಾಧಾರಿ
ನೀಡುವುದರಲಿ ಘನ ಉದಾರಿ
ಕುಡುವೆ ನಿಜದೋರಿ
ಕಡೆಗಾಣಿಸುವೆ ಸಹಕಾರಿ 2
ಪಿಡಿದವರ ಕೈಯ
ಬಿಡ ಎಂದೆಂದಿಗೆ ನಿಶ್ಚಯ
ಒಡೆಯನಹುದಯ್ಯ
ಮೂಢ ಮಹಿಪತಿ ಮಹದಾಶ್ರಯ 3